ਜਾਨਲੇਵਾ ਹਮਲਾ ਕਰਨ ਵਾਲੇ ਸ਼ੱਕੀ ਰਿੱਛ ਦੀ ਪਛਾਣ ਲਈ ਡੀ . ਐੱਨ . ਏ . ਜਾਂਚ ਸ਼ੁਰੂ
ਵੈਨਕੂਵਰ, 7 ਨਵੰਬਰ (ਮਲਕੀਤ ਸਿੰਘ) -ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਜੰਗਲੀ ਇਲਾਕੇ ਬੇਲਾ ਕੂਲਾ ਵਿੱਚ ਵਿੱਚ ਇਸ ਹਫ਼ਤੇ ਗ੍ਰਿਜ਼ਲੀ ਰਿੱਛ ਦੇ ਸ਼ੱਕੀ ਜਾਨਲੇਵਾ ਹਮਲੇ ਦਾ ਸ਼ਿਕਾਰ ਹੋਈਆਂ ਮਾਵਾਂ ਧੀਆਂ ਦੀ ਦਰਦਨਾਕ ਮੌਤ ਦੀ ਦੁਖਦਾਇਕ ਘਟਨਾ ਦੀ ਜਾਂਚ ਹੁਣ ਵਿਗਿਆਨਕ ਢੰਗ ਨਾਲ ਕੀਤੀ ਜਾ ਰਹੀ ਹੈ। ਜਾਂਚ ਅਧਿਕਾਰੀਆਂ ਵੱਲੋਂ ਹਮਲੇ ਲਈ ਜ਼ਿੰਮੇਵਾਰ ਰਿੱਛ ਦੀ ਪਛਾਣ ਕਰਨ ਲਈ ਉਸ ਦਾ ਡੀ.
ਵੈਨਕੂਵਰ, 7 ਨਵੰਬਰ (ਮਲਕੀਤ ਸਿੰਘ) -ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਜੰਗਲੀ ਇਲਾਕੇ ਬੇਲਾ ਕੂਲਾ ਵਿੱਚ ਵਿੱਚ ਇਸ ਹਫ਼ਤੇ ਗ੍ਰਿਜ਼ਲੀ ਰਿੱਛ ਦੇ ਸ਼ੱਕੀ ਜਾਨਲੇਵਾ ਹਮਲੇ ਦਾ ਸ਼ਿਕਾਰ ਹੋਈਆਂ ਮਾਵਾਂ ਧੀਆਂ ਦੀ ਦਰਦਨਾਕ ਮੌਤ ਦੀ ਦੁਖਦਾਇਕ ਘਟਨਾ ਦੀ ਜਾਂਚ ਹੁਣ ਵਿਗਿਆਨਕ ਢੰਗ ਨਾਲ ਕੀਤੀ ਜਾ ਰਹੀ ਹੈ। ਜਾਂਚ ਅਧਿਕਾਰੀਆਂ ਵੱਲੋਂ ਹਮਲੇ ਲਈ ਜ਼ਿੰਮੇਵਾਰ ਰਿੱਛ ਦੀ ਪਛਾਣ ਕਰਨ ਲਈ ਉਸ ਦਾ ਡੀ.ਐੱਨ.ਏ. ਵੇਰਵਾ ਤਿਆਰ ਕੀਤਾ ਗਿਆ ਹੈ। ਇਸ ਕਾਰਵਾਈ ਦਾ ਮੁੱਖ ਉਦੇਸ਼ ਹਮਲਾ ਕਰਨ ਵਾਲੇ ਅਸਲ ਰਿੱਛ ਦੀ ਪਛਾਣ ਕਰਨਾ ਹੈ, ਤਾਂ ਜੋ ਜਾਂਚ ਨੂੰ ਸਹੀ ਦਿਸ਼ਾ ਵਿੱਚ ਅੱਗੇ ਵਧਾਇਆ ਜਾ ਸਕੇ। ਪ੍ਰਾਪਤ ਵੇਰਵਿਆਂ ਇਸ ਘਟਨਾ ਦੀ ਜਾਂਚ ਦੌਰਾਨ ਆਧੁਨਿਕ ਵਿਗਿਆਨਕ ਤਕਨੀਕਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਿਸੇ ਜਾਨਲੇਵਾ ਹਮਲੇ ਵਿੱਚ ਸ਼ਾਮਲ ਰਿੱਛ ਦੀ ਡੀ.ਐੱਨ.ਏ. ਰਾਹੀਂ ਪਛਾਣ ਕਰਨਾ ਕਾਫ਼ੀ ਹੱਦ ਤੱਕ ਉਸੇ ਤਰ੍ਹਾਂ ਹੈ, ਜਿਵੇਂ ਪੁਲਿਸ ਕਿਸੇ ਅਪਰਾਧ ਵਾਲੀ ਥਾਂ ਤੋਂ ਮਿਲੇ ਜੈਵਿਕ ਸਬੂਤਾਂ ਦੀ ਮਦਦ ਨਾਲ ਸ਼ੱਕੀ ਵਿਅਕਤੀ ਦੀ ਪਛਾਣ ਕਰਦੀ ਹੈ। ਵਿਗਿਆਨਕ ਮਾਹਿਰਾਂ ਅਨੁਸਾਰ ਹਰੇਕ ਰਿੱਛ ਦਾ ਜੈਨੇਟਿਕ ਵੇਰਵਾ ਵੱਖਰਾ ਹੁੰਦਾ ਹੈ। ਇਸ ਲਈ ਘਟਨਾ ਨਾਲ ਸਬੰਧਤ ਜੈਵਿਕ ਸਬੂਤਾਂ ਦੀ ਤੁਲਨਾ ਸ਼ੱਕੀ ਰਿੱਛਾਂ ਦੇ ਨਮੂਨਿਆਂ ਨਾਲ ਕਰਕੇ ਇਹ ਪਤਾ ਲਗਾਉਣ ਵਿੱਚ ਮਦਦ ਮਿਲ ਸਕਦੀ ਹੈ ਕਿ ਹਮਲੇ ਵਿੱਚ ਕਿਹੜਾ ਜਾਨਵਰ ਸ਼ਾਮਲ ਸੀ?
