-ਆਸਟ੍ਰੇਲੀਅਨ ਓਪਨ- ਰਾਇਬਾਕੀਨਾ ਨੇ ਪਹਿਲੀ ਵਾਰ ਜਿੱਤਿਆ ਖ਼ਿਤਾਬ

ਮੈਲਬੌਰਨ, 31 ਜਨਵਰੀ (ਏਜੰਸੀ)-ਕਜ਼ਾਖਸਤਾਨ ਦੀ ਟੈਨਿਸ ਸਟਾਰ ਏਲੇਨਾ ਰਾਇਬਾਕੀਨਾ ਨੇ ਆਸਟ੍ਰੇਲੀਅਨ ਓਪਨ ਦਾ ਖਿਤਾਬ ਆਪਣੇ ਨਾਂਅ ਕਰ ਲਿਆ ਹੈ। ਉਸਨੇ ਫਾਈਨਲ 'ਚ ਚੋਟੀ ਦੀ ਦਰਜਾ ਪ੍ਰਾਪਤ ਬੇਲਾਰੂਸੀ ਸਟਾਰ ਆਰੀਨਾ ਸਬਾਲੇਂਕਾ ਨੂੰ 6-4, 4-6, 6-4 ਨਾਲ ਹਰਾਇਆ, ਜਿਸ ਨਾਲ ਉਹ ਖਿਤਾਬ ਜਿੱਤਣ ਵਾਲੀ ਕਜ਼ਾਖਸਤਾਨ ਦੀ ਪਹਿਲੀ ਮਹਿਲਾ ਖਿਡਾਰਨ ਬਣ ਗਈ ਹੈ। ਇਹ 26 ਸਾਲਾ ਰਾਇਬਾਕੀਨਾ ਦਾ ਪਹਿਲਾ ਗ੍ਰੈਂਡ ਸਲੈਮ ਖਿਤਾਬ ਹੈ। ਤਿੰਨ ਸਾਲ ਪਹਿਲਾਂ, ਉਹ ਫਾਈਨਲ 'ਚ ਪਹੁੰਚੀ ਸੀ ਪਰ ਸਬਾਲੇਂਕਾ ਤੋਂ ਹਾਰ ਗਈ। ਅੱਜ ਰਾਇਬਾਕੀਨਾ ਨੇ ਉਸ ਹਾਰ ਦਾ ਬਦਲਾ ਲਿਆ। ਰਾਇਬਾਕੀਨਾ ਨੇ ਪਹਿਲਾਂ ਸੈਮੀਫਾਈਨਲ 'ਚ ਅਮਰੀਕੀ ਜੇਸ਼ੀਗਾ ਪੇਗੁਲਾ ਨੂੰ 6-3, 7-6 ਨਾਲ ਹਰਾਇਆ ਸੀ। ਫਾਈਨਲ ਮੈਚ 2 ਘੰਟੇ ਤੇ 16 ਮਿੰਟ ਤੱਕ ਚੱਲਿਆ। ਇਸ ਮੈਚ 'ਚ, ਕਜ਼ਾਖਸਤਾਨੀ ਸਟਾਰ ਨੇ ਪਹਿਲਾ ਸੈਟ ਜਿੱਤਿਆ ਤੇ ਮੈਚ 'ਚ 1-0 ਦੀ ਬੜ੍ਹਤ ਬਣਾਈ ਪਰ ਸਬਾਲੇਂਕਾ ਨੇ ਦੂਜੇ ਸੈਟ 'ਚ ਜ਼ਬਰਦਸਤ ਵਾਪਸੀ ਕੀਤੀ। ਇਸ ਤੋਂ ਬਾਅਦ ਰਾਇਬਾਕੀਨਾ ਨੇ ਤੀਜਾ ਸੈਟ ਜਿੱਤ ਕੇ ਮੈਚ ਜਿੱਤ ਲਿਆ।