ਇਟਲੀ ’ਚ ਗਰਮੀ ਦੀ ਤਪਸ਼ ਘਟੀ
ਵੈਨਿਸ, 23 ਸਤੰਬਰ (ਹਰਦੀਪ ਸਿੰਘ ਕੰਗ)-ਇਟਲੀ ਵਿੱਚ ਪਿਛਲੇ ਮਹੀਨਿਆਂ ਤੋਂ ਲਗਾਤਾਰ ਪਈ ਰਿਕਾਰਡ ਤੋੜ ਗਰਮੀ ਦਾ ਕਹਿਰ ਹੁਣ ਕੁੱਝ ਘਟ ਗਿਆ ਹੈ। ਤਾਪਮਾਨ ਦਾ ਪੱਧਰ ਹੇਠਾ ਆਉਣ ਨਾਲ਼ ਲੋਕਾਂ ਨੇ ਅੱਤ ਦੀ ਗਰਮੀ ਤੋਂ ਸੁੱਖ ਦਾ ਸਾਹ ਲਿਆ ਹੈ।
ਵੈਨਿਸ, 23 ਸਤੰਬਰ (ਹਰਦੀਪ ਸਿੰਘ ਕੰਗ)-ਇਟਲੀ ਵਿੱਚ ਪਿਛਲੇ ਮਹੀਨਿਆਂ ਤੋਂ ਲਗਾਤਾਰ ਪਈ ਰਿਕਾਰਡ ਤੋੜ ਗਰਮੀ ਦਾ ਕਹਿਰ ਹੁਣ ਕੁੱਝ ਘਟ ਗਿਆ ਹੈ।ਤਾਪਮਾਨ ਦਾ ਪੱਧਰ ਹੇਠਾ ਆਉਣ ਨਾਲ਼ ਲੋਕਾਂ ਨੇ ਅੱਤ ਦੀ ਗਰਮੀ ਤੋਂ ਸੁੱਖ ਦਾ ਸਾਹ ਲਿਆ ਹੈ।ਪਿਛਲੇ ਦਿਨੀ ਹੋਈ ਬਾਰਿਸ਼ ਕਾਰਨ ਵੀ ਮਾਹੌਲ ਸੁਖਾਵਾਂ ਹੋਇਆ ਹੈ।ਅਤੇ ਸੇਵੇਰੇ ਸ਼ਾਮ ਹਲਕੀ ਠੰਢ ਵੀ ਹੋਣ ਲੱਗ ਪਈ ਹੈ।ਦੱਸਣਯੋਗ ਹੈ ਕਿ ਇਟਲੀ ਵਿੱਚ ਇਸ ਵਾਰ ਹੱਦੋਂ ਵੱਧ ਪਈ ਗਰਮੀ ਕਾਰਨ ਲੋਕਾਂ ਦਾ ਜੀਣਾਂ ਦੁਰਬਲ ਹੋਇਆ ਪਿਆ ਸੀ ਅਤੇ ਗਰਮੀ ਦੇ ਕਹਿਰ ਕਾਰਨ ਲੋਕਾਂ ਵਿੱਚ ਇਕ ਤਰਾਂ ਦੀ ਹਾਹਾਕਾਰ ਮੱਚੀ ਪਈ ਸੀ,ਗਰਮੀ ਦੀ ਤਪਸ਼ ਨਾ ਸਹਾਰਦਿਆਂ ਕੁੱਝ ਜਾਨਾਂ ਵੀ ਗਈਆਂ ਸਨ।ਦੂਜੇ ਪਾਸੇ ਗਰਮੀ ਦੀਆਂ ਛੁੱਟੀਆਂ ਖਤਮ ਹੋਣ ਕਾਰਨ ਵੀ ਸੈਲਾਨੀ ਵਾਪਿਸ ਜਾਣਾ ਸ਼ੁਰੂ ਹੋ ਗਏ ਹਨ ਅਤੇ ਇੱਥੋਂ ਦੇ ਸਮੁੰਦਰੀ ਤੱਟਾਂ ਤੋਂ ਰੌਣਕ ਪਰਤਣ ਲੱਗ ਪਈ ਹੈ।
