ਨਵੀਂ ਦਿੱਲੀ, 23 ਅਪ੍ਰੈਲ (ਇੰਟ.)-ਵਿਦੇਸ਼ ਮੰਤਰਾਲੇ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਪੋਸਟ ਕੀਤੇ ਗਏ ਪੱਤਰ ਤੋਂ ਬਾਅਦ ਇਕ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਅਸੀਂ ਟਿੱਪਣੀਆਂ ਦੇਖੀਆਂ ਹਨ ਤੇ ਨਾਲ ਹੀ ਅਮਰੀਕੀ ਦੂਤਾਵਾਸ ਵੱਲੋਂ ਜਵਾਬ 'ਚ ਜਾਰੀ ਕੀਤਾ ਗਿਆ ਬਿਆਨ ਵੀ ਦੇਖਿਆ ਹੈ | ਮੰਤਰਾਲੇ ਨੇ ਕਿਹਾ ਕਿ ਇਹ ਟਿੱਪਣੀਆਂ 'ਅਣਜਾਣ, ਅਣਉਚਿਤ ਤੇ ਮਾੜੀ ਸੋਚ ਵਾਲੀਆਂ' ਸਨ | ਮੰਤਰਾਲੇ ਨੇ ਕਿਹਾ ਕਿ ਇਹ ਟਿੱਪਣੀਆਂ 'ਭਾਰਤ-ਅਮਰੀਕਾ ਸਬੰਧਾਂ ਦੀ ਅਸਲੀਅਤ' ਨੂੰ ਨਹੀਂ ਦਰਸਾਉਂਦੀਆਂ | ਜੋ ਲੰਬੇ ਸਮੇਂ ਤੋਂ ਆਪਸੀ ਸਤਿਕਾਰ ਤੇ ਸਾਂਝੇ ਹਿੱਤਾਂ 'ਤੇ ਅਧਾਰਤ ਹਨ |
