ਸਰੀ ਪੁਲਿਸ ਦੇ ਬੇੜੇ ’ ਚ ਸ਼ਾਮਲ ਹੋਇਆ ਲੁਕਵੇਂ ਬਿਜਲਈ ਯੰਤਰ ਲੱਭਣ ਵਾਲਾ ਵਿਸ਼ੇਸ਼ ਕੁੱਤਾ
ਵੈਨਕੂਵਰ, 19 ਨਵੰਬਰ (ਮਲਕੀਤ ਸਿੰਘ)-ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੀ ਸਰੀ ਪੁਲਿਸ ਨੇ ਅਪਰਾਧਿਕ ਮਾਮਲਿਆਂ ਦੀ ਜਾਂਚ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਲਈ ਆਪਣੇ ਬੇੜੇ ਵਿੱਚ ਇੱਕ ਵਿਸ਼ੇਸ਼ ਸਿਖਲਾਈ ਪ੍ਰਾਪਤ ਕੁੱਤਾ ਸ਼ਾਮਲ ਕੀਤਾ ਹੈ, ਜੋ ਲੁਕਾ ਕੇ ਰੱਖੇ ਗਏ ਬਿਜਲਈ ਯੰਤਰਾਂ ਦਾ ਪਤਾ ਲਗਾਉਣ ਦੀ ਸਮਰੱਥਾ ਰੱਖਦਾ ਹੈ। ਸਰੀ ਪੁਲਿਸ ਵਲੋਂ ਇਸ ਕੁੱਤੇ ਦਾ ਨਾਂਅ ‘ਨਿਕਸ’ ਦੱਸਿਆ ਗਿਆ ਹੈ।
ਵੈਨਕੂਵਰ, 19 ਨਵੰਬਰ (ਮਲਕੀਤ ਸਿੰਘ)-ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੀ ਸਰੀ ਪੁਲਿਸ ਨੇ ਅਪਰਾਧਿਕ ਮਾਮਲਿਆਂ ਦੀ ਜਾਂਚ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਲਈ ਆਪਣੇ ਬੇੜੇ ਵਿੱਚ ਇੱਕ ਵਿਸ਼ੇਸ਼ ਸਿਖਲਾਈ ਪ੍ਰਾਪਤ ਕੁੱਤਾ ਸ਼ਾਮਲ ਕੀਤਾ ਹੈ, ਜੋ ਲੁਕਾ ਕੇ ਰੱਖੇ ਗਏ ਬਿਜਲਈ ਯੰਤਰਾਂ ਦਾ ਪਤਾ ਲਗਾਉਣ ਦੀ ਸਮਰੱਥਾ ਰੱਖਦਾ ਹੈ। ਸਰੀ ਪੁਲਿਸ ਵਲੋਂ ਇਸ ਕੁੱਤੇ ਦਾ ਨਾਂਅ ‘ਨਿਕਸ’ ਦੱਸਿਆ ਗਿਆ ਹੈ। ਦੋ ਸਾਲਾ ਕਾਲੇ ਰੰਗ ਦਾ ਇਹ ਲੈਬਰਾਡੋਰ ਰਿਟਰੀਵਰ ਕੁੱਤਾ ਵਿਸ਼ੇਸ਼ ਤੌਰ ‘ਤੇ ਬਿਜਲਈ ਜਾਣਕਾਰੀ ਸੰਭਾਲਣ ਵਾਲੇ ਯੰਤਰਾਂ ਦੀ ਭਾਲ ਕਰਨ ਲਈ ਸਿਖਲਾਈ ਪ੍ਰਾਪਤ ਹੈ। ਅਜਿਹੇ ਵਿਸ਼ੇਸ਼ ਸਿਖਲਾਈ ਪ੍ਰਾਪਤ ਕੁੱਤੇ ਬਿਜਲਈ ਯੰਤਰਾਂ ਵਿੱਚ ਵਰਤੇ ਜਾਣ ਵਾਲੇ ਕੁਝ ਰਸਾਇਣਕ ਪਦਾਰਥਾਂ ਦੀ ਗੰਧ ਪਛਾਣ ਸਕਦੇ ਹਨ। ਇਸ ਕਾਰਨ ਉਹ ਅਜਿਹੀਆਂ ਥਾਵਾਂ ‘ਤੇ ਵੀ ਲੁਕਾਏ ਗਏ ਯੰਤਰਾਂ ਦੀ ਭਾਲ ਵਿੱਚ ਸਹਾਇਕ ਹੋ ਸਕਦੇ ਹਨ, ਜਿੱਥੇ ਆਮ ਤਲਾਸ਼ੀ ਦੌਰਾਨ ਉਨ੍ਹਾਂ ਦਾ ਪਤਾ ਲਗਾਉਣਾ ਮੁਸ਼ਕਲ ਹੁੰਦਾ ਹੈ। ਸਰੀ ਪੁਲਿਸ ਦੀ ਇਸ ਨਵੀਂ ਪਹਿਲ ਨੂੰ ਆਧੁਨਿਕ ਤਕਨੀਕ ਅਤੇ ਸਿਖਲਾਈ ਪ੍ਰਾਪਤ ਪੁਲਿਸ ਕੁੱਤਿਆਂ ਦੀਆਂ ਸਮਰੱਥਾਵਾਂ ਨੂੰ ਇਕੱਠਿਆਂ ਵਰਤਣ ਵੱਲ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ। ਖ਼ਾਸ ਕਰਕੇ ਸਾਈਬਰ ਅਪਰਾਧਾਂ ਅਤੇ ਬਿਜਲਈ ਸਬੂਤਾਂ ਨਾਲ ਸਬੰਧਤ ਜਾਂਚ ਵਿਚ ਨਿਕਸ ਦੀਆਂ ਸੇਵਾਵਾਂ ਲਾਭਦਾਇਕ ਹੋ ਸਕਦੀਆਂ ਹਨ।