74ਵੀਂ ਆਲ ਇੰਡੀਆ ਪੁਲਿਸ ਅਥਲੈਟਿਕਸ ਕਲੱਸਟਰ ਚੈਂਪੀਅਨਸ਼ਿਪ ਜਲੰਧਰ ਵਿਖੇ ਅੱਜ ਤੋਂ

ਜਲੰਧਰ, 7 ਮਾਰਚ (ਡਾ. ਜਤਿੰਦਰ ਸਾਬੀ)-74ਵਾਂ ਆਲ ਇੰਡੀਆ ਪੁਲਿਸ ਅਥਲੈਟਿਕਸ ਕਲੱਸਟਰ 2025-26 ਚੈਂਪੀਅਨਸ਼ਿਪ ਜੋ 7 ਤੋਂ 12 ਮਾਰਚ ਤੱਕ ਸਟੇਟ ਆਰਮਡ ਪੁਲਿਸ ਹੈੱਡਕੁਆਰਟਰ ਜਲੰਧਰ ਵਿਖੇ ਕਰਵਾਈ ਜਾ ਰਹੀ ਹੈ | ਇਹ ਜਾਣਕਾਰੀ ਦਿੰਦੇ ਹੋਏ ਇੰਦਰਬੀਰ ਸਿੰੰਘ ਆਈ. ਪੀ. ਐਸ. ਡੀ. ਆਈ. ਜੀ. ਪੁਲਿਸ ਪ੍ਰਸ਼ਾਸ਼ਨ ਤੇ ਪ੍ਰਬੰਧਕੀ ਸਕੱਤਰ ਵਲੋਂ ਦਿੰਦੇ ਹੋਏ ਦੱਸਿਆ ਕਿ ਇਸ ਖੇਡ ਮੇਲੇ 'ਚ ਅਥਲੈਟਿਕਸ ਤੇ ਸਾਈਕਲਿੰਗ ਦੇ ਮੁਕਾਬਲੇ ਵੀ ਕਰਵਾਏ ਜਾਣਗੇ | ਚੈਂਪੀਅਨਸ਼ਿਪ 29 ਵੱਖ-ਵੱਖ ਰਾਜਾਂ ਤੇ ਕੇਂਦਰੀ ਪੁਲਿਸ ਬਲਾਂ ਦੇ 1200 ਤੋਂ ਵੱਧ ਅਥਲੀਟ ਹਿੱਸਾ ਲੈ ਰਹੇ ਹਨ | ਅਥਲੈਟਿਕਸ ਦੇ ਮੁਕਾਬਲੇ ਸਪੋਰਟਸ ਕਾਲਜ ਜਲੰਧਰ ਦੇ ਸਿੰਥਟੈਕਿਸ ਟਰੈਕ ਵਿਖੇ ਕਰਵਾਏ ਜਾਣਗੇ ਤੇ ਇਸ ਤੋਂ ਇਲਾਵਾ ਸਾਈਕਲਿੰਗ ਤੇ 20 ਕਿੱਲੋਮੀਟਰ ਪੈਦਲ ਚਾਲ ਤੇ 42 ਕਿੱਲੋਮੀਟਰ ਮੈਰਾਥਨ ਦੇ ਮੁਕਾਬਲੇ ਵੀ ਕਰਵਾਏ ਜਾਣਗੇ | ਇਸ ਮੌਕੇ ਗੁਰਜਤਿੰਦਰ ਸਿੰਘ ਔਲਖ ਕਮਾਂਡੈਟ ਕਮ ਸਪੋਰਟਸ ਸਕੱਤਰ ਸਪੋਰਟਸ, ਮਨਦੀਪ ਸਿੰਘ ਕਮਾਂਡੈਟ, ਦੇਵੀ ਲਾਲ ਅਬਜਰਬਰ ਭਾਰਤੀ ਪੁਲਿਸ ਕੰਟਰੋਲ ਬੋਰਡ. ਦਵਿੰਦਰ ਸਿੰਘ ਡੀ. ਐਸ. ਪੀ., ਮੁਨੀਸ਼ ਕੁਮਾਰ ਡੀ. ਐਸ. ਪੀ., ਗੁਰਕ੍ਰਿਪਾਲ ਸਿੰਘ ਡੀ. ਐਸ. ਪੀ. ਸਪੋਰਟਸ, ਦਵਿੰਦਰ ਯਾਦਵ ਡੀ. ਐਸ. ਪੀ. ਸਪੋਰਟਸ ਹਾਜ਼ਰ ਸਨ |