ਲੰਡਨ (ਓਨਟਾਰੀਓ), 30 ਜਨਵਰੀ (ਕੰਵਲਜੀਤ ਸਿੰਘ ਕੰਵਲ)-ਹਾਲਟਨ ਰੀਜਨਲ ਪੁਲਿਸ ਵਲੋਂ 47 ਸਾਲਾ ਤੇਜਿੰਦਰ ਧਾਲੀਵਾਲ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ ਤੇ ਉਸ ਤੇ ਕਥਿਤ ਦੋਸ਼ ਲਾਏ ਹਨ ਕਿ ਉਸ ਨੇ ਮਾਰਚ ਤੇ ਦਸੰਬਰ 2025 ਦੌਰਾਨ ਮਿਲਟਨ ਤੇ ਹਾਲਟਨ ਹਿਲਜ਼ ਇਲਾਕੇ 'ਚ ਵਾਪਰੀਆਂ ਘਟਨਾਵਾਂ ਨੂੰ ਅੰਜਾਮ ਦੇਦਿਆਂ ਕੰਮ ਦੀ ਭਾਲ 'ਚ ਆਈਆਂ ਅÏਰਤਾਂ ਨਾਲ ਜਿਣਸੀ ਸ਼ੋਸ਼ਣ ਕੀਤਾ | ਹਾਲਟਨ ਪੁਲਿਸ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ ਤੇਜਿੰਦਰ ਧਾਲੀਵਾਲ ਕੇ.ਜੀ.ਜੀ. ਤੇ ਹੋਰ ਅਜਿਹੇ ਪਲੇਟਫਾਰਮਜ 'ਤੇ 'ਮਦਦ ਦੀ ਲੋੜ' ਵਰਗੇ ਇਸ਼ਤਿਹਾਰਾਂ ਰਾਹੀਂ ਅਜਿਹੇ ਜੁਰਮ ਨੂੰ ਅੰਜਾਮ ਦਿੰਦਾ ਸੀ | ਜਾਣਕਾਰੀ ਮੁਤਾਬਕ ਉਹ ਬਰੈਂਮਪਟਨ ਓਨਟਾਰੀਓ ਦਾ ਵਸਨੀਕ ਹੈ |
