ਰਾਹੁਲ ਤੇ ਨਿਸੰਕਾ ਦੀ ਬੱਲੇਬਾਜ਼ੀ ਸਦਕਾ ਦਿੱਲੀ ਨੇ ਰਾਜਸਥਾਨ ਨੂੰ ਹਰਾਇਆ

ਜੈਪੁਰ, 1 ਮਈ (ਏਜੰਸੀ)-ਆਈ.ਪੀ.ਐਲ. ਸੀਜ਼ਨ ਦੇ 43ਵੇਂ 'ਚ ਮੈਚ ਦਿੱਲੀ ਕੈਪੀਟਲਜ਼ ਨੇ ਰਾਜਸਥਾਨ ਰਾਇਲਜ਼ ਨੂੰ 7 ਵਿਕਟਾਂ ਨਾਲ ਹਰਾਇਆ | ਜੈਪੁਰ 'ਚ ਖੇਡੇ ਗਏ ਇਸ ਮੈਚ 'ਚ ਰਾਜਸਥਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ ਤੇ 225/6 ਦਾ ਸਕੋਰ ਬਣਾਇਆ | ਰਾਜਸਥਾਨ ਰਾਇਲਜ਼ ਦੀ ਇਸ ਮੁਕਾਬਲੇ 'ਚ ਸ਼ੁਰੂਆਤ ਬਹੁਤ ਮਾੜੀ ਰਹੀ | ਹਾਲਾਂਕਿ, ਰਿਆਨ ਪਰਾਗ ਨੇ ਇਕ ਸ਼ਾਨਦਾਰ ਪਾਰੀ ਖੇਡੀ ਤੇ ਆਖਰੀ ਓਵਰਾਂ 'ਚ ਡੋਨੋਵਨ ਫਰੇਰਾ ਦੀ ਪਾਰੀ ਦੀ ਬਦੌਲਤ, ਰਾਜਸਥਾਨ ਇਕ ਵੱਡਾ ਸਕੋਰ ਬਣਾਉਣ ਵਿਚ ਕਾਮਯਾਬ ਰਿਹਾ | ਸ਼ੁਰੂਆਤ 'ਚ ਯਸ਼ਸਵੀ ਜੈਸਵਾਲ (6) ਤੀਜੀ ਗੇਂਦ 'ਤੇ ਹੀ ਆਊਟ ਹੋ ਗਏ¢ ਇਸ ਤੋਂ ਬਾਅਦ ਵੈਭਵ ਸੂਰਿਆਵੰਸ਼ੀ ਚੌਕਾ ਲਗਾਉਣ ਤੋਂ ਬਾਅਦ ਆਪਣੀ ਵਿਕਟ ਗਵਾ ਬੈਠੇ | ਪਰ ਰਿਆਨ ਪਰਾਗ ਤੇ ਧਰੁਵ ਜੁਰੇਲ ਨੇ ਪਾਰੀ ਨੂੰ ਮਜ਼ਬੂਤ ਕਰਨਾ ਸ਼ੁਰੂ ਕਰ ਦਿੱਤਾ ਤੇ ਦੋਵਾਂ ਨੇ 102 ਦÏੜਾਂ ਦੀ ਸਾਂਝੇਦਾਰੀ ਕੀਤੀ | ਜੁਰੇਲ (42) ਦੇ ਆਊਟ ਹੋਣ ਤੋਂ ਬਾਅਦ ਰਵਿੰਦਰ ਜਡੇਜਾ ਵਲੋਂ ਪਰਾਗ ਨਾਲ ਸਾਂਝੇਦਾਰੀ ਕੀਤੀ ਗਈ | ਪਰ ਦੋਵਾਂ ਨੇ 17ਵੇਂ ਓਵਰ 'ਚ ਵਿਕਟਾਂ ਗਵਾ ਦਿੱਤੀਆਂ | ਪਾਰੀ ਦੇ ਅੰਤ ਵੱਲ, ਡੋਨੋਵਨ ਫਰੇਰਾ ਨੇ ਧਮਾਕੇਦਾਰ ਬੱਲੇਬਾਜ਼ੀ ਦਾ ਪ੍ਰਦਰਸ਼ਨ ਕੀਤਾ | ਉਸਨੇ ਸਿਰਫ਼ 13 ਗੇਂਦਾਂ 'ਤੇ 47 ਦÏੜਾਂ ਬਣਾਈਆਂ, ਜਿਸ ਨਾਲ ਰਾਜਸਥਾਨ ਕੁੱਲ 225 ਦÏੜਾਂ ਤੱਕ ਪਹੁੰਚ ਸਕਿਆ | ਟੀਚੇ ਦਾ ਪਿੱਛਾ ਕਰਦੇ ਹੋਏ ਦਿੱਲੀ ਟੀਮ ਲਈ ਕੇ.ਐਲ. ਰਾਹੁਲ ਤੇ ਪਥੁਮ ਨਿਸੰਕਾ ਨੇ ਸਥਿਰ ਸ਼ੁਰੂਆਤ ਕੀਤੀ | ਇਕੱਠੇ, ਉਨ੍ਹਾਂ ਨੇ 4.1 ਓਵਰਾਂ ਵਿਚ 51 ਦÏੜਾਂ ਜੋੜੀਆਂ | ਦੋਵਾਂ ਵਿਚਕਾਰ ਸਾਂਝੇਦਾਰੀ 100 ਦÏੜਾਂ ਦੇ ਅੰਕੜੇ ਤੱਕ ਪਹੁੰਚ ਗਈ | ਹਾਲਾਂਕਿ, ਜਦੋਂ ਦਿੱਲੀ ਦਾ ਸਕੋਰ 110 ਦÏੜਾਂ 'ਤੇ ਸੀ, ਤਾਂ ਨਿਸੰਕਾ 9.3ਵੇਂ ਓਵਰ ਵਿਚ ਰਵਿੰਦਰ ਜਡੇਜਾ ਦੀ ਗੇਂਦਬਾਜ਼ੀ 'ਤੇ ਐਲ.ਬੀ.ਡਬਲਯੂ. ਆਊਟ ਹੋ ਗਿਆ | ਦਿੱਲੀ ਨੂੰ ਦੂਜਾ ਝਟਕਾ ਨਿਤੀਸ਼ ਰਾਣਾ (33) ਦੇ ਰੂਪ ਵਿਚ ਲੱਗਾ | ਇਸ ਤੋਂ ਥੋੜ੍ਹੀ ਦੇਰ ਬਾਅਦ, ਕੇ.ਐਲ. ਰਾਹੁਲ ਵੀ ਆਊਟ ਹੋ ਗਿਆ, ਜਿਸਨੇ 40 ਗੇਂਦਾਂ 'ਤੇ 75 ਦÏੜਾਂ ਬਣਾਈਆਂ | ਕੇਐਲ ਰਾਹੁਲ (70) ਤੇ ਪਥੁਮ ਨਿਸੰਕਾ (62) ਦੀ ਬੱਲੇਬਾਜ਼ੀ ਨੇ ਪੂਰੇ ਮੈਚ ਦਾ ਪਾਸਾ ਪਲਟ ਦਿੱਤਾ | ਇਸ ਦੌਰਾਨ ਦਿੱਲੀ ਲਈ ਟਿ੍ਸਟਨ ਸਟੱਬਸ (18) ਤੇ ਆਸ਼ੂਤੋਸ਼ ਸ਼ਰਮਾ (25) ਅਜੇਤੂ ਰਹੇ ਤੇ 19.1 ਓਵਰਾਂ 'ਚ ਟੀਚੇ ਦੀ ਸਫ਼ਲਤਾਪੂਰਵਕ ਪ੍ਰਾਪਤੀ ਕੀਤੀ |