ਜੰਗਲ ਇਕ ਦਿਨ ਵਿਚ ਨਹੀਂ ਮਰਦੇ | ਉਹ ਹੌਲੀ-ਹੌਲੀ ਮਰਦੇ ਹਨ— ਜਦੋਂ ਦਰੱਖਤ ਕੱਟੇ ਜਾਂਦੇ ਹਨ, ਜ਼ਮੀਨ ਦਾ ਲਾਲਚ ਕੁਦਰਤ ਤੋਂ ਵੱਡਾ ਹੋ ਜਾਂਦਾ ਹੈ ਅਤੇ ਮਨੁੱਖ ਆਪਣੀਆਂ ਲੋੜਾਂ ਨੂੰ ਹੱਦਾਂ ਤੋਂ ਪਾਰ ਲੈ ਜਾਂਦਾ ਹੈ |
ਜੰਗਲਾਂ ਦੀ ਕਟਾਈ, ਸੜਕਾਂ ਅਤੇ ਇਮਾਰਤਾਂ ਲਈ ਜ਼ਮੀਨ ਦੀ ਵਰਤੋਂ, ਅੱਗ, ਪ੍ਰਦੂਸ਼ਣ ਅਤੇ ਪਾਣੀ ਦੀ ਘਾਟ ਜੰਗਲਾਂ ਨੂੰ ਕਮਜ਼ੋਰ ਕਰਦੇ ਹਨ | ਜਲਵਾਯੂ ਵਿਚ ਤਬਦੀਲੀ ਵੀ ਗਰਮੀ, ਸੋਕੇ ਤੇ ਜੰਗਲਾਂ ਦੀਆਂ ਅੱਗਾਂ ਨੂੰ ਵਧਾ ਕੇ ਇਸ ਸੰਕਟ ਨੂੰ ਹੋਰ ਗੰਭੀਰ ਬਣਾਉਂਦੀ ਹੈ | ਜਦੋਂ ਇਕ ਦਰੱਖਤ ਡਿਗਦਾ ਹੈ ਤਾਂ ਸਿਰਫ਼ ਲੱਕੜ ਨਹੀਂ ਮਿਲਦੀ, ਉਸ ਨਾਲ ਪੰਛੀਆਂ ਦਾ ਘਰ, ਜਾਨਵਰਾਂ ਦਾ ਆਸਰਾ ਅਤੇ ਮਿੱਟੀ ਦੀ ਰੱਖਿਆ ਵੀ ਘਟ ਜਾਂਦੀ ਹੈ |
ਸਭ ਤੋਂ ਵੱਡੀ ਸਮੱਸਿਆ ਇਹ ਹੈ ਕਿ ਅਸੀਂ ਜੰਗਲ ਨੂੰ ਅਕਸਰ ਸਿਰਫ਼ ਦਰੱਖਤਾਂ ਦਾ ਸਮੂਹ ਸਮਝਦੇ ਹਾਂ | ਅਸਲ ਵਿਚ ਜੰਗਲ ਇਕ ਜਿਊਾਦਾ ਸੰਸਾਰ ਹੈ, ਜਿਸ ਵਿਚ ਦਰੱਖਤ, ਪਾਣੀ, ਮਿੱਟੀ, ਪੰਛੀ, ਜਾਨਵਰ ਤੇ ਮਨੁੱਖ ਇਕ-ਦੂਜੇ ਨਾਲ ਜੁੜੇ ਹੋਏ ਹਨ |
ਜੰਗਲ ਬਚਾਉਣ ਦਾ ਮਤਲਬ ਸਿਰਫ਼ ਨਵੇਂ ਬੂਟੇ ਲਾਉਣਾ ਨਹੀਂ, ਸਗੋਂ ਪੁਰਾਣੇ ਤੇ ਕੁਦਰਤੀ ਜੰਗਲਾਂ ਨੂੰ ਬਚਾਉਣਾ ਵੀ ਹੈ | ਜੇ ਜੰਗਲ ਮਰ ਗਏ ਤਾਂ ਇਸ ਦਾ ਅਸਰ ਸਿਰਫ਼ ਜੰਗਲਾਂ ਤੱਕ ਨਹੀਂ ਰਹੇਗਾ—ਹਵਾ, ਪਾਣੀ, ਮਿੱਟੀ, ਮੌਸਮ ਤੇ ਆਖ਼ਰਕਾਰ ਮਨੁੱਖੀ ਜੀਵਨ ਵੀ ਪ੍ਰਭਾਵਿਤ ਹੋਵੇਗਾ |
ਜੰਗਲਾਂ ਨੂੰ ਬਚਾਉਣਾ ਕੁਦਰਤ ਦੀ ਮਦਦ ਨਹੀਂ, ਇਹ ਆਪਣੇ ਭਵਿੱਖ ਨੂੰ ਬਚਾਉਣਾ ਹੈ |
-ਮੋਬਾ: 98159-45018
