ਨਵੀਂ ਦਿੱਲੀ, 26 ਫਰਵਰੀ (ਮਿਸਰਦੀਪ ਭਾਟੀਆ)-ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕਸਟਮ ਵਿਭਾਗ ਦੇ ਅਧਿਕਾਰੀਆਂ ਨੇ ਵੱਡੀ ਕਾਰਵਾਈ ਕੀਤੀ ਹੈ | ਉਨ੍ਹਾਂ ਨੇ ਕਰੀਬ 23.936 ਕਿਲੋਗਰਾਮ ਹਰੇ ਰੰਗ ਦਾ ਸ਼ੱਕੀ ਨਸ਼ੀਲਾ ਪਦਾਰਥ ਜ਼ਬਤ ਕੀਤਾ ਹੈ ਜਿਸ ਨੂੰ ਗਾਂਜਾ ਦੱਸਿਆ ਜਾ ਰਿਹਾ ਹੈ | ਇਸ ਮਾਮਲੇ ਵਿਚ ਦੋ ਭਾਰਤੀ ਯਾਤਰੀਆਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਜ਼ਬਤ ਕੀਤੇ ਗਏ ਨਸ਼ੀਲੇ ਪਦਾਰਥ ਦੀ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਅਨੁਮਾਨਿਤ ਕੀਮਤ ਲਗਭਗ 23.936 ਕਰੋੜ ਦੱਸੀ ਜਾ ਰਹੀ ਹੈ | ਕਸਟਮ ਅਧਿਕਾਰੀਆਂ ਦੇ ਅਨੁਸਾਰ ਦੋਵੇਂ ਯਾਤਰੀ 22 ਫਰਵਰੀ 2026 ਨੂੰ ਥਾਈਲੈਂਡ ਦੇ ਕਰਾਬੀ ਤੋਂ ਦਿੱਲੀ ਦੇ ਟਰਮੀਨਲ-3 'ਤੇ ਪਹੁੰਚੇ ਸਨ | ਯਾਤਰੀਆਂ ਦੀ ਪ੍ਰੋਫਾਈਿਲੰਗ ਦੇ ਆਧਾਰ 'ਤੇ ਅਧਿਕਾਰੀਆਂ ਨੂੰ ਉਨ੍ਹਾਂ 'ਤੇ ਸ਼ੱਕ ਹੋਇਆ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਗਰੀਨ ਚੈਨਲ 'ਤੇ ਰੋਕਿਆ ਗਿਆ | ਉਨ੍ਹਾਂ ਦੇ ਸਾਮਾਨ ਦੀ ਐਕਸ-ਰੇ ਸਕ੍ਰੀਨਿੰਗ ਸਮੇਤ ਪੂਰੀ ਜਾਂਚ ਕੀਤੀ ਗਈ | ਤਲਾਸ਼ੀ ਦੌਰਾਨ ਅਧਿਕਾਰੀਆਂ ਨੇ ਦੋਵਾਂ ਟਰਾਲੀ ਬੈਗਾਂ ਤੋਂ ਕੁੱਲ 14 ਪੋਲੀਥੀਨ ਪੈਕਟ ਬਰਾਮਦ ਕੀਤੇ | ਬਰਾਮਦ ਨਸ਼ੀਲੇ ਪਦਾਰਥ ਦਾ ਕੁੱਲ ਸ਼ੁੱਧ ਵਜ਼ਨ 23.936 ਗ੍ਰਾਮ ਸੀ | ਮੁਢਲੀ ਜਾਂਚ ਅਤੇ ਡਾਇਗਨੌਸਟਿਕ ਟੈਸਟਿੰਗ ਤੋਂ ਬਰਾਮਦ ਪਦਾਰਥ ਗਾਂਜਾ/ਭੰਗ ਪ੍ਰਤੀਤ ਹੋਇਆ | ਇਸ ਤੋਂ ਬਾਅਦ ਕਸਟਮ ਵਿਭਾਗ ਦੇ ਅਧਿਕਾਰੀਆਂ ਨੇ ਦੋਵੇਂ ਯਾਤਰੀਆਂ ਨੂੰ ਨਾਰਕੋਟਿਕ ਡਰੱਗਜ਼ ਐਂਡ ਸਾਈਕੋਟ੍ਰੋਪਿਕ ਸਬਸਟੈਂਸ ਐਕਟ 1985 ਦੇ ਤਹਿਤ ਗਿ੍ਫ਼ਤਾਰ ਕਰ ਲਿਆ | ਅਧਿਕਾਰੀਆਂ ਨੇ ਜ਼ਬਤ ਨਸ਼ੀਲਾ ਪਦਾਰਥ ਅਤੇ ਪੈਕਿੰਗ ਸਮੱਗਰੀ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ |