ਸਮੁੰਦਰ ’ਚ ਡੁੱਬ ਕੇ ਇਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ
ਲੈਸਟਰ, 19 ਅਗਸਤ (ਸੁਖਜਿੰਦਰ ਸਿੰਘ ਢੱਡੇ)- ਇੰਗਲੈਂਡ ਦੇ ਵੈਸਟ ਸਸੈਕਸ ਸਥਿਤ ਸ਼ੋਰਹੈਮ-ਬਾਈ-ਸੀ ਦੇ ਸਮੁੰਦਰੀ ਤੱਟ ’ਤੇ ਵਾਪਰੀ ਘਟਨਾ ਵਿਚ ਇਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ ਹੋ ਗਈ, ਜਦਕਿ ਇਕ ਹੋਰ ਛੋਟੀ ਬੱਚੀ ਹਸਪਤਾਲ ਵਿਚ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੀ ਹੈ। ਪੁਲਿਸ ਮੁਤਾਬਿਕ ਪਰਿਵਾਰ ਦੇ ਚਾਰ ਮੈਂਬਰ ਮੰਗਲਵਾਰ ਦੁਪਹਿਰ ਕਰੀਬ 3 ਵਜੇ ਕਿੰਗਸਟਨ ਬੀਚ ਨੇੜੇ ਸਮੁੰਦਰ ਵਿਚ ਤੈਰਨ ਲਈ ਉਤਰੇ ਸਨ।
ਲੈਸਟਰ, 19 ਅਗਸਤ (ਸੁਖਜਿੰਦਰ ਸਿੰਘ ਢੱਡੇ)- ਇੰਗਲੈਂਡ ਦੇ ਵੈਸਟ ਸਸੈਕਸ ਸਥਿਤ ਸ਼ੋਰਹੈਮ-ਬਾਈ-ਸੀ ਦੇ ਸਮੁੰਦਰੀ ਤੱਟ ’ਤੇ ਵਾਪਰੀ ਘਟਨਾ ਵਿਚ ਇਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਮੌਤ ਹੋ ਗਈ, ਜਦਕਿ ਇਕ ਹੋਰ ਛੋਟੀ ਬੱਚੀ ਹਸਪਤਾਲ ਵਿਚ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੀ ਹੈ। ਪੁਲਿਸ ਮੁਤਾਬਿਕ ਪਰਿਵਾਰ ਦੇ ਚਾਰ ਮੈਂਬਰ ਮੰਗਲਵਾਰ ਦੁਪਹਿਰ ਕਰੀਬ 3 ਵਜੇ ਕਿੰਗਸਟਨ ਬੀਚ ਨੇੜੇ ਸਮੁੰਦਰ ਵਿਚ ਤੈਰਨ ਲਈ ਉਤਰੇ ਸਨ। ਇਸ ਦੌਰਾਨ ਉਹ ਡੂੰਘੇ ਪਾਣੀ ਵਿਚ ਫਸ ਗਏ। ਸੂਚਨਾ ਮਿਲਦਿਆਂ ਹੀ ਕੋਸਟਗਾਰਡ, ਪੁਲਿਸ, ਐਂਬੂਲੈਂਸਾਂ, ਆਰ.ਐੱਨ.ਐੱਲ.ਆਈ. ਅਤੇ ਏਅਰ ਐਂਬੂਲੈਂਸ ਸਮੇਤ ਐਮਰਜੈਂਸੀ ਸੇਵਾਵਾਂ ਮੌਕੇ ’ਤੇ ਪੁੱਜੀਆਂ। ਬਚਾਅ ਕਰਮੀਆਂ ਵਲੋਂ ਕੀਤੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਇਕ ਪੁਰਸ਼, ਇਕ ਔਰਤ ਅਤੇ ਇਕ ਨਾਬਾਲਗ ਲੜਕੀ ਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਪਰਿਵਾਰ ਦੀ ਇਕ ਹੋਰ ਛੋਟੀ ਲੜਕੀ ਨੂੰ ਸਮੁੰਦਰ ਵਿਚੋਂ ਕੱਢ ਕੇ ਹਸਪਤਾਲ ਪਹੁੰਚਾਇਆ ਗਿਆ, ਜਿਥੇ ਉਸ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਈਸਟ ਵਰਥਿੰਗ ਅਤੇ ਸ਼ੋਰਹੈਮ ਤੋਂ ਸੰਸਦ ਮੈਂਬਰ ਟੌਮ ਰਟਲੈਂਡ ਨੇ ਮ੍ਰਿਤਕਾਂ ਦੇ ਪਰਿਵਾਰ ਅਤੇ ਦੋਸਤਾਂ ਨਾਲ ਹਮਦਰਦੀ ਜਤਾਈ।
