-ਆਈ.ਪੀ.ਐਲ.-ਸ੍ਰੀਲੰਕਾ ਬੋਰਡ ਤੋਂ ਤੁਸ਼ਾਰਾ ਨੇ ਮੰਗੀ ਮੁਆਫ਼ੀ

ਕੋਲੰਬੋ, 10 ਅਪ੍ਰੈਲ (ਪੀ.ਟੀ.ਆਈ.)-ਸ੍ਰੀਲੰਕਾ ਦੇ ਤੇਜ਼ ਗੇਂਦਬਾਜ਼ ਨੁਵਾਨ ਤੁਸ਼ਾਰਾ, ਜਿਸਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) ਵਿਚ ਹਿੱਸਾ ਲੈਣ ਲਈ ਕੋਈ ਇਤਰਾਜ਼ ਨਹੀਂ ਸਰਟੀਫਿਕੇਟ (ਐਨ. ਓ. ਸੀ.) ਦੇਣ ਤੋਂ ਇਨਕਾਰ ਕਰਨ 'ਤੇ ਆਪਣੇ ਕ੍ਰਿਕਟ ਬੋਰਡ ਨੂੰ ਅਦਾਲਤ ਵਿਚ ਚੁਣÏਤੀ ਦਿੱਤੀ ਸੀ, ਨੇ ਇਕ ਹੈਰਾਨੀਜਨਕ ਘਟਨਾਕ੍ਰਮ 'ਚ ਦੇਸ਼ ਦੀ ਪ੍ਰਬੰਧਕ ਸਭਾ ਤੋਂ ਮੁਆਫ਼ੀ ਮੰਗੀ ਹੈ ਤੇ ਹੁਣ ਆਪਣਾ ਕੇਸ ਵਾਪਸ ਲੈਣ 'ਤੇ ਵਿਚਾਰ ਕਰ ਰਿਹਾ ਹੈ | ਸ੍ਰੀਲੰਕਾ ਕ੍ਰਿਕਟ ਦੇ ਅੰਦਰਲੇ ਸੂਤਰਾਂ ਨੇ ਖੁਲਾਸਾ ਕੀਤਾ ਕਿ ਤੁਸ਼ਾਰਾ ਨੇ ਈ-ਮੇਲ ਰਾਹੀਂ ਬੋਰਡ ਨੂੰ ਆਪਣੀ ਮੁਆਫ਼ੀ ਮੰਗੀ, ਜਿਸ 'ਚ ਕਿਹਾ ਗਿਆ ਸੀ ਕਿ ਉਸਦਾ ਪ੍ਰਬੰਧਕ ਸਭਾ ਨੂੰ ਅਸੁਵਿਧਾ ਪੈਦਾ ਕਰਨ ਦਾ ਕੋਈ ਇਰਾਦਾ ਨਹੀਂ ਸੀ |