ਐਡੀਲੇਡ ਦੇ ਪਾਰਕ ਥੀਏਟਰ ਵਿਚ ‘ ਪੋਸਟਮਾਰਟਮ ’ ਨਾਟਕ ਦਾ ਸ਼ਾਨਦਾਰ ਸ਼ੋਅ
ਐਡੀਲੇਡ, 25 ਅਕਤੂਬਰ (ਗੁਰਮੀਤ ਸਿੰਘ ਵਾਲੀਆ)-ਅਫ਼ਜ਼ਲ ਮਹਿਮੂਦ ਦੀ ਕਿਤਾਬ ‘ਤੇ ਬਣੇ ਨਾਟਕ ‘ਪੋਸਟਮਾਰਟਮ’ ਦਾ ਸ਼ੋਅ ਐਡੀਲੇਡ ਦੀ ਕੋਵਨ ਸਟ੍ਰੀਟ ‘ਚ ਬਣੇ ਪਾਰਕ ਥੀਏਟਰ ਵਿਖੇ ਕਰਵਾਇਆ ਗਿਆ। ਕਲਾਕਾਰਾਂ ਦੀ ਵਧੀਆ ਅਦਾਕਾਰੀ ਅਤੇ ਪ੍ਰਭਾਵਸ਼ਾਲੀ ਡਾਇਲਾਗਾਂ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ।
ਲ
ਲਹਿੰਦੇ ਤੇ ਚੜ੍ਹਦੇ ਪੰਜਾਬ ਦੇ ਕਲਾਕਾਰਾਂ ਵਲੋਂ ਨਾਟਕ ਦੀ ਸ਼ਾਨਦਾਰ ਤੇ ਦਮਦਾਰ ਪੇਸ਼ਕਾਰੀ ਦੇ ਦ੍ਰਿਸ਼ ਤੇ ਕਲਾਕਾਰਾਂ ਨੂੰ ਸਨਮਾਨਿਤ ਕਰਦੇ ਹੋਏ ਪ੍ਰਬੰਧਕ।
26-10-2026
ਐਡੀਲੇਡ, 25 ਅਕਤੂਬਰ (ਗੁਰਮੀਤ ਸਿੰਘ ਵਾਲੀਆ)-ਅਫ਼ਜ਼ਲ ਮਹਿਮੂਦ ਦੀ ਕਿਤਾਬ ‘ਤੇ ਬਣੇ ਨਾਟਕ ‘ਪੋਸਟਮਾਰਟਮ’ ਦਾ ਸ਼ੋਅ ਐਡੀਲੇਡ ਦੀ ਕੋਵਨ ਸਟ੍ਰੀਟ ‘ਚ ਬਣੇ ਪਾਰਕ ਥੀਏਟਰ ਵਿਖੇ ਕਰਵਾਇਆ ਗਿਆ। ਕਲਾਕਾਰਾਂ ਦੀ ਵਧੀਆ ਅਦਾਕਾਰੀ ਅਤੇ ਪ੍ਰਭਾਵਸ਼ਾਲੀ ਡਾਇਲਾਗਾਂ ਨੂੰ ਲੋਕਾਂ ਨੇ ਬਹੁਤ ਪਸੰਦ ਕੀਤਾ। ਇਹ ਨਾਟਕ ਹਸਪਤਾਲਾਂ ਦੇ ਇੰਤਜ਼ਾਮ ਵਿੱਚ ਕਮੀ, ਭ੍ਰਿਸ਼ਟਾਚਾਰ, ਮਰੀਜ਼ਾਂ ਨਾਲ ਹੁੰਦੀ ਲਾਪਰਵਾਹੀ ਅਤੇ ਮਹਿੰਗੇ ਹੁੰਦੇ ਇਲਾਜ ਵਰਗੇ ਗੰਭੀਰ ਮੁੱਦਿਆਂ ਨੂੰ ਸਾਹਮਣੇ ਲਿਆਉਂਦਾ ਹੈ।ਨਾਟਕ ਦੀ ਕਹਾਣੀ ਪ੍ਰੈਗਨੈਂਸੀ (ਗਰਭ ਅਵਸਥਾ) ਦੌਰਾਨ ਆਈਆਂ ਮੁਸ਼ਕਲਾਂ ਕਰਕੇ ਇਕ ਔਰਤ ਦੀ ਹੋਈ ਮੌਤ ਦੀ ਚੈਕਿੰਗ/ਜਾਂਚ ਦੇ ਆਲੇ-ਦੁਆਲੇ ਘੁੰਮਦੀ ਹੈ।ਪੂਰੀ ਜਾਣਕਾਰੀ ਨਾ ਹੋਣਾ, ਟਾਈਮ ਸਿਰ ਇਲਾਜ ਨਾ ਮਿਲਣਾ ਅਤੇ ਮਹਿੰਗਾ ਇਲਾਜ ਇਸ ਦੁਖਦਾਈ ਘਟਨਾ ਦੇ ਮੁੱਖ ਕਾਰਨ ਬਣਦੇ ਹਨ।ਇਕ ਹਮਦਰਦ ਡਾਕਟਰ ਦਾ ਰੋਲ, ਜੋ ਪ੍ਰਸਿੱਧ ਅਦਾਕਾਰ ਨਿਸ਼ਾਂਤ ਤਿਵਾੜੀ ਨੇ ਬਹੁਤ ਵਧੀਆ ਤਰੀਕੇ ਨਾਲ ਨਿਭਾਇਆ, ਮੌਤ ਦੇ ਅਸਲ ਕਾਰਨਾਂ ਦਾ ਪਤਾ ਲਾਉਣ ‘ਤੇ ਜ਼ੋਰ ਦਿੰਦਾ ਹੈ ਪਰ ਇਸ ਦੌਰਾਨ ਉਸ ਨੂੰ ਹਸਪਤਾਲ ਦੀ ਮੈਨੇਜਮੈਂਟ ਅਤੇ ਭ੍ਰਿਸ਼ਟ ਸਿਸਟਮ ਦੇ ਵਿਰੋਧ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।ਨਾਟਕ ਵਿਚ ਆਉਣ-ਜਾਣ ਦੀਆਂ ਤਕਲੀਫ਼ਾਂ, ਪੈਸੇ ਦੀ ਤੰਗੀ ਅਤੇ ਹਸਪਤਾਲਾਂ ਵਿਚ ਸਹੂਲਤਾਂ ਦੀ ਘਾਟ ਕਰਕੇ ਗ਼ਰੀਬ ਲੋਕਾਂ ਨੂੰ ਆਉਂਦੀਆਂ ਸਮੱਸਿਆਵਾਂ ਨੂੰ ਵੀ ਦਿਖਾਇਆ ਗਿਆ ਹੈ। ਸਿਹਤ ਮੰਤਰੀ, ਸੈਕਟਰੀ ਅਤੇ ਸਰਕਾਰੀ ਠੇਕੇਦਾਰ ਨਾਲ ਜੁੜੇ ਸੀਨਾਂ ਰਾਹੀਂ ਪਾਵਰ ਦੀ ਗ਼ਲਤ ਵਰਤੋਂ ਅਤੇ ਆਪਣੇ ਫ਼ਾਇਦੇ ਲਈ ਸਰਕਾਰੀ ਸਿਹਤ ਸੇਵਾਵਾਂ ਨੂੰ ਵਰਤਣ ‘ਤੇ ਤਨਜ਼ ਕੱਸਿਆ ਗਿਆ ਹੈ।ਸਫ਼ਾਈ ਕਰਮਚਾਰੀ ਦਾ ਰੋਲ ਸਿਸਟਮ ਵਿਚ ਜ਼ਿੰਮੇਵਾਰੀ ਤੈਅ ਕਰਨ ਅਤੇ ਭ੍ਰਿਸ਼ਟਾਚਾਰ ਖ਼ਤਮ ਕਰਨ ਦੀ ਲੋੜ ਨੂੰ ਦਿਖਾਉਂਦਾ ਹੈ।ਦੂਜੇ ਪਾਸੇ, ਫ਼ਕੀਰ ਦਾ ਰੋਲ ਡਾਕਟਰਾਂ, ਸਿਹਤ ਸੇਵਾਵਾਂ ਨਾਲ ਜੁੜੇ ਲੋਕਾਂ ਅਤੇ ਨੀਤੀਆਂ ਬਣਾਉਣ ਵਾਲਿਆਂ ਨੂੰ ਆਪਣੇ ਕੰਮ ‘ਤੇ ਝਾਤ ਮਾਰਨ ਅਤੇ ਪ੍ਰਬੰਧ ਸੁਧਾਰਨ ਦਾ ਸੁਨੇਹਾ ਦਿੰਦਾ ਹੈ।ਨਾਟਕ ਦੇ ਹੋਰ ਕਲਾਕਾਰਾਂ ਵਿਚ ਅਦੀਲ ਸਾਦਿਕ (ਹਸਪਤਾਲ ਡਾਇਰੈਕਟਰ), ਸੁਮੀਤ ਕੌਰ (ਡਾਕਟਰ), ਜ਼ੈਨਬ (ਗਾਇਨੀਕੋਲੋਜਿਸਟ), ਜ਼ੀਸ਼ਾਨ ਅਸਲਮ (ਸਹਾਇਕ), ਗੇਲਸੀ ਅਤੇ ਅਨਾਹਤ ਤਿਵਾੜੀ (ਨਰਸਾਂ), ਸਰੂਪ ਸਿੰਘ ਜੌਹਲ (ਸਿਹਤ ਮੰਤਰੀ), ਅਲੀ ਉਸਮਾਨ (ਸਿਹਤ ਸਕੱਤਰ), ਅਸ਼ਰਫ਼ ਖ਼ਾਨ (ਮਰੀਜ਼), ਸੁਰਿੰਦਰ ਕੁਮਾਰ (ਸਰਕਾਰੀ ਇਮਾਰਤਾਂ ਦਾ ਠੇਕੇਦਾਰ), ਬੁਸ਼ਰਾ ਤੂਰ (ਗਰਭਵਤੀ ਔਰਤ), ਸਿਮਰਤ ਗਰੇਵਾਲ (ਮਾਂ), ਲਬੀਬ ਅਹਿਮਦ (ਪਿਤਾ), ਅਇਰਾ ਤਿਵਾੜੀ (ਬੱਚੀ) ਅਤੇ ਮੌਲੀ ਸਰੂਪ ਜੌਹਲ ਸ਼ਾਮਿਲ ਸਨ , ਜਿਨ੍ਹਾਂ ਨੇ ਪੁਰਾਣੇ ਜ਼ਮਾਨੇ ਦੀ ਦਾਈ ਦਾ ਰੋਲ ਬਹੁਤ ਵਧੀਆ ਢੰਗ ਨਾਲ ਨਿਭਾਇਆ।ਮੌਲੀ ਸਰੂਪ ਜੌਹਲ ਨੇ ਡਾਕਟਰ ਦੀ ਝਿੜਕ ਦਾ ਹਿੰਮਤ ਨਾਲ ਸਾਹਮਣਾ ਕੀਤਾ। ਲੜਾਈ ਵਾਲੇ ਸੀਨ ਵਿਚ ਡਾਇਲਾਗਾਂ ਰਾਹੀਂ ਗੁੱਸੇ ਨੂੰ ਜਿਸ ਤਰ੍ਹਾਂ ਉਨ੍ਹਾਂ ਨੇ ਪੇਸ਼ ਕੀਤਾ, ਉਸ ਨੇ ਦਰਸ਼ਕਾਂ ਨੂੰ ਇੰਨਾ ਪ੍ਰਭਾਵਿਤ ਕੀਤਾ ਕਿ ਪੂਰਾ ਹਾਲ ਤਾੜੀਆਂ ਨਾਲ ਗੂੰਜ ਉੱਠਿਆ। ਉਨ੍ਹਾਂ ਦੀ ਅਦਾਕਾਰੀ ਦੀ ਸਭ ਨੇ ਬਹੁਤ ਤਾਰੀਫ਼ ਕੀਤੀ।ਇਤਸ਼ਾਮ ਯੂਸਫ਼ ਨੇ ਸਫ਼ਾਈ ਕਰਮਚਾਰੀ ਦਾ ਰੋਲ ਕੀਤਾ, ਜਦਕਿ ਨਾਟਕ ਦੇ ਲੇਖਕ ਅਤੇ ਪ੍ਰੋਡਿਊਸਰ ਅਫ਼ਜ਼ਲ ਮਹਿਮੂਦ ਨੇ ਫ਼ਕੀਰ ਦੇ ਰੋਲ ਵਿੱਚ ਸ਼ਾਨਦਾਰ ਅਦਾਕਾਰੀ ਕੀਤੀ।ਇਸ ਨਾਟਕ ਨੇ ਮਨੋਰੰਜਨ ਦੇ ਨਾਲ-ਨਾਲ ਸਮਾਜ ਨੂੰ ਜਾਗਰੂਕ ਕਰਨ ਦਾ ਸੁਨੇਹਾ ਵੀ ਦਿੱਤਾ। ਇਸ ਵਿੱਚ ਜ਼ੋਰ ਦਿੱਤਾ ਗਿਆ ਕਿ ਹਰ ਤਬਕੇ ਦੇ ਲੋਕਾਂ ਨੂੰ ਸੌਖੇ ਤਰੀਕੇ ਨਾਲ, ਸਹੀ ਖ਼ਰਚੇ ‘ਤੇ ਅਤੇ ਹਮਦਰਦੀ ਨਾਲ ਇਲਾਜ ਮਿਲਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਲੋਕਾਂ ਨੂੰ ਆਪਣੇ ਹੱਕਾਂ ਲਈ ਜਾਗਰੂਕ ਹੋਣ ਅਤੇ ਹਸਪਤਾਲਾਂ ਦੇ ਪ੍ਰਬੰਧ ਵਿਚ ਸੁਧਾਰ ਲਿਆਉਣ ਦਾ ਸੱਦਾ ਦਿੱਤਾ ਗਿਆ। ਪ੍ਰੋਡਿਊਸਰ ਅਫ਼ਜ਼ਲ ਮਹਿਮੂਦ ਤੇ ਸਰੂਪ ਸਿੰਘ ਜੌਹਲ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਕੇ ਇਸ ਨਾਟਕ ਦੇ ਪੈਸਕਾਰੀ ਸਮੇ ਇਕੱਤਰ ਹੋਈ ਸਾਰੀ ਰੱਕਮ ਪਾਕਿਸਤਾਨ ਕੈਂਸਰ ਦੇ ਮਰੀਜ਼ਾ ਦੇ ਇਲਾਜ ਲਈ ਭੇਜੀ ਜਾਵੇਗੀ।ਭਵਿੱਖ ਚ ਹੋਰ ਕਰਵਾਏ ਜਾਨ ਵਾਲੇ ਪ੍ਰੋਗਰਾਮ ਸਮੇ ਇਕੱਤਰ ਹੋਈ ਰਕਮ ਪੰਜਾਬ ਭਾਰਤ ਚ ਕੈਂਸਰ ਦੇ ਮਰੀਜ਼ਾ ਲਈ ਭੇਜਣ ਦੀ ਯੋਜਨਾ ਬਣਾਈ ਗਈ ਹੈ ।ਨਿਸ਼ਾਂਤ ਤਿਵਾੜੀ ਅਤੇ ਅਫ਼ਜ਼ਲ ਮਹਿਮੂਦ ਨੇ ਰਲ ਕੇ ਇਸ ਨਾਟਕ ਦਾ ਡਾਇਰੈਕਸ਼ਨ ਕੀਤਾ।
