ਨਵੀਂ ਦਿੱਲੀ, 2 ਫਰਵਰੀ (ਇੰਟ.)-ਏਅਰ ਇੰਡੀਆ ਡ੍ਰੀਮਲਾਈਨਰ ਨੂੰ ਫਿਊਲ ਸਵਿੱਚ 'ਚ ਮੁੜ ਅਚਾਨਕ ਅਹਿਮਦਾਬਾਦ ਹਾਦਸੇ ਵਰਗੀ ਖਰਾਬੀ ਆਉਣ ਕਾਰਨ ਜਹਾਜ਼ ਗ੍ਰਾਊਾਡ ਕਰ ਦਿੱਤਾ ਗਿਆ | ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੋਂ ਬੈਂਗਲੁਰੂ ਲਈ ਰਵਾਨਾ ਹੋਣ ਵਾਲੀ ਏਅਰ ਇੰਡੀਆ ਫਲਾਈਟ ਏ.ਆਈ.-132 ਨੂੰ ਗ੍ਰਾਊਾਡ ਕਰ ਦਿੱਤਾ ਗਿਆ | ਬੋਇੰਗ 787-8 ਨੂੰ ਚਲਾਉਣ ਵਾਲਾ ਸਟਾਫ ਉਸ ਸਮੇਂ ਹੈਰਾਨ ਰਹਿ ਗਿਆ ਜਦੋਂ ਫਿਊਲ ਕੰਟਰੋਲ ਸਵਿੱਚ 'ਚ ਖਰਾਬੀ ਦਾ ਪਤਾ ਲੱਗਿਆ | ਹੁਣ ਇਹ ਮੰਨਿਆ ਜਾ ਰਿਹਾ ਹੈ ਕਿ ਸਮੇਂ ਸਿਰ ਤੇ ਸਹੀ ਫੈਸਲੇ ਨਾਲ ਅੱਜ ਅਹਿਮਦਾਬਾਦ 'ਚ ਏਅਰ ਇੰਡੀਆ ਹਾਦਸੇ ਵਰਗੀ ਦੁਖਾਂਤ ਟਲ ਗਈ ਹੈ | ਏਅਰ ਇੰਡੀਆ ਦੇ ਇਕ ਬੁਲਾਰੇ ਨੇ ਮੀਡੀਆ ਨਾਲ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਮਿਲੀ ਜਾਣਕਾਰੀ ਦੇ ਅਨੁਸਾਰ, ਸਾਡੇ ਇਕ ਪਾਇਲਟ ਨੇ ਬੋਇੰਗ 787-8 ਦੇ ਫਿਊਲ ਕੰਟਰੋਲ ਸਵਿੱਚ 'ਚ ਸੰਭਾਵਿਤ ਖਰਾਬੀ ਦੀ ਰਿਪੋਰਟ ਕੀਤੀ | ਸ਼ੁਰੂਆਤੀ ਜਾਣਕਾਰੀ ਮਿਲਣ 'ਤੇ, ਅਸੀਂ ਜਹਾਜ਼ ਨੂੰ ਗ੍ਰਾਊਾਡ ਕਰ ਦਿੱਤਾ |
