ਕੱਪ ਨਾਲ ਜੇਤੂ ਟੀਮ
ਬਲੂ-ਈਗਲ ਕਲੱਬ ਨੇ 2026 ਵਿਕਟੋਰੀਆ ਪੰਜਾਬੀ ਫੁੱਟਬਾਲ ਚੈਂਪੀਅਨਸ਼ਿਪ ਜਿੱਤੀ
ਮੈਲਬੌਰਨ, 28 ਅਗਸਤ (ਪਰਮਵੀਰ ਸਿੰਘ ਆਹਲੂਵਾਲੀਆ)-ਆਸਟ੍ਰੇਲੀਆ ਦੇ ਮੈਲਬੌਰਨ ਸ਼ਹਿਰ ਵਿੱਚ ਕਰੇਨਬਰਨ ਯੂਨਾਈਟਿਡ ਕਲੱਬ ਦੇ ਪ੍ਰਬੰਧ ਹੇਠ ਵਿਕਟੋਰੀਆ ਪੰਜਾਬੀ ਫੁੱਟਬਾਲ ਲੀਗ ਕਰਵਾਈ ਗਈ। ਕਲੱਬ ਪੱਧਰ ਦੀ ਇਸ ਲੀਗ ਵਿੱਚ ਮੈਲਬੌਰਨ ਦੀਆਂ ਚੋਟੀ ਦੀਆਂ ਅੱਠ ਟੀਮਾਂ ਨੇ ਭਾਗ ਲਿਆ।
ਮੈਲਬੌਰਨ, 28 ਅਗਸਤ (ਪਰਮਵੀਰ ਸਿੰਘ ਆਹਲੂਵਾਲੀਆ)-ਆਸਟ੍ਰੇਲੀਆ ਦੇ ਮੈਲਬੌਰਨ ਸ਼ਹਿਰ ਵਿੱਚ ਕਰੇਨਬਰਨ ਯੂਨਾਈਟਿਡ ਕਲੱਬ ਦੇ ਪ੍ਰਬੰਧ ਹੇਠ ਵਿਕਟੋਰੀਆ ਪੰਜਾਬੀ ਫੁੱਟਬਾਲ ਲੀਗ ਕਰਵਾਈ ਗਈ। ਕਲੱਬ ਪੱਧਰ ਦੀ ਇਸ ਲੀਗ ਵਿੱਚ ਮੈਲਬੌਰਨ ਦੀਆਂ ਚੋਟੀ ਦੀਆਂ ਅੱਠ ਟੀਮਾਂ ਨੇ ਭਾਗ ਲਿਆ। ਸੈਮੀਫਾਈਨਲ ਦੇ ਪਹਿਲੇ ਮੁਕਾਬਲੇ ਵਿੱਚ ਬਲੂ-ਈਗਲ ਕਲੱਬ ਨੇ ਅਫਗਾਨ ਕਲੱਬ ਨੂੰ 4-1 ਨਾਲ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ। ਦੂਜੇ ਸੈਮੀਫਾਈਨਲ ਵਿੱਚ ਵਾਈ.ਐੱਫ.ਸੀ. ਕਲੱਬ ਨੇ ਕਰੇਨਬਰਨ ਯੂਨਾਈਟਿਡ ਨੂੰ ਪੈਨਲਟੀ ਸ਼ੂਟਆਊਟ ਰਾਹੀਂ ਮਾਤ ਦਿੱਤੀ। ਫਾਈਨਲ ਮੁਕਾਬਲੇ ਵਿੱਚ ਬਲੂ-ਈਗਲ ਕਲੱਬ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਵਾਈ.ਐੱਫ.ਸੀ. ਕਲੱਬ ਨੂੰ 2-1 ਨਾਲ ਹਰਾ ਕੇ 2026 ਵਿਕਟੋਰੀਆ ਪੰਜਾਬੀ ਫੁੱਟਬਾਲ ਚੈਂਪੀਅਨਸ਼ਿਪ ਆਪਣੇ ਨਾਂ ਕੀਤੀ। ਬਲੂ-ਈਗਲ ਕਲੱਬ ਦੇ ਕਪਤਾਨ ਦਲਬੀਰ ਦੂਹੜਾ ਨੇ ਜਿੱਤ ਦਾ ਸਿਹਰਾ ਸਮੂਹ ਖਿਡਾਰੀਆਂ ਦੀ ਦਿਲ-ਜਾਨ ਨਾਲ ਕੀਤੀ ਮਿਹਨਤ, ਟੀਮ ਵਰਕ ਅਤੇ ਖੇਡ ਭਾਵਨਾ ਨੂੰ ਦਿੰਦਿਆਂ ਕਿਹਾ ਕਿ ਸਾਰੇ ਖਿਡਾਰੀਆਂ ਦੇ ਸਾਂਝੇ ਯਤਨਾਂ ਸਦਕਾ ਟੀਮ ਨੇ ਇਹ ਸ਼ਾਨਦਾਰ ਸਫਲਤਾ ਹਾਸਲ ਕੀਤੀ ਹੈ।
