ਨਵੀਂ ਦਿੱਲੀ, 24 ਫਰਵਰੀ (ਮਿਸਰਦੀਪ ਭਾਟੀਆ)-ਦੇਸ਼ ਦੇ ਕਈ ਹਿੱਸਿਆਂ ਵਿਚ ਤਾਪਮਾਨ ਵਧਣ ਲੱਗਾ ਹੈ। ਮੌਸਮ ਵਿਭਾਗ ਦੀ ਭਵਿੱਖਬਾਣੀ ਅਨੁਸਾਰ ਫਰਵਰੀ ਦਾ ਆਖਰੀ ਹਫ਼ਤਾ ਬਹੁਤ ਗਰਮ ਰਹਿਣ ਵਾਲਾ ਹੈ। ਰਾਜਸਥਾਨ ਵਿਚ ਤਾਪਮਾਨ 38 ਡਿਗਰੀ ਤੱਕ ਪਹੁੰਚ ਸਕਦਾ ਹੈ। ਜਦਕਿ ਦਿੱਲੀ ਵਿਚ 32 ਤੋਂ 34 ਡਿਗਰੀ ਤੱਕ ਤਾਪਮਾਨ ਪਹੁੰਚਣ ਦੇ ਆਸਾਰ ਹਨ। ਹੁਣ ਤੋਂ ਹੀ ਮਾਰਚ ਦੇ ਅਖੀਰ ਵਰਗੀ ਗਰਮੀ ਮਹਿਸੂਸ ਹੋਣ ਲੱਗੀ ਹੈ। ਦਿੱਲੀ ਵਿਚ ਜ਼ਿਆਦਾਤਾਰ ਘਰਾਂ ਵਿਚ ਹੁਣ ਸ਼ਾਮ ਨੂੰ ਪੱਖਾ ਚਲਾਉਣ ਦੀ ਨੌਬਤ ਆ ਗਈ ਹੈ। ਦਿੱਲੀ ਵਿਚ 24 ਤਰੀਕ ਤੋਂ ਵੱਧ ਤੋਂ ਵੱਧ ਤਾਪਮਾਨ 31 ਡਿਗਰੀ ਤੱਕ ਪਹੁੰਚ ਸਕਦਾ ਹੈ, ਇਸ ਤੋਂ ਬਾਅਦ ਹਫ਼ਤੇ ਦੇ ਅੰਤ ਤੱਕ ਤਾਪਮਾਨ ਵਿਚ ਆਮ ਨਾਲੋਂ 5 ਡਿਗਰੀ ਤੋਂ ਜ਼ਿਆਦਾ ਵਾਧਾ ਹੋਣ ਦੀ ਸੰਭਾਵਨਾ ਹੈ, ਇਸ ਦੇ ਚਲਦਿਆਂ ਫਰਵਰੀ ਦਾ ਆਖ਼ਰੀ ਹਫ਼ਤਾ ਬੇਹੱਦ ਗਰਮ ਹੋ ਸਕਦਾ ਹੈ।
