ਜੋਕੋਵਿਚ ਸੱਟ ਕਾਰਨ ਮੈਡਿ੍ਡ ਓਪਨ ਤੋਂ ਹਟਿਆ

ਮੈਡਿ੍ਡ, 17 ਅਪ੍ਰੈਲ (ਏਜੰਸੀ)-ਵਿਸ਼ਵ ਦੇ ਨੰਬਰ 4 ਨੋਵਾਕ ਜੋਕੋਵਿਚ ਨੇ ਲੰਬੇ ਸਮੇਂ ਤੋਂ ਚੱਲ ਰਹੀ ਸੱਟ ਕਾਰਨ ਮੈਡਿ੍ਡ ਓਪਨ ਤੋਂ ਹਟਣ ਦਾ ਐਲਾਨ ਕੀਤਾ ਹੈ | ਜੋਕੋਵਿਚ ਨੇ ਇੰਡੀਅਨ ਵੇਲਜ਼ ਵਿਖੇ ਹੋਏ ਬੀ.ਐਨ.ਪੀ. ਪਰਿਬਾਸ ਓਪਨ ਤੋਂ ਬਾਅਦ ਕਿਸੇ ਵੀ ਟੂਰਨਾਮੈਂਟ ਵਿਚ ਹਿੱਸਾ ਨਹੀਂ ਲਿਆ ਹੈ | ਉਹ ਸੱਜੇ ਮੋਢੇ ਦੀ ਸੱਟ ਕਾਰਨ ਮਿਆਮੀ ਓਪਨ ਤੋਂ ਬਾਹਰ ਰਿਹਾ ਸੀ ਤੇ ਮੋਂਟੇ ਕਾਰਲੋ ਮਾਸਟਰਜ਼ 'ਚ ਵੀ ਹਿੱਸਾ ਨਹੀਂ ਲਿਆ | ਜੋਕੋਵਿਚ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਾਟ 'ਤੇ ਲਿਖਿਆ ਕਿ ਬਦਕਿਸਮਤੀ ਨਾਲ, ਮੈਂ ਇਸ ਸਾਲ ਮੈਡਿ੍ਡ ਓਪਨ 'ਚ ਹਿੱਸਾ ਨਹੀਂ ਲੈ ਸਕਾਂਗਾ | ਮੈਂ ਜਲਦੀ ਵਾਪਸੀ ਦੀ ਉਮੀਦ 'ਚ ਆਪਣੀ ਰਿਕਵਰੀ ਜਾਰੀ ਰੱਖ ਰਿਹਾ ਹਾਂ, ਜਲਦੀ ਮਿਲਦੇ ਹਾਂ | ਜ਼ਿਕਰਯੋਗ ਹੈ ਕਿ ਜੋਕੋਵਿਚ ਮੈਡਿ੍ਡ ਵਿੱਚ ਤਿੰਨ ਵਾਰ ਦਾ ਚੈਂਪੀਅਨ ਹੈ |