ਅਮੋਲਕ ਸਿੰਘ ਗਾਖਲ ਦੇ ਪੁੱਤਰ ਦੇ ਅਨੰਦ ਕਾਰਜ ਸਮੇਂ ਦੇਸ਼-ਵਿਦੇਸ਼ ਤੋਂ ਪੁੱਜੀਆ ਅਹਿਮ ਹਸਤੀਆਂ

ਸਾਨ ਫਰਾਂਸਿਸਕੋ, 6 ਸਤੰਬਰ (ਐਸ. ਅਸ਼ੋਕ ਭੌਰਾ)-ਅਮਰੀਕਾ ਵਸਦੇ ਉਘੇ ਕਾਰੋਬਾਰੀ, ਖੇਡ ਪ੍ਰਮੋਟਰ, ਸਮਾਜ ਸੇਵੀ, ਫਿਲਮ ਨਿਰਮਾਤਾ ਤੇ ਗਾਖਲ ਗਰੁੱਪ ਦੇ ਮੁਖੀ ਅਮੋਲਕ ਸਿੰਘ ਗਾਖਲ ਤੇ ਇੰਦਰਜੀਤ ਕੌਰ ਗਾਖਲ ਦੇ ਪੁੱਤਰ ਪਰਮਵੀਰ ਸਿੰਘ ਗਾਖਲ ਦਾ ਸ਼ੁਭ ਅਨੰਦ ਕਾਰਜ ਅਰਸ਼ਪ੍ਰੀਤ ਕੌਰ ਗਿੱਲ ਪੁੱਤਰੀ ਸ. ਜਗਜੀਤ ਸਿੰਘ ਗਿੱਲ ਤੇ ਦਲਵਿੰਦਰਜੀਤ ਕੌਰ ਗਿੱਲ ਨਾਲ ਡੈਲਸ (ਟੈਕਸਸ) ਵਿਖੇ ਹੋਇਆ।ਇਸ ਮੌਕੇ ਉਚੇਚੇ ਤੌਰ ’ਤੇ ਪੁੱਜੇ ਸ੍ਰੀ ਦਰਬਾਰ ਸਾਹਿਬ, ਅਮ੍ਰਿਤਸਰ ਦੇ ਸਾਬਕਾ ਹੈੱਡ ਗ੍ਰੰਥੀ ਭਾਈ ਜਸਵਿੰਦਰ ਸਿੰਘ ਨੇ ਅਨੰਦ ਕਾਰਜ ਦੀ ਰਸਮ ਅਦਾ ਕੀਤੀ।ਸੁਭਾਗੀ ਜੋੜੀ ਨੂੰ ਅਸ਼ੀਰਵਾਦ ਦੇਣ ਲਈ ਸਮੁੱਚੇ ਅਮਰੀਕਾ ਸਮੇਤ ਕੈਨੇਡਾ, ਨਿਊਜੀਲੈਂਡ, ਇੰਗਲੈਂਡ ਤੇ ਯੂਰਪ ਤੋਂ ਨਾਮੀ ਹਸਤੀਆਂ ਨੇ ਉਚੇਚੇ ਤੌਰ ’ਤੇ ਸ਼ਿਰਕਤ ਕੀਤੀ।