ਸ਼ੁਭਮਨ ਦੇ ਸੈਂਕੜੇ ਸਦਕਾ ਗੁਜਰਾਤ ਤੀਜੀ ਵਾਰ ਫਾਈਨਲ 'ਚ

ਨਿਊ ਚੰਡੀਗੜ੍ਹ/ ਐਸ.ਏ.ਐਸ. ਨਗਰ, 29 ਮਈ (ਏਜੰਸੀ, ਤਰਵਿੰਦਰ ਸਿੰਘ ਬੈਨੀਪਾਲ)-ਮੁੱਲਾਂਪੁਰ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ 'ਚ ਆਈ.ਪੀ.ਐਲ. 2026 ਦੇ ਕੁਆਲੀਫਾਇਰ 2 'ਚ ਗੁਜਰਾਤ ਟਾਈਟਨਜ਼ ਨੇ ਰਾਜਸਥਾਨ ਰਾਇਲਜ਼ ਨੂੰ 7 ਵਿਕਟਾਂ ਨਾਲ ਹਰਾ ਕੇ ਤੀਜੀ ਵਾਰ ਫਾਈਨਲ 'ਚ ਜਗ੍ਹਾ ਪੱਕੀ ਕੀਤੀ | ਰਾਜਸਥਾਨ ਦੇ ਕਪਤਾਨ ਰਿਆਨ ਪਰਾਗ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ | ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਰਾਜਸਥਾਨ ਨੇ 20 ਓਵਰਾਂ 'ਚ 6 ਵਿਕਟਾਂ 'ਤੇ 214 ਦÏੜਾਂ ਬਣਾਈਆਂ | ਰਾਜਸਥਾਨ ਰਾਇਲਜ਼ ਦੀ ਇਸ ਮੈਚ 'ਚ ਸ਼ੁਰੂਆਤ ਮਾੜੀ ਰਹੀ, ਯਸ਼ਸਵੀ ਜੈਸਵਾਲ (1), ਧਰੁਵ ਜੁਰੇਲ (7) ਦੌੜਾਂ ਬਣਾ ਕੇ ਆਉਟ ਹੋ ਗਏ | ਜਦਕਿ ਦੂਜੇ ਪਾਸੇ, ਵੈਭਵ ਸੰਜਮ ਨਾਲ ਦੌੜਾਂ ਜੋੜਦੇ ਹੋਏ ਅੱਗੇ ਵਧੇ | ਇਸ ਦÏਰਾਨ ਰਿਆਨ ਪਰਾਗ (11), ਦਾਨੁਸ਼ ਸ਼ਨਾਕਾ (3) ਅਤੇ ਜੋਫਰਾ ਆਰਚਰ (7) ਦÏੜਾਂ ਦਾ ਹੀ ਯੋਗਦਾਨ ਪਾ ਸਕੇ | ਅਜਿਹੀ ਸਥਿਤੀ 'ਚ ਇਕ ਅਹਿਮ ਪਾਰੀ ਖੇਡਦੇ ਹੋਏ ਵੈਭਵ ਸੂਰਿਆਵੰਸ਼ੀ ਨੇ 31 ਗੇਂਦਾਂ 'ਚ ਆਪਣਾ ਅਰਧ ਸੈਂਕੜਾ ਬਣਾਇਆ ਤੇ 47 ਗੇਂਦਾਂ 'ਚ 96 ਦÏੜਾਂ ਬਣਾਈਆਂ | ਹਾਲਾਂਕਿ ਉਹ ਕਗੀਸੋ ਰਬਾਡਾ ਦੀ ਗੇਂਦ 'ਤੇ ਕੈਚ ਆਉਟ ਹੋ ਗਿਆ | ਉਸਨੇ ਆਪਣੀ ਪਾਰੀ 'ਚ ਚÏਕੇ ਅਤੇ 7 ਛੱਕੇ ਲਗਾਏ | ਜਦਕਿ ਜਡੇਜਾ 45 ਦੌੜਾਂ 'ਤੇ ਅਜੇਤੂ ਰਿਹਾ ਤੇ ਡੋਨੋਵਨ ਫਰੇਰਾ ਨੇ ਇਕ ਵਾਰ ਫਿਰ 11 ਗੇਂਦਾਂ 'ਤੇ 38 ਦÏੜਾਂ ਦੀ ਤੇਜ਼ ਪਾਰੀ ਖੇਡੀ | ਗੁਜਰਾਤ ਲਈ ਕਾਗਿਸੋ ਰਬਾਡਾ ਤੇ ਜੇਸਨ ਹੋਲਡਰ ਨੇ ਦੋ-ਦੋ ਵਿਕਟਾਂ ਲਈਆਂ ਤੇ ਮੁਹੰਮਦ ਸਿਰਾਜ ਤੇ ਪ੍ਰਸਿਧ ਕ੍ਰਿਸ਼ਨਾ ਨੇ ਇਕ-ਇਕ ਵਿਕਟ ਲਈ | 215 ਦÏੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਜਵਾਬ 'ਚ ਗੁਜਰਾਤ ਦੇ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਤੇ ਸਾਈ ਸੁਦਰਸ਼ਨ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ | ਰਾਜਸਥਾਨ ਦੇ ਗੇਂਦਬਾਜ਼ਾਂ ਨੂੰ ਪੂਰੇ ਮੈਚ ਦÏਰਾਨ ਵਿਕਟਾਂ ਲੈਣ ਲਈ ਸੰਘਰਸ਼ ਕਰਨਾ ਪਿਆ | ਕਪਤਾਨ ਸ਼ੁਭਮਨ ਤੇ ਸਾਈ ਸੁਦਰਸ਼ਨ (58) ਵਿਚਕਾਰ 167 ਦੌੜਾਂ ਦੀ ਸ਼ਾਨਦਾਰ ਸਾਂਝੇਦਾਰੀ ਦੇਖਣ ਨੂੰ ਮਿਲੀ | ਸ਼ੁਭਮਨ ਨੇ ਪਲੇਆਫ਼ 2 'ਚ ਇਕ ਇਤਿਹਾਸਕ ਸੈਂਕੜਾ ਲਗਾਉਂਦੇ ਹੋਏ 53 ਗੇਂਦਾਂ 'ਚ 104 ਦੌੜਾਂ ਬਣਾਈਆਂ | ਇਸ ਦੌਰਾਨ ਵਾਸ਼ਿੰਗਟਨ ਸੁੰਦਰ (ਅਜੇਤੂ 16) ਤੇ ਰਾਹੁਲ ਤਵੇਤਿਆ (ਅਜੇਤੂ 17) ਦੇ ਯਤਨਾ ਸਦਕਾ ਗੁਜਰਾਤ ਨੇ 18.4 ਓਵਰਾਂ 'ਚ 3 ਵਿਕਟਾਂ ਦੇ ਨੁਕਸਾਨ 'ਤੇ 219 ਦੌੜਾਂ ਬਣਾ ਕੇ ਫਾਈਨਲ 'ਚ ਜਗ੍ਹਾ ਪੱਕੀ ਕੀਤੀ |
ਵੈਭਵ ਨੇ ਰਚਿਆ ਇਤਿਹਾਸ
ਵੈਭਵ ਸੂਰਿਆਵੰਸ਼ੀ ਆਈਪੀਐਲ ਦੇ ਇਕ ਸੀਜ਼ਨ 'ਚ 700 ਦÏੜਾਂ ਦਾ ਅੰਕੜਾ ਪਾਰ ਕਰਨ ਵਾਲਾ ਪਹਿਲਾ ਅਨਕੈਪਡ ਖਿਡਾਰੀ ਬਣਿਆ | ਉਸਨੇ ਆਈ.ਪੀ.ਐਲ. 'ਚ ਸਭ ਤੋਂ ਤੇਜ਼ 1,000 ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਹੋਣ ਦਾ ਵੀ ਰਿਕਾਰਡ ਬਣਾਇਆ ਤੇ ਆਪਣੇ ਕਰੀਅਰ ਦੀ 23ਵੀਂ ਪਾਰੀ 'ਚ 1,000 ਦੌੜਾਂ ਦਾ ਅੰਕੜਾ ਹਾਸਲ ਕੀਤਾ | ਵੈਭਵ ਇਕ ਹੀ ਆਈ.ਪੀ.ਐਲ. ਸੀਜ਼ਨ 'ਚ ਪਾਵਰਪਲੇ 'ਚ 500 ਦÏੜਾਂ ਬਣਾਉਣ ਵਾਲਾ ਪਹਿਲਾ ਬੱਲੇਬਾਜ਼ ਬਣਿਆ |