ਮਹਾਰਾਜਾ ਚਾਰਲਸ ਤੇ ਪਰਿਵਾਰ ਨੇ ਈਸਟਰ ਮੌਕੇ ਸੇਂਟ ਜਾਰਜ ਚੈਪਲ, ਵਿੰਡਸਰ ਵਿਖੇ ਹਾਜ਼ਰੀ ਭਰੀ <br/>

ਲੰਡਨ, 5 ਅਪ੍ਰੈਲ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਮਹਾਰਾਜਾ ਚਾਰਲਸ ਤੇ ਰਾਣੀ ਕੈਮਿਲਾ ਨੇ ਸੇਂਟ ਜਾਰਜ ਚੈਪਲ, ਵਿੰਡਸਰ ਵਿਚ ਈਸਟਰ ਸੰਡੇ ਚਰਚ ਸੇਵਾ ਵਿਚ ਸ਼ਿਰਕਤ ਕੀਤੀ | ਉਨ੍ਹਾਂ ਨਾਲ ਸ਼ਾਹੀ ਪਰਿਵਾਰ ਦੇ ਹੋਰ ਮੈਂਬਰ ਵੀ ਸ਼ਾਮਲ ਹੋਏ, ਜਿਨ੍ਹਾਂ ਵਿਚ ਪਿ੍ੰਸ ਆਫ਼ ਵੇਲਜ਼ ਵਿਲੀਅਮ ਤੇ ਵੇਲਜ਼ ਦੀ ਰਾਜਕੁਮਾਰੀ ਕੈਥਰੀਨ ਤੇ ਹੋਰ ਸ਼ਾਮਿਲ ਸਨ | ਪਿ੍ੰਸ ਵਿਲੀਅਮ ਤੇ ਰਾਜਕੁਮਾਰੀ ਕੈਥਰੀਨ ਆਪਣੇ ਬੱਚਿਆਂ ਨੂੰ ਲੈ ਕੇ ਜਦੋਂ ਚਰਚ ਵੱਲ ਜਾ ਰਹੇ ਸਨ ਤਾਂ ਰਸਤੇ ਵਿਚ ਖੜ੍ਹੇ ਲੋਕਾਂ ਨੇ ਤਾੜ੍ਹੀਆਂ ਨਾਲ ਸਵਾਗਤ ਕੀਤਾ | ਰਾਜਕੁਮਾਰੀ ਸ਼ਾਰਲੋਟੇ ਨੇ ਲੋਕਾਂ ਵੱਲ ਹੱਥ ਹਿਲਾ ਕੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ | ਰਾਜਕੁਮਾਰੀ ਐਨੀ ਉਸਦੇ ਪਤੀ ਸਰ ਟਿਮ ਲਾਰੈਂਸ ਤੇ ਪਿ੍ੰਸ ਐਡਵਰਡ ਤੇ ਉਸਦੇ ਪ੍ਰੀਵਾਰ ਨੇ ਵੀ ਸ਼ਿਰਕਤ ਕੀਤੀ | ਮਹਾਰਾਜਾ ਚਾਰਲਸ ਅਤੇ ਰਾਣੀ ਕੈਮਿਲਾ ਸਭ ਤੋਂ ਅਖੀਰ ਵਿੱਚ ਪਹੁੰਚੇ ਅਤੇ ਦਰਸ਼ਕਾਂ ਵੱਲੋਂ ਉਹਨਾਂ ਦਾ ਭਰਪੂਰ ਸਵਾਗਤ ਕੀਤਾ ਗਿਆ ਤੇ ਉਹਨਾਂ ਨੂੰ ਈਸਟਰ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ | ਮਹਾਰਾਜਾ ਨੇ ਇਸ ਮੌਕੇ ਲੋਕ ਸੇਵਾ ਕਰਨ ਵਾਲੇ ਯੂ.ਕੇ. ਦੇ 77 ਪੁਰਸ਼ਾਂ ਤੇ 77 ਔਰਤਾਂ ਨੂੰ ਤੋਹਫ਼ੇ ਭੇਟ ਕੀਤੇ | ਇਸ ਸਮਾਗਮ ਵਿਚ ਐਂਡਰਿਊ ਮਾਊਾਟਬੈਟਨ-ਵਿੰਡਸਰ, ਉਨ੍ਹਾਂ ਦੀ ਸਾਬਕਾ ਪਤਨੀ ਸਾਰਾਹ ਫਰਗੂਸਨ ਤੇ ਧੀਆਂ ਰਾਜਕੁਮਾਰੀਆਂ ਬੀਟਰਿਸ ਤੇ ਯੂਜੀਨੀ ਗੈਰਹਾਜ਼ਰ ਰਹੀਆਂ |