ਮਕਸੂਦਾਂ 24 ਅਪ੍ਰੈਲ (ਸÏਰਵ ਮਹਿਤਾ)-ਜਲੰਧਰ ਸ਼ਹਿਰ ਦੀਆਂ ਮੁੱਖ ਸੜਕਾਂ 'ਤੇ ਕਾਨੂੰਨ ਵਿਵਸਥਾ ਦੀ ਹਾਲਤ 'ਤੇ ਇਕ ਵਾਰ ਫਿਰ ਸਵਾਲ ਖੜੇ੍ਹ ਹੋ ਗਏ | ਅੱਜ ਪਠਾਨਕੋਟ ਚੌਕ ਤੇ ਦੁਆਬਾ ਚੌਕ ਨੇੜੇ ਖਿੱਚੀਆਂ ਗਈਆਂ ਤਸਵੀਰਾਂ ਇਕ ਚਿੰਤਾਜਨਕ ਸੱਚਾਈ ਨੂੰ ਬੇਨਕਾਬ ਕਰਦੀਆਂ ਹਨ-ਸੜਕਾਂ 'ਤੇ ਬਿਨਾਂ ਨੰਬਰ ਪਲੇਟਾਂ ਵਾਲੀਆਂ ਟਰੈਕਟਰ-ਟਰਾਲੀਆਂ ਧੜੱਲੇ ਨਾਲ ਦÏੜ ਰਹੀਆਂ ਹਨ | ਇਹ ਕੋਈ ਇਕ-ਅੱਧ ਘਟਨਾ ਨਹੀਂ, ਸਗੋਂ ਪੂਰੇ ਸ਼ਹਿਰ ਵਿਚ ਆਮ ਦਿ੍ਸ਼ ਬਣ ਚੁੱਕਾ ਹੈ | ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਨ੍ਹਾਂ ਵਾਹਨਾਂ 'ਤੇ ਨਾ ਕੋਈ ਨੰਬਰ ਪਲੇਟ ਹੈ ਅਤੇ ਨਾ ਹੀ ਕੋਈ ਹੋਰ ਪਛਾਣ | ਇਸ ਨਾਲ ਵੱਡੇ ਹਾਦਸਿਆਂ ਦੀ ਸੂਰਤ ਵਿਚ ਦੋਸ਼ੀਆਂ ਨੂੰ ਪਛਾਣਨਾ ਮੁਸ਼ਕਿਲ ਹੋ ਜਾਂਦਾ ਹੈ | ਸਵਾਲ ਇਹ ਵੀ ਉੱਠਦਾ ਹੈ ਕਿ ਜਦੋਂ ਪ੍ਰਸ਼ਾਸਨ ਵਲੋਂ 'ਸਪੈਸ਼ਲ ਨਾਕਾਬੰਦੀ' ਦੇ ਦਾਅਵੇ ਕੀਤੇ ਜਾਂਦੇ ਹਨ, ਤਾਂ ਫਿਰ ਇਹ ਟਰਾਲੀਆਂ ਬਿਨਾਂ ਕਿਸੇ ਡਰ ਦੇ ਕਿਵੇਂ ਸ਼ਹਿਰ ਵਿਚ ਆਜ਼ਾਦੀ ਨਾਲ ਘੁੰਮ ਰਹੀਆਂ ਹਨ? ਸੜਕਾਂ 'ਤੇ ਚੱਲ ਰਹੀਆਂ ਇਨ੍ਹਾਂ ਟਰਾਲੀਆਂ ਨੂੰ ਵੱਡੀ ਗਿਣਤੀ ਵਿਚ ਪ੍ਰਵਾਸੀ ਡਰਾਈਵਰ ਚਲਾ ਰਹੇ ਹਨ | ਦਾਅਵਾ ਇਹ ਹੈ ਕਿ ਇਨ੍ਹਾਂ ਵਿਚੋਂ ਬਹੁਤ ਸਾਰੇ ਡਰਾਈਵਰਾਂ ਕੋਲ ਵੈਧ ਡਰਾਈਵਿੰਗ ਲਾਈਸੈਂਸ ਵੀ ਨਹੀਂ | ਇਸ ਦੇ ਬਾਵਜੂਦ, ਉਹ ਨਾ ਸਿਰਫ ਵਾਹਨ ਚਲਾ ਰਹੇ ਹਨ, ਸਗੋਂ ਕਈ ਵਾਰ ਓਵਰਲੋਡਿੰਗ ਤੇ ਤੇਜ਼ ਰਫਤਾਰ ਨਾਲ ਸੜਕਾਂ 'ਤੇ ਖ਼ਤਰਾ ਬਣ ਰਹੇ ਹਨ | ਸਭ ਤੋਂ ਚਿੰਤਾਜਨਕ ਪੱਖ ਇਹ ਹੈ ਕਿ ਇਹ ਸਾਰੀ ਉਲੰਘਣਾ ਅਕਸਰ ਪੁਲਿਸ ਦੀ ਮÏਜੂਦਗੀ ਵਿਚ ਹੀ ਹੁੰਦੀ ਦਿਖਾਈ ਦਿੰਦੀ ਹੈ | ਚਾਹੇ ਟ੍ਰੈਫਿਕ ਪੁਲਿਸ ਹੋਵੇ ਜਾਂ ਹੋਰ ਪੁਲਿਸ ਕਰਮਚਾਰੀ-ਇਨ੍ਹਾਂ ਵਾਹਨਾਂ ਨੂੰ ਰੋਕਣ ਜਾਂ ਕਾਰਵਾਈ ਕਰਨ ਦੀ ਘਾਟ ਸਪੱਸ਼ਟ ਤÏਰ 'ਤੇ ਨਜ਼ਰ ਆਉਂਦੀ ਹੈ |
