ਬੈਂਗਲੁਰੂ ਵਿਚ ਵੋਟਰ ਸੂਚੀਆਂ ਤੋਂ ਅਦਾਕਾਰ ਪ੍ਰਕਾਸ਼ ਰਾਜ ਦਾ ਨਾਂਅ ਹਟਾਇਆ
ਬੈਂਗਲੁਰੂ, 11 ਅਗਸਤ (ਪੀ. ਟੀ.
ਬੈਂਗਲੁਰੂ, 11 ਅਗਸਤ (ਪੀ.ਟੀ.ਆਈ.) ਅਦਾਕਾਰ ਪ੍ਰਕਾਸ਼ ਰਾਜ ਨੇ ਮੰਗਲਵਾਰ ਨੂੰ ਦਾਅਵਾ ਕੀਤਾ ਕਿ ਚੱਲ ਰਹੀ ਐਸ.ਆਈ.ਆਰ. ਪ੍ਰਕਿਰਿਆ ਦੌਰਾਨ ਬੈਂਗਲੁਰੂ ਵਿਚ ਵੋਟਰ ਸੂਚੀਆਂ ਤੋਂ ਉਸਦਾ ਨਾਮ ਹਟਾ ਦਿੱਤਾ ਗਿਆ ਹੈ । ਆਪਣੇ ਐਕਸ ਖਾਤੇ ’ਤੇ ਸਾਂਝੀ ਕੀਤੀ ਇੱਕ ਵੀਡੀਓ ਪੋਸਟ ਵਿਚ, ਅਦਾਕਾਰ ਨੇ ਦਾਅਵਾ ਕੀਤਾ ਕਿ ਉਹ ਉਨ੍ਹਾਂ 65 ਲੱਖ ਵੋਟਰਾਂ ਵਿਚੋਂ ਇੱਕ ਸੀ ਜਿਨ੍ਹਾਂ ਦੇ ਵੋਟਿੰਗ ਅਧਿਕਾਰ ਵੋਟਰ ਸੂਚੀਆਂ ਦੇ ਵਿਸ਼ੇਸ਼ ਤੀਬਰ ਸੋਧ ਤੋਂ ਬਾਅਦ ਮਿਟਾ ਦਿੱਤੇ ਗਏ ਹਨ । ਮੈਂ ਤੁਹਾਡੇ ਨਾਲ ਇੱਕ ਮਜ਼ਾਕ ਸਾਂਝਾ ਕਰਨਾ ਚਾਹੁੰਦਾ ਹਾਂ। ਮੈਂ ਉਨ੍ਹਾਂ 65 ਲੱਖ ਵੋਟਰਾਂ ਵਿਚੋਂ ਇੱਕ ਹਾਂ ਜਿਨ੍ਹਾਂ ਦੇ ਵੋਟ ਅਧਿਕਾਰ ਐਸ.ਆਈ.ਆਰ. ਤੋਂ ਬਾਅਦ ਬੈਂਗਲੁਰੂ ਹਲਕੇ ਤੋਂ ਮਿਟਾ ਦਿੱਤੇ ਗਏ ਹਨ । ਵਧੀਆ ਮਜ਼ਾਕ ਨਹੀਂ? ਮੇਰਾ ਜਨਮ ਇਸ ਹਲਕੇ ਵਿਚ ਹੋਇਆ ਸੀ। ਰਾਸ਼ਟਰੀ ਪੁਰਸਕਾਰ ਜੇਤੂ ਬਹੁ-ਭਾਸ਼ਾਈ ਅਦਾਕਾਰ ਨੇ ਕਿਹਾ ਮੈਂ ਇਸ ਹਲਕੇ ਵਿਚ ਰਹਿੰਦਾ ਸੀ, ਮੇਰੀ ਸਕੂਲੀ ਪੜ੍ਹਾਈ, ਕਾਲਜ, ਥੀਏਟਰ ਇੱਥੇ ਕੀਤਾ ਤੇ ਤੁਹਾਡੀ ਜਾਣਕਾਰੀ ਲਈ, ਮੈਂ ਇਸ ਹਲਕੇ ਦਾ ਸੰਸਦ ਮੈਂਬਰ ਉਮੀਦਵਾਰ ਸੀ। ਰਾਜ ਨੇ ਕਿਹਾ ਕਿ ਉਹ ਦੇਖਣਗੇ ਕਿ ਉਸਦੀ ਵੋਟਰ ਆਈ.ਡੀ. ਵਾਪਸ ਪ੍ਰਾਪਤ ਕਰਨ ਦੀ ਪ੍ਰਕਿਰਿਆ ਕੀ ਹੋਵੇਗੀ ।
