ਟੋਰਾਂਟੋ, 25 ਅਪ੍ਰੈਲ (ਇੰਟ.)-ਕੈਨੇਡੀਅਨ ਸੂਬੇ ਓਨਟਾਰੀਓ ਦੇ ਵੁੱਡਸਟਾਕ ਸ਼ਹਿਰ ਵਿਚ ਇਕ ਬਜ਼ੁਰਗ ਸਿੱਖ ਵਿਅਕਤੀ 'ਤੇ ਨਸਲੀ ਹਮਲੇ ਤੇ ਦੁਰਵਿਵਹਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ | ਪੁਲਿਸ ਨੇ ਇਕ ਨÏਜਵਾਨ ਨੂੰ ਗਿ੍ਫ਼ਤਾਰ ਕੀਤਾ ਹੈ ਤੇ ਉਸ ਵਿਰੁੱਧ ਕਈ ਦੋਸ਼ ਲਗਾਏ ਹਨ | ਇਹ ਘਟਨਾ 22 ਅਪ੍ਰੈਲ ਨੂੰ ਸਵੇਰੇ 11:35 ਵਜੇ ਦੇ ਕਰੀਬ ਟਰਟਲ ਆਈਲੈਂਡ ਸਕੂਲ ਨੇੜੇ ਨਾਈਟਸ ਲੇਨ ਖੇਤਰ ਵਿਚ ਵਾਪਰੀ | ਵੁੱਡਸਟਾਕ ਪੁਲਿਸ ਦੇ ਅਨੁਸਾਰ, ਇੱਕ ਬਜ਼ੁਰਗ ਸਿੱਖ ਵਿਅਕਤੀ ਫੁੱਟਪਾਥ 'ਤੇ ਤੁਰ ਰਿਹਾ ਸੀ ਜਦੋਂ ਇੱਕ ਨਕਾਬਪੋਸ਼ ਨÏਜਵਾਨ ਉਸ ਕੋਲ ਆਇਆ, ਉਸਨੂੰ ਰੋਕਿਆ ਤੇ ਨਸਲੀ ਟਿੱਪਣੀਆਂ ਕਰਨ ਲੱਗ ਪਿਆ | ਇਸ ਘਟਨਾ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਵਾਇਰਲ ਹੋਈ | ਵੀਡੀਓ ਵਿਚ ਦੋਸ਼ੀ ਨੂੰ ਪੀੜਤ ਨੂੰ ਪੁੱਛਦੇ ਸੁਣਿਆ ਜਾ ਸਕਦਾ ਹੈ ਕਿ ਤੁਸੀਂ ਮੇਰੇ ਦੇਸ਼ 'ਚ ਕੀ ਕਰ ਰਹੇ ਹੋ? ਇਸ ਸਵਾਲ ਦਾ ਜਵਾਬ ਦਿਓ | ਇਸ ਤੋਂ ਬਾਅਦ, ਨੌਜਵਾਨ ਲਗਾਤਾਰ ਅਪਮਾਨਜਨਕ ਤੇ ਨਸਲੀ ਸ਼ਬਦ ਬੋਲਦਾ ਹੈ |
