ਲੈਸਟਰ (ਇੰਗਲੈਂਡ), 13 ਜੂਨ (ਸੁਖਜਿੰਦਰ ਸਿੰਘ ਢੱਡੇ)-ਇੰਗਲੈਂਡ ਦੇ ਵੈਂਡਸਵਰਥ ਇਲਾਕੇ ਦੇ ਰਹਿਣ ਵਾਲੇ 34 ਸਾਲਾ ਗਗਨਦੀਪ ਸਿੰਘ ਨੂੰ ਇਕ 24 ਸਾਲਾ ਮਹਿਲਾ ਦੇ ਅਗਵਾ, ਤਸ਼ੱਦਦ ਅਤੇ ਜਬਰ-ਜ਼ਿਨਾਹ ਦੇ ਮਾਮਲੇ ਵਿਚ ਆਇਲਵਰਥ ਕਰਾਊਨ ਕੋਰਟ ਵੱਲੋਂ 34 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ | ਸਜ਼ਾ ਪੂਰੀ ਕਰਨ ਉਪਰੰਤ ਉਸ ਨੂੰ ਦੇਸ਼ ਨਿਕਾਲੇ ਦਾ ਵੀ ਸਾਹਮਣਾ ਕਰਨਾ ਪਵੇਗਾ | ਅਦਾਲਤ ਵਿਚ ਗਗਨਦੀਪ ਸਿੰਘ ਨੇ ਜਬਰ-ਜ਼ਿਨਾਹ ਦੇ ਦੋ ਦੋਸ਼ਾਂ, ਗੈਰ-ਕਾਨੂੰਨੀ ਤÏਰ 'ਤੇ ਬੰਦੀ ਬਣਾਉਣ, ਗੰਭੀਰ ਸਰੀਰਕ ਨੁਕਸਾਨ ਪਹੁੰਚਾਉਣ ਅਤੇ ਅਗਵਾ ਕਰਨ ਦੇ ਦੋਸ਼ ਕਬੂਲ ਕਰ ਲਏ ਸਨ | ਜਾਂਚ ਅਨੁਸਾਰ ਮਾਮਲਾ ਜੂਨ 2024 ਦਾ ਹੈ, ਜਦੋਂ ਪੀੜਤਾ ਨੂੰ ਥਾਈਲੈਂਡ ਤੋਂ ਬਿ੍ਟੇਨ ਇਕ ਸੂਟਕੇਸ ਲਿਆਉਣ ਲਈ ਕਿਹਾ ਗਿਆ ਸੀ¢ ਸ਼ੱਕ ਪੈਣ ਕਾਰਨ ਉਸ ਨੇ ਇਹ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ | ਬਰਮਿੰਘਮ ਹਵਾਈ ਅੱਡੇ 'ਤੇ ਪਹੁੰਚਣ ਤੋਂ ਬਾਅਦ ਨਕਾਬਪੋਸ਼ ਵਿਅਕਤੀਆਂ ਨੇ ਉਸ ਨੂੰ ਜਬਰਦਸਤੀ ਕਾਰ ਵਿਚ ਬਿਠਾ ਕੇ ਲੰਡਨ ਲੈ ਗਏ | ਹੈਨਵੈੱਲ ਸਥਿਤ ਇਕ ਮਕਾਨ ਵਿਚ ਪੀੜਤਾ ਨੂੰ ਲੰਬੇ ਸਮੇਂ ਤੱਕ ਤਸ਼ੱਦਦ ਦਾ ਸ਼ਿਕਾਰ ਬਣਾਇਆ ਗਿਆ ਅਤੇ ਉਸ ਨਾਲ ਕਈ ਵਾਰ ਜਬਰ-ਜ਼ਿਨਾਹ ਕੀਤਾ ਗਿਆ¢ ਅਦਾਲਤ ਨੂੰ ਦੱਸਿਆ ਗਿਆ ਕਿ ਉਸ ਨੂੰ ਕੁੱਟਿਆ ਗਿਆ, ਕੋੜੇ ਮਾਰੇ ਗਏ, ਕੱਪੜੇ ਉਤਾਰ ਕੇ ਬੇਇੱਜ਼ਤ ਕੀਤਾ ਗਿਆ ਅਤੇ ਸਾੜਿਆ ਵੀ ਗਿਆ | ਬਾਅਦ ਵਿਚ ਰਿਹਾਅ ਕਰਦੇ ਸਮੇਂ ਉਸ ਨੂੰ ਚੁੱਪ ਰਹਿਣ ਲਈ ਧਮਕੀਆਂ ਦਿੱਤੀਆਂ ਗਈਆਂ | ਪੀੜਤਾ ਨੇ ਆਪਣੀ ਮਾਂ ਨੂੰ ਸਾਰੀ ਘਟਨਾ ਬਾਰੇ ਦੱਸਿਆ, ਜਿਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ¢ ਸ਼ੁਰੂਆਤੀ ਸਦਮੇ ਕਾਰਨ ਉਹ ਪੂਰਾ ਬਿਆਨ ਦੇਣ ਲਈ ਤਿਆਰ ਨਹੀਂ ਸੀ, ਪਰ ਕਰੀਬ ਛੇ ਹਫ਼ਤਿਆਂ ਬਾਅਦ ਉਸ ਨੇ ਹਿੰਮਤ ਕਰਕੇ ਸਾਰੇ ਤੱਥ ਪੁਲਿਸ ਸਾਹਮਣੇ ਰੱਖੇ | ਪੀੜਤਾ ਦੇ ਕੱਪੜਿਆਂ ਦੀ ਫੋਰੈਂਸਿਕ ਜਾਂਚ ਦÏਰਾਨ ਮਿਲੇ ਡੀਐਨਏ ਸਬੂਤਾਂ ਨੇ ਗਗਨਦੀਪ ਸਿੰਘ ਨਾਲ ਮਜ਼ਬੂਤ ਮੇਲ ਦਰਸਾਇਆ¢ ਉਸ ਸਮੇਂ ਉਹ ਕਿਸੇ ਹੋਰ ਮਾਮਲੇ ਵਿਚ ਜੇਲ੍ਹ ਵਿਚ ਬੰਦ ਸੀ¢ ਡੀ.ਐਨ.ਏ. ਸਬੂਤਾਂ ਅਤੇ ਪੀੜਤਾ ਦੇ ਬਿਆਨ ਦੇ ਆਧਾਰ 'ਤੇ ਉਸ ਖ਼ਿਲਾਫ਼ ਦੋਸ਼ ਸਾਬਤ ਹੋਏ | ਮਾਮਲੇ ਦੀ ਜਾਂਚ ਕਰਨ ਵਾਲੀ ਅਧਿਕਾਰੀ ਨੇ ਪੀੜਤਾ ਦੀ ਬਹਾਦਰੀ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਸ ਨੇ ਡਰ ਅਤੇ ਦਬਾਅ ਦੇ ਬਾਵਜੂਦ ਅੱਗੇ ਆ ਕੇ ਇਨਸਾਫ਼ ਦਿਵਾਉਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ |
