ਭਾਰਤੀ ਮਹਿਲਾ ਵ੍ਹੀਲਚੇਅਰ ਬਾਸਕਟਬਾਲ ਟੀਮ ਰਾਸ਼ਟਰਮੰਡਲ ਖੇਡਾਂ ਲਈ ਕੁਆਲੀਫਾਈ

ਨਵੀਂ ਦਿੱਲੀ, 10 ਅਪ੍ਰੈਲ (ਪੀ.ਟੀ.ਆਈ.)-ਭਾਰਤ ਦੀ 3ਗੁਣਾ3 ਮਹਿਲਾ ਵ੍ਹੀਲਚੇਅਰ ਬਾਸਕਟਬਾਲ ਟੀਮ ਨੇ ਸਕਾਟਲੈਂਡ ਦੇ ਗਲਾਸਗੋ 'ਚ ਹੋਣ ਵਾਲੀਆਂ ਆਉਣ ਵਾਲੀਆਂ ਰਾਸ਼ਟਰਮੰਡਲ ਖੇਡਾਂ ਲਈ ਕੁਆਲੀਫਾਈ ਕਰ ਲਿਆ ਹੈ | ਰਾਸ਼ਟਰਮੰਡਲ ਖੇਡਾਂ 23 ਜੁਲਾਈ ਤੋਂ 2 ਅਗਸਤ ਤੱਕ ਹੋਣਗੀਆਂ, 3ਗੁਣਾ3 ਵ੍ਹੀਲਚੇਅਰ ਬਾਸਕਟਬਾਲ ਮੁਕਾਬਲਾ 24 ਤੋਂ 29 ਜੁਲਾਈ ਤੱਕ ਸਕਾਟਿਸ਼ ਈਵੈਂਟਸ ਕੈਂਪਸ 'ਚ ਹੋਣਾ ਹੈ | ਭਾਰਤ, ਆਸਟ੍ਰੇਲੀਆ ਦੇ ਨਾਲ, ਏਸ਼ੀਆ-ਓਸ਼ੀਆਨਾ ਕੁਆਲੀਫਾਈਰਾਂ ਰਾਹੀਂ ਕੁਆਲੀਫਾਈ ਕੀਤਾ | ਇਹ ਦੋਵੇਂ ਟੀਮਾਂ ਹਿੱਸਾ ਲੈਣ ਵਾਲੀਆਂ ਇਕੋ-ਇਕ ਹਨ, ਜੋ ਕ੍ਰਮਵਾਰ ਏਸ਼ੀਆ ਤੇ ਓਸ਼ੀਆਨੀਆ ਦੀ ਨੁਮਾਇੰਦਗੀ ਕਰਦੀਆਂ ਹਨ |