ਸ਼ਾਹਕੋਟ, 2 ਜਨਵਰੀ (ਬਾਂਸਲ)- ਸ੍ਰੀ ਗੁਰੂ ਰਾਮਦਾਸ ਚੈਰੀਟੇਬਲ ਹਸਪਤਾਲ ਸ਼ਾਹਕੋਟ ਵਿਖੇ ਡਾ. ਤਰਨਵੀਰ ਸਿੰਘ ਦੀ ਟੀਮ ਵੱਲੋਂ ਜਸਵਿੰਦਰ ਕੌਰ ਪਤਨੀ ਗੁਰਮੇਜ ਸਿੰਘ ਵਾਸੀ ਪਿੰਡ ਬਾਊਪੁਰ (ਸ਼ਾਹਕੋਟ) ਦਾ ਸਫ਼ਲ ਅਪਰੇਸ਼ਨ ਕਰ ਕੇ 9 ਕਿੱਲੋਗ੍ਰਾਮ ਦੀ ਰਸੌਲੀ ਕੱਢੀ ਗਈ | ਇਸ ਮੌਕੇ ਡਾ. ਸਤਿੰਦਰ ਸਿੰਘ ਤੇ ਹਸਪਤਾਲ ਦੇ ਮੈਨੇਜਰ ਗਿੰਦਰ ਕੁਮਾਰ ਨੇ ਦੱਸਿਆ ਕਿ ਉਕਤ ਪੀੜਤ ਮਹਿਲਾ ਕੁੱਝ ਦਿਨ ਪਹਿਲਾਂ ਹਸਪਤਾਲ ਵਿਖੇ ਆਈ ਸੀ ਤੇ ਜਾਂਚ ਦੌਰਾਨ ਪਤਾ ਲੱਗਾ ਕਿ ਉਸ ਦੀ ਬੱਚੇਦਾਨੀ ਵਿਚ ਬਹੁਤ ਵੱਡੀ ਰਸੌਲੀ ਹੈ | ਉਨ੍ਹਾਂ ਕਿਹਾ ਕਿ ਸਫ਼ਲ ਆਪ੍ਰੇਸ਼ਨ ਕਰਕੇ ਕਰੀਬ 9 ਕਿੱਲੋ ਦੀ ਰਸੌਲੀ ਕੱਢੀ ਗਈ, ਹੁਣ ਜਸਵਿੰਦਰ ਕੌਰ ਬਿਲਕੁਲ ਤੰਦਰੁਸਤ ਹੈ |
