ਖੇਡ ਸੰਸਾਰ
Free
ਹੇਨਰਿਕ ਕਲਾਸੇਨ ਵਲੋਂ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਵਾਪਸੀ ਤੋਂ ਇਨਕਾਰ
ਅਜੀਤ ਡੈਸਕ
04-04-2026
ਨਵੀਂ ਦਿੱਲੀ, 3 ਅਪ੍ਰੈਲ (ਪੀ.ਟੀ.ਆਈ.)-ਦੱਖਣੀ ਅਫਰੀਕਾ ਦੇ ਹਮਲਾਵਰ ਬੱਲੇਬਾਜ਼ ਹੇਨਰਿਕ ਕਲਾਸੇਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਵਾਪਸੀ ਤੋਂ ਇਨਕਾਰ ਕਰਦੇ ਹੋਏ ਕਿਹਾ ਹੈ ਕਿ ਉਸਨੇ ਇਹ ਫੈਸਲਾ ਆਪਣੇ ਪਰਿਵਾਰ ਨੂੰ ਵਧੇਰੇ ਸਮਾਂ ਦੇਣ ਲਈ ਲਿਆ ਹੈ | 34 ਸਾਲਾ ਕਲਾਸੇਨ ਨੇ ਦੱਖਣੀ ਅਫਰੀਕਾ ਨਾਲ ਕੇਂਦਰੀ ਇਕਰਾਰਨਾਮਾ ਪ੍ਰਾਪਤ ਕਰਨ 'ਚ ਅਸਫਲ ਰਹਿਣ ਤੋਂ ਬਾਅਦ ਪਿਛਲੇ ਸਾਲ ਜੂਨ 'ਚ ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ਤੋਂ ਸੰਨਿਆਸ ਲੈ ਲਿਆ ਸੀ | ਉਹ ਵਰਤਮਾਨ ਵਿੱਚ ਟੀ-20 ਲੀਗਾਂ ਵਿਚ ਖੇਡਦਾ ਹੈ | ਆਈ.ਪੀ.ਐਲ. ਵਲੋਂ ਸੋਸ਼ਲ ਮੀਡੀਆ 'ਤੇ ਜਾਰੀ ਇਕ ਵੀਡੀਓ 'ਚ ਕਲਾਸੇਨ ਨੇ ਆਪਣੇ ਸਨਰਾਈਜ਼ਰਜ਼ ਹੈਦਰਾਬਾਦ ਟੀਮ ਦੇ ਸਾਥੀ, ਨਿਤੀਸ਼ ਕੁਮਾਰ ਰੈਡੀ ਨਾਲ ਗੱਲ ਕੀਤੀ | ਕਲਾਸੇਨ ਨੇ ਕਿਹਾ ਕਿ ਮੈਂ ਇਸ ਬਾਰੇ 2 ਹਫ਼ਤਿਆਂ ਤੱਕ ਸੋਚਿਆ, ਪਰ ਫਿਰ ਵਾਪਸੀ ਨਾ ਕਰਨ ਦਾ ਫੈਸਲਾ ਕੀਤਾ |
