ਪਾਕਿਸਤਾਨ ਤੇ ਬੰਗਲਾਦੇਸ਼ ਦਾ ਦੌਰਾ ਨਹੀਂ ਕਰਨਗੇ ਕਮਿੰਸ, ਸਟਾਰਕ ਤੇ ਹੇਜ਼ਲਵੁੱਡ <br/>

ਸਿਡਨੀ, 11 ਮਈ (ਪੀ.ਟੀ.ਆਈ.)-ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) 'ਚ ਮੌਜੂਦਾ ਸਮੇਂ ਖੇਡ ਰਹੇ ਤੇਜ਼ ਗੇਂਦਬਾਜ਼ਾਂ ਪੈਟ ਕਮਿੰਸ, ਮਿਸ਼ੇਲ ਸਟਾਰਕ ਤੇ ਜੋਸ਼ ਹੇਜ਼ਲਵੁੱਡ ਲਈ ਵਰਕਲੋਡ ਪ੍ਰਬੰਧਨ ਰਣਨੀਤੀ ਦੇ ਤਹਿਤ ਆਸਟ੍ਰੇਲੀਆ ਨੇ ਪਾਕਿਸਤਾਨ ਤੇ ਬੰਗਲਾਦੇਸ਼ 'ਚ ਆਉਣ ਵਾਲੀ ਸੀਮਤ ਓਵਰਾਂ ਦੀ ਲੜੀ ਲਈ ਉਨ੍ਹਾਂ ਦੀ ਚੋਣ ਨਾ ਕਰਨ ਦਾ ਫੈਸਲਾ ਕੀਤਾ ਹੈ | ਇਹ ਫੈਸਲਾ ਕਈ ਨੌਜਵਾਨ ਖਿਡਾਰੀਆਂ ਨੂੰ ਮÏਕਾ ਪ੍ਰਦਾਨ ਕਰੇਗਾ | ਕਮਿੰਸ, ਸਟਾਰਕ ਤੇ ਹੇਜ਼ਲਵੁੱਡ ਨੂੰ ਆਰਾਮ ਦੇਣ ਦਾ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਉਹ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਲਈ ਤਾਜ਼ਾ ਤੇ ਤਿਆਰ ਰਹਿਣ, ਜਿਸਦੀ ਸ਼ੁਰੂਆਤ ਆਸਟ੍ਰੇਲੀਆ ਬੰਗਲਾਦੇਸ਼ ਵਿਰੁੱਧ 2 ਮੈਚਾਂ ਦੀ ਘਰੇਲੂ ਟੈਸਟ ਲੜੀ ਨਾਲ ਕਰੇਗਾ | ਇਹ ਤਿੰਨ ਖਿਡਾਰੀ 30 ਮਈ ਤੋਂ ਸ਼ੁਰੂ ਹੋਣ ਵਾਲੀ ਪਾਕਿਸਤਾਨ ਵਿਰੁੱਧ ਤਿੰਨ ਮੈਚਾਂ ਦੀ ਇਕ ਰੋਜ਼ਾ ਲੜੀ ਤੋਂ ਖੁੰਝ ਜਾਣਗੇ | ਆਲਰਾਊਾਡਰ ਲੀਅਮ ਸਕਾਟ ਤੇ ਆਸਟ੍ਰੇਲੀਆ ਦੇ ਅੰਡਰ-19 ਵਿਸ਼ਵ ਕੱਪ ਕਪਤਾਨ, ਓਲੀ ਪੀਕ ਨੂੰ ਪਹਿਲੀ ਵਾਰ ਸੀਨੀਅਰ ਟੀਮ ਵਿਚ ਸ਼ਾਮਲ ਕੀਤਾ ਗਿਆ ਹੈ | ਖੱਬੇ ਹੱਥ ਦੇ ਬੱਲੇਬਾਜ਼ ਜੋਏਲ ਡੇਵਿਸ ਨੂੰ ਜੂਨ 'ਚ ਬੰਗਲਾਦੇਸ਼ ਵਿਰੁੱਧ ਟੀ-20 ਲੜੀ ਲਈ ਟੀਮ ਵਿਚ ਚੁਣਿਆ ਗਿਆ ਹੈ; ਉਸਨੂੰ ਵੀ ਆਪਣਾ ਪਹਿਲਾ ਕਾਲ-ਅੱਪ ਮਿਲਿਆ ਹੈ | ਆਈ.ਪੀ.ਐਲ. 31 ਮਈ ਨੂੰ ਸਮਾਪਤ ਹੋਣ ਵਾਲਾ ਹੈ |