ਰਾਮਾ ਮੰਡੀ ਮਾਰਕੀਟ ਤੇ ਢਿੱਲਵਾਂ ਰੋਡ 'ਤੇ ਨਾਜ਼ਾਇਜ਼ ਕਬਜ਼ਿਆਂ ਕਾਰਨ ਰਾਹਗੀਰ ਪ੍ਰ੍ਰੇਸ਼ਾਨ
ਅਜੀਤ ਡੈਸਕ
24-01-2026
ਢਿਲਵਾਂ ਚੌਕ 'ਚ ਵੀ ਲਗਾਤਾਰ ਵਧ ਰਹੇ ਹਨ ਨਾਜਾਇਜ਼ ਕਬਜ਼ੇ
ਨਗਰ ਨਿਗਮ ਦੇ ਅਧੀਨ ਆਉਂਦੇ ਢਿਲਵਾਂ ਰੋਡ ਵਿਖੇ ਵੀ ਬੀਤੇ ਕੁਝ ਸਮੇਂ ਤੋਂ ਨਜਾਇਜ਼ ਉਸਾਰੀਆਂ ਹੋਣ ਕਾਰਨ ਤੇ ਲਗਾਤਾਰ ਬਣ ਰਹੀਆਂ ਦੁਕਾਨਾਂ ਕਾਰਨ ਹੁਣ ਢਿਲਵਾਂ ਰੋਡ 'ਤੇ ਵੀ ਕੁਝ ਦੁਕਾਨਦਾਰਾਂ ਤੇ ਨਜਾਇਜ਼ ਰੇਹੜੀਆਂ ਲਾਉਣ ਵਾਲਿਆਂ ਵੱਲੋਂ ਸ਼ਰੇਆਮ ਨਜਾਇਜ਼ ਕਬਜ਼ੇ ਕਰਨੇ ਸ਼ੁਰੂ ਕਰ ਦਿੱਤੇ ਗਏ ਹਨ ਹਨ | ਦੱਸਣਯੋਗ ਹੈ ਕੀ ਨਗਰ ਨਿਗਮ ਦੇ ਸੀਨੀਅਰ ਡਿਪਟੀ ਮੇਅਰ ਬਲਬੀਰ ਸਿੰਘ ਬਿੱਟੂ ਢਿੱਲੋਂ ਵੱਲੋਂ ਇਸ ਰੋਡ 'ਤੇ ਨਾਜਾਇਜ਼ ਕਬਜ਼ੇ ਕਰਨ ਵਾਲੇ ਲੋਕਾਂ ਖਿਲਾਫ ਨਗਰ ਨਿਗਮ ਨੂੰ ਕਹਿ ਕੇ ਕਾਰਵਾਈ ਕਰਵਾਈ ਗਈ ਸੀ ਪਰ ਕਾਰਵਾਈ ਤੋਂ ਕੁਝ ਦਿਨ ਬਾਅਦ ਹੀ ਕੁਝ ਕਬਜ਼ਾਧਾਰੀਆਂ ਵੱਲੋਂ ਮੁੜ ਆਪਣੀਆਂ ਨਾਜਾਇਜ਼ ਦੁਕਾਨਾਂ ਤੇ ਨਾਜਾਇਜ਼ ਰੇਹੜੀਆਂ ਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਸਨ, ਜਿਸ ਕਾਰਨ ਨਗਰ ਨਿਗਮ ਦੀ ਕਾਰਵਾਈ 'ਤੇ ਵੀ ਸਵਾਲੀਆ ਨਿਸ਼ਾਨ ਲੱਗਦੇ ਹੋਏ ਨਜ਼ਰ ਆ ਰਹੇ ਹਨ | ਇਹਨਾਂ ਨਾਜਾਇਜ਼ ਕਬਜ਼ਿਆਂ ਨੂੰ ਲੈ ਕੇ ਢਿਲਵਾਂ ਰੋਡ ਦੇ ਆਸ-ਪਾਸ ਰਹਿਣ ਵਾਲੇ ਖੇਤਰ ਵਾਸੀਆਂ ਵੱਲੋਂ ਵੀ ਕਈ ਵਾਰ ਵਿਰੋਧ ਜਤਾਇਆ ਜਾ ਚੁੱਕਾ ਹੈ ਪਰ ਨਗਰ ਨਿਗਮ ਦੀ ਟੀਮ ਦੀ ਢਿੱਲ ਕਾਰਨ ਇਹ ਨਜਾਇਜ਼ ਕਬਜ਼ੇ ਦਿਨੋਂ ਦਿਨ ਪੱਕੇ ਹੁੰਦੇ ਜਾ ਰਹੇ ਹਨ | ਹੁਣ ਦੇਖਣਾ ਇਹ ਹੈ ਕਿ ਨਗਰ ਨਿਗਮ ਦੀ ਇਹ ਟੀਮ ਇਹਨਾਂ ਨਾਜਾਇਜ਼ ਉਸਾਰੀਆਂ ਨੂੰ ਹਟਾਉਣ ਵਿੱਚ ਕੋਈ ਯੋਗਦਾਨ ਪਾਏਗੀ ਜਾਂ ਇਹ ਨਜਾਇਜ਼ ਕਬਜ਼ੇ ਇਸ ਤਰ੍ਹਾਂ ਹੀ ਵਧਦੇ ਰਹਿਣਗੇ |
