ਕਾਲੀਆਂ ਘਟਾਵਾਂ ਗਈਆਂ ਆ ਬੇਲੀਓ |
ਮੀਂਹ ਵਿਚ ਲਈਏ ਆਓ ਨਹਾ ਬੇਲੀਓ |
ਗਰਮੀ ਨੇ ਕੀਤਾ ਸੀ ਸਾਨੂੰ ਬਹੁਤ ਤੰਗ |
ਕਾਲੇ ਪੀਲੇ ਹੋ ਗਏ ਸਾਡੇ ਸਭ ਦੇ ਰੰਗ |
ਪਿੰਡੇ ਉਤੋਂ ਪਿੱਤ ਲਈਏ ਲਾਹ ਬੇਲੀਓ |
ਮੀਂਹ ਵਿਚ ਲਈਏ.... |
ਕਾਲੀਆਂ ਘਟਾਵਾਂ ਆਉਣ ਵੇਖੋ ਚੜ੍ਹ ਕੇ |
ਕੋਠਿਆਂ 'ਤੇ ਵੇਖਦੇ ਨੇ ਲੋਕੀਂ ਖੜ੍ਹ ਖੜ੍ਹ ਕੇ |
ਬੇਲੀਆਂ ਨੂੰ ਲਈਏ ਆਪਾਂ ਬੁਲਾ ਬੇਲੀਓ |
ਮੀਂਹ ਵਿਚ ਲਈਏ.... |
ਮੀਂਹ ਦੇ ਵਿਚ ਆਪਾਂ ਜਦੋਂ ਹੈ ਨਹਾਵਣਾ |
ਗੰਦਾ ਮੰਦਾ ਪਾਣੀ ਨਹੀਓਾ ਉਤੇ ਪਾਵਣਾ |
ਸ਼ਰਾਰਤਾਂ ਤੋਂ ਵੀ ਰੱਖਣਾ ਬਚਾ ਬੇਲੀਓ |
ਮੀਂਹ ਵਿਚ ਲਈਏ.... |
ਪਾਣੀ ਜਿੱਥੇ ਡੂੰਘਾ ਉਥੇ ਨਹੀਓਾ ਜਾਵਣਾ |
ਘਰ ਆ ਕੇ ਸਾਫ਼ ਪਾਣੀ ਨਾਲ ਨਹਾਵਣਾ |
'ਤਲਵੰਡੀ' ਦੇ ਵੀ ਗੀਤ ਲੈਣੇ ਗਾ ਬੇਲੀਓ |
ਮੀਂਹ ਵਿਚ ਲਈਏ... |
-ਅਮਰੀਕ ਸਿੰਘ ਤਲਵੰਡੀ ਕਲਾਂ,
ਗਿੱਲ ਨਗਰ, ਗਲੀ ਨੰ-13. ਮੁਲਾਂਪੁਰ ਦਾਖਾ (ਲੁਧਿਆਣਾ)
ਮੋਬਾਈਲ : 94635-42896
