ਈਦਗਾਹ ਵਿਖੇ ਹਾਜੀ ਆਬਿਦ ਸਲਮਾਨੀ ਨੂੰ ਕੀਤਾ ਸਨਮਾਨਿਤ
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
22-02-2026
ਜਲੰਧਰ, 21 ਫਰਵਰੀ (ਹਰਵਿੰਦਰ ਸਿੰਘ ਫੁੱਲ)- ਆਲ ਇੰਡੀਆ ਜਮਾਤ ਸਲਮਾਨੀ ਟਰੱਸਟ ਪੰਜਾਬ ਦੇ ਪ੍ਰਧਾਨ ਹਾਜੀ ਆਬਿਦ ਹਸਨ ਸਲਮਾਨੀ ਨੂੰ ਗੁਲਾਬ ਦੇਵੀ ਰੋਡ 'ਤੇ ਸਥਿਤ ਈਦਗਾਹ ਮਸਜਿਦ ਵਿਖੇ ਮੁਸਲਿਮ ਆਰਗੇਨਾਈਜ਼ੇਸ਼ਨ ਪੰਜਾਬ ਵੱਲੋਂ ਸੰਸਥਾ ਦੇ ਮੁਖੀ ਐਡਵੋਕੇਟ ਨਈਮ ਖ਼ਾਨ ਵਲੋਂ ਕਰਵਾਏ ਗਏ ਇੱਕ ਵਿਸ਼ੇਸ਼ ਸਮਾਰੋਹ ਦੌਰਾਨ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਹਾਜੀ ਆਬਿਦ ਹਸਨ ਸਲਮਾਨੀ ਨੇ ਕਿਹਾ ਕਿ ਜਿਵੇਂ-ਜਿਵੇਂ ਚੋਣਾਂ ਨੇੜੇ ਆ ਰਹੀਆਂ ਹਨ, ਭਾਜਪਾ ਤੇ ਹੋਰ ਰਾਜਨੀਤਿਕ ਪਾਰਟੀਆਂ ਮੁਸਲਿਮ ਭਾਈਚਾਰੇ ਨੂੰ ਵੰਡਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ ਪਰ ਭਾਈਚਾਰੇ ਨੂੰ ਗੁਮਰਾਹ ਨਹੀਂ ਹੋਣਾ ਚਾਹੀਦਾ | ਉਨ੍ਹਾਂ ਕਿਹਾ ਕਿ ਸਾਡੀ ਏਕਤਾ ਸਾਡੀ ਅਸਲ ਪਛਾਣ ਹੈ ਅਤੇ ਅਸੀਂ ਇਸ ਨੂੰ ਕਿਸੇ ਵੀ ਕੀਮਤ 'ਤੇ ਟੁੱਟਣ ਨਹੀਂ ਦੇਵਾਂਗੇ | ਸਲਮਾਨੀ ਨੇ ਸੰਸਥਾ ਅਤੇ ਖ਼ਾਸ ਕਰ ਕੇ ਐਡਵੋਕੇਟ ਨਈਮ ਖ਼ਾਨ ਦੇ ਕੰਮ ਦੀ ਪ੍ਰਸ਼ੰਸਾ ਕੀਤੀ | ਇਸ ਮੌਕੇ ਸ਼ਕੀਲ ਖ਼ਾਨ, ਜੱਬਾਰ ਖ਼ਾਨ, ਇਮਾਮ ਅਬਦੁਲ ਸ਼ਬਹਾਨ, ਮੌਲਾਨਾ ਜ਼ਾਕਿਰ ਹੁਸੈਨ, ਅਰਮਾਨ ਸ਼ੇਖ਼, ਸਿਕੰਦਰ ਸ਼ੇਖ਼, ਸੰਸਥਾ ਦੇ ਚੇਅਰਮੈਨ ਸਈਦ ਅਲੀ, ਸਈਦ ਯਾਸੀਨ ਸਮੇਤ ਕਈ ਪਤਵੰਤੇ ਹਾਜ਼ਰ ਸਨ |
