ਐਸ਼ਲੀਨ ਮੁਰਾਲੀ ਬਣੀ ਮਿਸ ਯੂਨੀਵਰਸ ਕੈਨੇਡਾ 2026
ਐਬਟਸਫੋਰਡ, 20 ਅਗਸਤ (ਗੁਰਦੀਪ ਸਿੰਘ ਗਰੇਵਾਲ)-ਕੈਨੇਡਾ ਦੇ ਸ਼ਹਿਰ ਵਿੰਡਸਰ ਦੇ ਕ੍ਰਿਸਲਰ ਥੀਏਟਰ ਵਿਖੇ ਹੋਏ ਲੜਕੀਆਂ ਦੇ ਸੁੰਦਰਤਾ ਮੁਕਾਬਲਿਆਂ ਵਿਚ ਤੁਰਕੀ ਮੂਲ ਦੀ 5 ਫੁੱਟ 8 ਇੰਚ ਲੰਮੀ ਐਸ਼ਲੀਨ ਮੁਰਾਲੀ ਮਿਸ ਯੂਨੀਵਰਸ ਕੈਨੇਡਾ 2026 ਚੁਣੀ ਗਈ ਹੈ। ਇਨ੍ਹਾਂ ਸੁੰਦਰਤਾ ਮੁਕਾਬਲੇ ਵਿਚ ਕੈਨੇਡਾ ਭਰ ਤੋਂ 35 ਲੜਕੀਆਂ ਨੇ ਹਿੱਸਾ ਲਿਆ ਸੀ।
ਐਬਟਸਫੋਰਡ, 20 ਅਗਸਤ (ਗੁਰਦੀਪ ਸਿੰਘ ਗਰੇਵਾਲ)-ਕੈਨੇਡਾ ਦੇ ਸ਼ਹਿਰ ਵਿੰਡਸਰ ਦੇ ਕ੍ਰਿਸਲਰ ਥੀਏਟਰ ਵਿਖੇ ਹੋਏ ਲੜਕੀਆਂ ਦੇ ਸੁੰਦਰਤਾ ਮੁਕਾਬਲਿਆਂ ਵਿਚ ਤੁਰਕੀ ਮੂਲ ਦੀ 5 ਫੁੱਟ 8 ਇੰਚ ਲੰਮੀ ਐਸ਼ਲੀਨ ਮੁਰਾਲੀ ਮਿਸ ਯੂਨੀਵਰਸ ਕੈਨੇਡਾ 2026 ਚੁਣੀ ਗਈ ਹੈ। ਇਨ੍ਹਾਂ ਸੁੰਦਰਤਾ ਮੁਕਾਬਲੇ ਵਿਚ ਕੈਨੇਡਾ ਭਰ ਤੋਂ 35 ਲੜਕੀਆਂ ਨੇ ਹਿੱਸਾ ਲਿਆ ਸੀ। ਭਾਰਤ ਦੇ ਆਂਧਰਾ ਪ੍ਰਦੇਸ਼ ਸੂਬੇ ਦੀ ਜਬਲੀ ਕੰਡੁਲਾ ਫਸਟ ਰਨਰ ਅੱਪ ਚੁਣੀ ਗਈ ਹੈ ਅਤੇ ਦੋ ਪੰਜਾਬਣਾਂ ਜਸਲੀਨ ਕੈਲੇ ਤੇ ਜਸਵੀਨ ਗਿੱਲ ਫਾਈਨਲਿਸਟ ਚੁਣੀਆਂ ਗਈਆਂ ਹਨ। ਮਿਸ ਯੂਨੀਵਰਸ ਕੈਨੇਡਾ 2026 ਦਾ ਤਾਜ ਪਹਿਨਣ ਵਾਲੀ ਐਸ਼ਲੀਨ ਮੁਰਾਲੀ ਦਾ ਜਨਮ ਤੁਰਕੀ ’ਚ ਹੋਇਆ ਸੀ ਅਤੇ 5 ਸਾਲ ਦੀ ਉਮਰ ’ਚ ਉਹ ਆਪਣੇ ਮਾਤਾ ਪਿਤਾ ਨਾਲ ਸ਼ਰਨਾਰਥੀ ਦੇ ਤੌਰ ’ਤੇ ਕੈਨੇਡਾ ਆਈ ਸੀ। ਪੜ੍ਹਾਈ ਕਰਨ ਉਪਰੰਤ ਐਸ਼ਲੀਨ ਨੇ ਸਮਾਜ ਸੇਵੀ ਸੰਸਥਾ ‘ਲੀਪ ਗਲੋਬਲ ਵੁਆਇਸਿਜ਼’ ਦੀ ਸਥਾਪਨ ਕੀਤੀ ਜਿਥੇ ਉਹ ਲੜਕੀਆਂ ਨੂੰ ਉਨ੍ਹਾਂ ਦੇ ਹੱਕਾਂ ਪ੍ਰਤੀ ਜਾਗਰੂਕ ਕਰਦੀ ਹੈ। ਉਥੇ ਆਪਣੇ ਪਿਤਰੀ ਦੇਸ਼ ਤੁਰਕੀ ਦੇ ਸਕੂਲਾਂ ’ਚ ਪੜ੍ਹਦੀਆਂ ਬਹੁਤ ਸਾਰੀਆਂ ਲੋੜਵੰਦ ਵਿਦਿਆਰਥਣਾਂ ਦੀ ਵਿੱਤੀ ਸਹਾਇਤਾ ਵੀ ਕਰਦੀ ਹੈ। ਐਸ਼ਲੀਨ ਮੁਰਾਲੀ ਨਵੰਬਰ ’ਚ ‘ ਪਿਓਰ ਟੂ ਰੀਕੋ’ ਵਿਖੇ ਹੋ ਰਹੇ ‘ਅੰਤਰਰਾਸ਼ਟਰੀ ਮਿਸ ਯੂਨੀਵਰਸ 2026’ ਔਰਤਾਂ ਦੇ ਸੁੰਦਰਤਾ ਮੁਕਾਬਲਿਆਂ ਵਿਚ ਕੈਨੇਡਾ ਦੀ ਪ੍ਰਤੀਨਿਧਤਾ ਕਰੇਗੀ।
