37ਵੇਂ ਸਾਲਾਨਾ ਮੌਸ ਸਟਰੀਟ ਪੇਂਟ-ਇਨ ਨੇ ਵਿਕਟੋਰੀਆ ਨੂੰ ਰੰਗਾਂ ਨਾਲ ਰੰਗਿਆ
ਅਜੀਤ ਡੈਸਕ
22-07-2026
ਵੈਨਕੂਵਰ, 21 ਜੁਲਾਈ (ਮਲਕੀਤ ਸਿੰਘ)-ਬ੍ਰਿਟਿਸ਼ ਕੋਲੰਬੀਆ ਦੀ ਰਾਜਧਾਨੀ ਵਿਕਟੋਰੀਆ ਵਿੱਚ ਆਯੋਜਿਤ 37ਵੇਂ ਸਾਲਾਨਾ ਮੌਸ ਸਟਰੀਟ ਆਰਟ ਗੈਲਰੀ ਪੇਂਟ-ਇਨ ਨੇ ਇੱਕ ਵਾਰ ਫਿਰ ਸ਼ਹਿਰ ਨੂੰ ਕਲਾ ਦੇ ਰੰਗਾਂ ਨਾਲ ਸਰਾਬੋਰ ਕਰ ਦਿੱਤਾ। ਇਸ ਲੋਕਪ੍ਰਿਯ ਸਮਾਗਮ ਵਿੱਚ ਹਜ਼ਾਰਾਂ ਲੋਕਾਂ ਨੇ ਸ਼ਮੂਲੀਅਤ ਕਰਕੇ ਸਥਾਨਕ ਅਤੇ ਸੂਬੇ ਭਰ ਤੋਂ ਪੁੱਜੇ ਕਲਾਕਾਰਾਂ ਦੀਆਂ ਰਚਨਾਵਾਂ ਦਾ ਆਨੰਦ ਮਾਣਿਆ। ਮੌਸ ਸਟਰੀਟ ‘ਤੇ ਲੱਗੀ ਇਸ ਖੁੱਲ੍ਹੀ ਕਲਾ ਪ੍ਰਦਰਸ਼ਨੀ ਦੌਰਾਨ ਸੈਂਕੜੇ ਕਲਾਕਾਰਾਂ ਨੇ ਪੇਂਟਿੰਗ, ਡਰਾਇੰਗ ਅਤੇ ਹੋਰ ਕਲਾਤਮਕ ਰਚਨਾਵਾਂ ਦਾ ਪ੍ਰਦਰਸ਼ਨ ਕੀਤਾ। ਕਈ ਕਲਾਕਾਰਾਂ ਨੇ ਦਰਸ਼ਕਾਂ ਦੇ ਸਾਹਮਣੇ ਹੀ ਚਿੱਤਰ ਤਿਆਰ ਕਰਕੇ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ, ਜਿਸ ਨੇ ਸਮਾਗਮ ਦੀ ਖਿੱਚ ਹੋਰ ਵਧਾ ਦਿੱਤੀ।
