ਸਾਈ ਸੁਧਰਸਨ ਦੀ ਪੱਸਲੀ ਟੁੱਟੀ ਛੇ ਹਫ਼ਤਿਆਂ ਲਈ ਹੋਏ ਬਾਹਰ

ਨਵੀਂ ਦਿੱਲੀ, 2 ਜਨਵਰੀ (ਪੀ.ਟੀ.ਆਈ.) ਬੀ.ਸੀ.ਸੀ.ਆਈ. ਦੇ ਇੱਕ ਸੂਤਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਨÏਜਵਾਨ ਭਾਰਤ ਦੇ ਬੱਲੇਬਾਜ਼ ਸਾਈ ਸੁਧਰਸਨ ਨੂੰ ਮੱਧ ਪ੍ਰਦੇਸ਼ ਵਿਰੁੱਧ ਹਾਲ ਹੀ ਵਿੱਚ ਵਿਜੇ ਹਜ਼ਾਰੇ ਟਰਾਫੀ ਮੈਚ ਦÏਰਾਨ ਪੱਸਲੀ ਟੁੱਟਣ ਤੋਂ ਬਾਅਦ ਇੱਕ ਮਹੀਨੇ ਤੋਂ ਵੱਧ ਸਮੇਂ ਲਈ ਬਾਹਰ ਰੱਖਿਆ ਜਾ ਸਕਦਾ ਹੈ | ਸੁਧਰਸਨ, ਜੋ ਕਿ ਭਾਰਤ ਦੇ ਵ੍ਹਾਈਟ ਬਾਲ ਸੈੱਟ-ਅੱਪ ਦਾ ਹਿੱਸਾ ਨਹੀਂ ਹੈ, ਨੇ ਅਹਿਮਦਾਬਾਦ ਵਿੱਚ ਮੱਧ ਪ੍ਰਦੇਸ਼ ਵਿਰੁੱਧ ਤਾਮਿਲਨਾਡੂ ਦੇ ਵੀ.ਐਚ.ਟੀ. ਮੈਚ 'ਚ ਡਾਈਵਿੰਗ ਦÏੜ ਨੂੰ ਪੂਰਾ ਕਰਦੇ ਸਮੇਂ ਜ਼ਖ਼ਮੀ ਹੋ ਗਏ | 24 ਸਾਲਾ ਖਿਡਾਰੀ ਦੇ ਤਾਮਿਲਨਾਡੂ ਦੇ ਬਾਕੀ ਰਣਜੀ ਟਰਾਫੀ ਮੈਚਾਂ ਲਈ ਫਿੱਟ ਹੋਣ ਦੀ ਸੰਭਾਵਨਾ ਨਹੀਂ ਹੈ ਪਰ ਸੰਭਾਵਨਾ ਬਣੀ ਹੋਈ ਹੈ ਕਿ ਉਹ ਆਈ.ਪੀ.ਐਲ. 'ਚ ਗੁਜਰਾਤ ਟਾਈਟਨਜ਼ ਲਈ ਉਪਲਬਧ ਹੋਵੇਗਾ |