![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਧਿਆਪਕ ਨੇਕੀ ਦਾ ਵਣਜਾਰਾ
• ਆਤਮਾ ਸਿੰਘ ਚਿੱਟੀ •
ਇਸ ਨੂੰ ਸਾਰਾ ਜਗਤ ਪਿਆਰਾ |
ਅਧਿਆਪਕ ਨੇਕੀ ਦਾ ਵਣਜਾਰਾ |
ਗੱਲ ਕਰਨ ਦਾ ਬੜਾ ਸਲੀਕਾ,
ਪੜ੍ਹਾਉਣ ਦਾ ਸੋਹਣਾ ਇਹਨੂੰ ਤਰੀਕਾ |
ਬੱਚਿਆਂ ਦੀ ਕਿਸਮਤ ਦਾ ਘਾੜਾ,
ਇਹ ਨਾ ਕਰੇ ਕਿਸੇ ਦਾ ਮਾੜਾ |
ਕਿਸੇ ਨਾਲ ਨਾ ਇਸ ਦਾ ਵੈਰ,
ਹਰ ਕਿਸੇ ਦੀ ਮੰਗੇ ਖ਼ੈਰ |
ਪੜ੍ਹਾਉਣ ਦਾ ਇਸ ਨੂੰ ਚੰਗਾ ਵੱਲ,
ਪਿਆਰ ਨਾਲ ਇਹ ਕਰਦਾ ਗੱਲ |
ਸਭ ਨਾਲ ਪ੍ਰੇਮ-ਪਿਆਰ ਇਹ ਰੱਖੇ,
ਕੰਮ ਕਰਦਾ ਕਦੇ ਨਾ ਥੱਕੇ |
ਗਿਆਨ ਨਾਲ ਇਹ ਝੋਲੀਆਂ ਭਰਦਾ,
ਨਾਲ ਸ਼ੌਕ ਦੇ ਕੰਮ ਇਹ ਕਰਦਾ |
ਵਿੱਦਿਆ ਦੀ ਇਹ ਜੋਤ ਜਗਾਵੇ,
ਹਰ ਕੰਮ ਵਿਚ ਅੱਗੇ ਆਵੇ |
ਇਹ ਨਾ ਕੋਈ ਢਿੱਲ ਦਿਖਾਉਂਦਾ,
ਸਭ ਨੂੰ ਜੀਵਨ-ਜਾਚ ਸਿਖਾਉਂਦਾ |
ਹਰ ਬੱਚੇ ਨੂੰ ਕਰੇ ਪਿਆਰ,
ਉੱਚੇ ਇਹਦੇ ਬਹੁਤ ਵਿਚਾਰ |
ਅਧਿਆਪਕ ਐਸਾ ਪੁਰਸ਼ ਮਹਾਨ,
ਸੋਭਾ ਇਸ ਦੀ ਕੁੱਲ ਜਹਾਨ |
ਔਖੇ ਲੰਮੇ ਪੰਧ ਮੁਕਾਵੇ,
ਬੱਚੇ ਰੀਝਾਂ ਨਾਲ ਪੜ੍ਹਾਵੇ |
ਮਨ ਦੇ ਨੇਰ੍ਹੇ ਦੂਰ ਭਜਾਉਂਦਾ,
ਬੱਚੇ ਮਿਹਨਤ ਨਾਲ ਪੜ੍ਹਾਉਂਦਾ |]
-ਪਿੰਡ ਤੇ ਡਾਕ: ਚਿੱਟੀ, ਜ਼ਿਲ੍ਹਾ ਜਲੰਧਰ
ਮੋਬਾਈਲ : 88774-69564
