ਲੰਡਨ ਦੇ ਭਾਰਤੀ ਰੈਸਟੋਰੈਂਟ ਨੂੰ ਅੱਗ ਲਾਉਣ ਵਾਲੇ ਦੋ ਨਾਬਾਲਗਾਂ ਨੂੰ 10-10 ਸਾਲ ਕੈਦ
ਲੰਡਨ, 5 ਅਕਤੂਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਪੂਰਬੀ ਲੰਡਨ ਦੇ ਗੈਂਟਸ ਹਿੱਲ, ਇਲਫੋਰਡ ਸਥਿਤ ਇੰਡੀਅਨ ਅਰੋਮਾ ਰੈਸਟੋਰੈਂਟ ਵਿਚ ਪੈਟਰੋਲ ਛਿੜਕ ਕੇ ਅੱਗ ਲਾਉਣ ਅਤੇ ਗਾਹਕਾਂ ਨੂੰ ਗੰਭੀਰ ਜ਼ਖ਼ਮੀ ਕਰਨ ਦੇ ਮਾਮਲੇ ’ਚ 17-17 ਸਾਲਾਂ ਦੇ ਦੋ ਲੜਕਿਆਂ ਨੂੰ 10-10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਨਾਬਾਲਗ ਹੋਣ ਕਾਰਨ ਦੋਵਾਂ ਦੀ ਪਛਾਣ ਜਨਤਕ ਨਹੀਂ ਕ ੀਤੀ ਜਾ ਸਕਦੀ।
ਲੰਡਨ, 5 ਅਕਤੂਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)- ਪੂਰਬੀ ਲੰਡਨ ਦੇ ਗੈਂਟਸ ਹਿੱਲ, ਇਲਫੋਰਡ ਸਥਿਤ ਇੰਡੀਅਨ ਅਰੋਮਾ ਰੈਸਟੋਰੈਂਟ ਵਿਚ ਪੈਟਰੋਲ ਛਿੜਕ ਕੇ ਅੱਗ ਲਾਉਣ ਅਤੇ ਗਾਹਕਾਂ ਨੂੰ ਗੰਭੀਰ ਜ਼ਖ਼ਮੀ ਕਰਨ ਦੇ ਮਾਮਲੇ ’ਚ 17-17 ਸਾਲਾਂ ਦੇ ਦੋ ਲੜਕਿਆਂ ਨੂੰ 10-10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਨਾਬਾਲਗ ਹੋਣ ਕਾਰਨ ਦੋਵਾਂ ਦੀ ਪਛਾਣ ਜਨਤਕ ਨਹੀਂ ਕ ੀਤੀ ਜਾ ਸਕਦੀ। ਇਹ ਹਮਲਾ 22 ਅਗਸਤ 2025 ਨੂੰ ਰਾਤ ਕਰੀਬ 9 ਵਜੇ ਵੁੱਡਫੋਰਡ ਐਵੇਨਿਊ ਸਥਿਤ ਰੈਸਟੋਰੈਂਟ ’ਚ ਹੋਇਆ ਸੀ। ਉਸ ਸਮੇਂ ਅੱਠ ਗਾਹਕ ਅੰਦਰ ਖਾਣਾ ਖਾ ਰਹੇ ਸਨ। ਅਦਾਲਤ ਨੂੰ ਦੱਸਿਆ ਗਿਆ ਕਿ ਤਿੰਨ ਵਿਅਕਤੀ ਰੈਸਟੋਰੈਂਟ ਵਿਚ ਦਾਖ਼ਲ ਹੋਏ, ਦੋ ਨੌਜਵਾਨ ਹਥਿਆਰਾਂ ਨਾਲ ਦਰਵਾਜ਼ੇ ਕੋਲ ਖੜ੍ਹੇ ਰਹੇ, ਜਦਕਿ ਤੀਜੇ ਵਿਅਕਤੀ ਨੇ ਫਰਸ਼ ਅਤੇ ਮੇਜ਼ਾਂ ਉਤੇ ਪੈਟਰੋਲ ਛਿੜਕਿਆ। ਫਿਰ ਕਾਗਜ਼ ਦੇ ਟੁਕੜੇ ਨੂੰ ਅੱਗ ਲਗਾ ਦਿੱਤੀ ਜਿਸ ਨਾਲ ਅੰਦਰ ਭਿਆਨਕ ਅੱਗ ਭੜਕ ਗਈ। ਹਮਲਾਵਰ ਬਾਅਦ ਵਿਚ ਚੋਰੀ ਦੀ ਕਾਰ ’ਚ ਫਰਾਰ ਹੋ ਗਏ। ਇਸ ਹਮਲੇ ’ਚ ਛੇ ਲੋਕ ਜ਼ਖ਼ਮੀ ਹੋਏ ਸਨ। ਓਲਡ ਬੇਲੀ ਵਿਚ ਸਜ਼ਾ ਸੁਣਾਉਂਦਿਆਂ ਜੱਜ ਮਾਈਕਲ ਗ੍ਰੀਵ ਕੇ ਸੀ ਨੇ ਹਮਲੇ ਨੂੰ ਬਹੁਤ ਯੋਜਨਾਬੱਧ ਕਾਰਵਾਈ ਦੱਸਿਆ।
