ਜਲੰਧਰ, 21 ਫਰਵਰੀ (ਜਸਪਾਲ ਸਿੰਘ)-ਕੇ. ਐਮ. ਵੀ. ਕਾਲਜ ਦੇ ਅਰਥ ਸ਼ਾਸਤਰ ਵਿਭਾਗ ਨੇ ਭਾਰਤ ਵਿੱਚ ਕੇਂਦਰੀ ਬਜਟ ਤਿਆਰ ਕਰਨ ਦੀ ਪ੍ਰਕਿਰਿਆ ਬਾਰੇ ਵਿਹਾਰਿਕ ਜਾਣਕਾਰੀ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਮੌਕ ਬਜਟ 2026 ਸੰਬੰਧੀ ਇਕ ਪ੍ਰੋਗਰਾਮ ਕਰਵਾਇਆ ਗਿਆ | ਸਮਾਗਮ ਦੀ ਸ਼ੁਰੂਆਤ ਨਿਰਦੇਸ਼ਕ ਪ੍ਰੋ. (ਡਾ.) ਅਤੀਮਾ ਸ਼ਰਮਾ ਦੁਵੇਦੀ ਦੇ ਸਨਮਾਨ ਨਾਲ ਹੋਈ | ਇਸ ਵਿੱਚ ਬੀ.ਏ., ਬੀ.ਐਸ.ਸੀ. (ਅਰਥ-ਸ਼ਾਸਤਰ) ਤੇ ਐਮ.ਐਸ.ਸੀ. (ਅਰਥ-ਸ਼ਾਸਤਰ) ਦੀਆਂ ਵਿਦਿਆਰਥਣਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ ਤੇ ਰਾਜਨੀਤਿਕ ਆਗੂਆਂ, ਨੀਤੀ ਨਿਰਧਾਰਕਾਂ ਤੇ ਸਮਾਜ ਦੇ ਵੱਖ-ਵੱਖ ਵਰਗਾਂ ਦੀਆਂ ਭੂਮਿਕਾਵਾਂ ਨਿਭਾਈਆਂ | ਪ੍ਰੋਗਰਾਮ ਦੀ ਸ਼ੁਰੂਆਤ ਹਰਸ਼ਿਤਾ ਨੇ ਸੰਚਾਲਕ ਵਜੋਂ ਅਤੇ ਈਸ਼ਾ ਧੀਮਾਨ ਨੇ ਮੰਚ ਸੰਚਾਲਕ ਵਜੋਂ ਕੀਤੀ ¢ ਤਨਵੀ ਨੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੀ ਭੂਮਿਕਾ ਨਿਭਾਉਂਦਿਆਂ ਕਰ ਪ੍ਰਣਾਲੀ, ਸਰਕਾਰੀ ਖਰਚ, ਵਿੱਤੀ ਘਾਟ ਤੇ ਵਿਕਾਸੀ ਤਰਜੀਹਾਂ ਬਾਰੇ ਪ੍ਰਸਤਾਵ ਪੇਸ਼ ਕੀਤੇ | ਸ਼ੀਤਲ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਭੂਮਿਕਾ ਨਿਭਾਈ, ਜਦਕਿ ਰੀਆ ਭਗਤ ਨੇ ਪੀਯੂਸ਼ ਗੋਯਲ ਦਾ ਪ੍ਰਤੀਨਿਧਿਤਵ ਕੀਤਾ |
