ਮੈਸੀ 'ਤੇ 70 ਲੱਖ ਡਾਲਰ ਦੇ ਇਕਰਾਰਨਾਮੇ ਦੀ ਉਲੰਘਣਾ ਦਾ ਦੋਸ਼

ਮਿਆਮੀ, 16 ਅਪ੍ਰੈਲ (ਏਜੰਸੀ)-ਸਟਾਰ ਫੁੱਟਬਾਲਰ ਲਿਓਨੇਲ ਮੈਸੀ 'ਤੇ ਮਿਆਮੀ-ਅਧਾਰਿਤ ਇਕ ਈਵੈਂਟ ਪ੍ਰਮੋਟਰ ਨੇ ਮੁਕੱਦਮਾ ਕੀਤਾ ਹੈ | ਜਿਸ ਨੇ ਦੋਸ਼ ਲਗਾਇਆ ਹੈ ਕਿ ਖਿਡਾਰੀ ਨੇ ਪਿਛਲੇ ਸਾਲ ਇਕ ਪ੍ਰਦਰਸ਼ਨੀ ਮੈਚ ਵਿਚ ਸ਼ਾਮਲ ਨਾ ਹੋ ਕੇ 70 ਲੱਖ ਡਾਲਰ ਦੇ ਇਕਰਾਰਨਾਮੇ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ ਸੀ | ਅਦਾਲਤ ਦੇ ਰਿਕਾਰਡਾਂ ਅਨੁਸਾਰ, ਵਿਦ ਮਿਊਜ਼ਿਕ ਗਰੁੱਪ ਨੇ ਪਿਛਲੇ ਮਹੀਨੇ ਮਿਆਮੀ-ਡੇਡ ਸਰਕਟ ਕੋਰਟ ਵਿਚ ਮੈਸੀ ਤੇ ਅਰਜਨਟੀਨਾ ਫੁੱਟਬਾਲ ਐਸੋਸੀਏਸ਼ਨ (ਏ.ਐਫ.ਏ.) ਦੇ ਖਿਲਾਫ ਧੋਖਾਧੜੀ ਤੇ ਇਕਰਾਰਨਾਮੇ ਦੀ ਉਲੰਘਣਾ ਦਾ ਦੋਸ਼ ਲਗਾਉਂਦੇ ਹੋਏ ਮੁਕੱਦਮਾ ਦਾਇਰ ਕੀਤਾ ਸੀ |