14 ਹਰਿਆਣਾ ਬਟਾਲੀਅਨ ਐਨ. ਸੀ. ਸੀ. ਦਾ 10 ਰੋਜ਼ਾ ਸੰਯੁਕਤ ਸਾਲਾਨਾ ਸਿਖਲਾਈ ਕੈਂਪ ਸ਼ੁਰੂ
ਯਮੁਨਾਨਗਰ, 2 ਅਕਤੂਬਰ (ਗੁਰਦਿਆਲ ਸਿੰਘ ਨਿਮਰ)- 14 ਹਰਿਆਣਾ ਬਟਾਲੀਅਨ ਐਨ. ਸੀ.
ਯਮੁਨਾਨਗਰ, 2 ਅਕਤੂਬਰ (ਗੁਰਦਿਆਲ ਸਿੰਘ ਨਿਮਰ)- 14 ਹਰਿਆਣਾ ਬਟਾਲੀਅਨ ਐਨ. ਸੀ. ਸੀ. ਦਾ 10 ਰੋਜ਼ਾ ਸੰਯੁਕਤ ਸਾਲਾਨਾ ਸਿਖਲਾਈ ਕੈਂਪ ਅੱਜ ਕਪਾਲਮੋਚਨ ਵਿਆਸਪੁਰ ਨੇੜੇ ਸ਼ੁਰੂ ਹੋਇਆ। ਇਹ ਕੈਂਪ ਬ੍ਰਿਗੇਡੀਅਰ ਰੋਹਿਤ ਸਹਿਲ, ਵੀ. ਐਸ. ਐਮ. ਗਰੁੱਪ ਕਮਾਂਡਰ ਅੰਬਾਲਾ ਗਰੁੱਪ ਦੇ ਨਿਰਦੇਸ਼ਾਂ ਅਨੁਸਾਰ ਤੇ ਕਰਨਲ ਪੰਕਜ ਪਾਰੀਕ ਕਮਾਂਡਿੰਗ ਅਫਸਰ 14 ਹਰਿਆਣਾ ਬਟਾਲੀਅਨ ਐਨ. ਸੀ. ਸੀ. ਯਮੁਨਾਨਗਰ ਦੀ ਕਮਾਂਡ ਹੇਠ ਲਗਾਇਆ ਜਾ ਰਿਹਾ ਹੈ। ਕੈਂਪ ਦੇ ਪ੍ਰਸ਼ਾਸਨ ਦੀ ਜ਼ਿੰਮੇਵਾਰੀ ਲੈਫਟੀਨੈਂਟ ਕਰਨਲ ਕੁਮਿਦ ਮੈਣੀ ਪ੍ਰਸ਼ਾਸਨਿਕ ਅਧਿਕਾਰੀ ਨਿਭਾ ਰਹੇ ਹਨ ਜਦਕਿ ਸਿਖਲਾਈ ਸੂਬੇਦਾਰ ਮੇਜਰ ਜਸਵੰਤ ਸਿੰਘ ਅਤੇ ਉਨ੍ਹਾਂ ਦੀ ਪੀ. ਆਈ. ਸਟਾਫ ਦੀ ਟੀਮ ਦੀ ਨਿਗਰਾਨੀ ਹੇਠ ਦਿੱਤੀ ਜਾਵੇਗੀ। ਕਰਨਲ ਪੰਕਜ ਪਾਰੀਕ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਕੈਂਪ ਵਿਚ 12 ਵੱਖ-ਵੱਖ ਸਕੂਲਾਂ ਤੇ ਕਾਲਜਾਂ ਦੇ ਕੁੱਲ 450 ਐਨ. ਸੀ. ਸੀ. ਕੈਡਿਟ ਹਿੱਸਾ ਲੈ ਰਹੇ ਹਨ। ਕੈਂਪ ਵਿਚ ਕੈਡਿਟਾਂ ਦੇ ਨਾਲ 8 ਐਸੋਸੀਏਟ ਐਨ. ਸੀ. ਸੀ. ਅਫਸਰ ਅਤੇ ਕੇਅਰ ਟੇਕਰ ਅਫਸਰ ਵੀ ਮੌਜੂਦ ਹਨ, ਜਿਨ੍ਹਾਂ ਵਿਚ ਕੈਪਟਨ ਮਨਦੀਪ, ਲੈਫਟੀਨੈਂਟ (ਡਾ.) ਜੋਸ਼ਪ੍ਰੀਤ ਸਿੰਘ, ਕੈਪਟਨ ਨਿਰਮਲ ਸੈਣੀ, ਕੈਪਟਨ ਗੀਤੂ ਖੰਨਾ, ਫਸਟ ਅਫਸਰ ਅੰਜੂ ਗੰਭੀਰ ਤੇ ਸੀ.ਟੀ.ਓ. ਅਮਿਤ, ਤਰਨਦੀਪ ਕੌਰ ਤੇ ਅੰਜੂ ਬਾਲਾ ਸ਼ਾਮਿਲ ਹਨ। 10 ਰੋਜ਼ਾ ਕੈਂਪ ਦੌਰਾਨ ਕੈਡਿਟਾਂ ਨੂੰ ਡਰਿੱਲ, ਹਥਿਆਰ ਸਿਖਲਾਈ, ਨਕਸ਼ਾ ਪੜ੍ਹਨਾ, ਮੁੱਢਲੀ ਸਹਾਇਤਾ , ਆਫ਼ਤ ਪ੍ਰਬੰਧਨ, ਸ਼ਖ਼ਸੀਅਤ ਵਿਕਾਸ ਦੀ ਸਿਖਲਾਈ ਦਿੱਤੀ ਜਾਵੇਗੀ।
