ਜਲੰਧਰ

ਡੇਰਾ ਬਾਬਾ ਮੁਰਾਦ ਸ਼ਾਹ ਵਿਖੇ ਸਾੲੀਂ ਗੁਲਾਮ ਸ਼ਾਹ ਦਾ 18ਵਾਂ ਉਰਸ ਮੇਲਾ ਸ਼ਰਧਾਪੂਰਵਕ ਸੰਪੰਨ <br/>

ਅ

ਅਜੀਤ ਡੈਸਕ 03-05-2026

ਨਕੋਦਰ, 2 ਮਈ (ਤਿਲਕ ਰਾਜ ਸ਼ਰਮਾ, ਗੁਰਵਿੰਦਰ ਸਿੰਘ)-ਡੇਰਾ ਬਾਬਾ ਮੁਰਾਦ ਸ਼ਾਹ ਦਰਬਾਰ ਨਕੋਦਰ ਵਿਖੇ ਸਾੲੀਂ ਗੁਲਾਮ ਸ਼ਾਹ ਦਾ ਦੋ ਦਿਨਾਂ 18ਵਾਂ ਉਰਸ ਮੇਲਾ ਸ਼ਰਧਾ ਪੂਰਵਕ ਸੰਪੰਨ ਹੋ ਗਿਆ | ਮੇਲੇ ਦੇ ਪਹਿਲੇ ਦਿਨ ਝੰਡੇ ਦੀ ਰਸਮ ਟਰੱਸਟ ਦੇ ਚੇਅਰਮੈਨ ਗੁਰਦਾਸ ਮਾਨ ਵਲੋਂ ਅਦਾ ਕੀਤੀ ਗਈ | ਰਾਤ ਕੱਵਾਲੀ ਦੀ ਮਹਿਫਿਲ ਦੌਰਾਨ ਕਰਾਮਤ ਅਲੀ ਮਾਲੇਰਕੋਟਲਾ ਨੇ ਸ਼ੁਰੂਆਤ ਕੀਤੀ | ਪਹਿਲੇ ਦਿਨ ਕਵਾਲੀ ਦੀ ਮਹਿਫਿਲ ਦੌਰਾਨ ਕਰਾਮਤ ਅਲੀ ਮਲੇਰਕੋਟਲਾ ਵਾਲੇ, ਬੰਟੀ ਕੱਵਾਲ, ਸਰਦਾਰ ਅਲੀ, ਗੁਲਜ਼ਾਰ ਸਾਬਰੀ ਤੇ ਸਲਾਮਤ ਅਲੀ ਨੇ ਆਪਣੀਆਂ ਕੱਵਾਲੀਆਂ ਨਾਲ ਸੰਗਤਾਂ ਨੂੰ ਮੰਤਰਮੁਗਧ ਕੀਤਾ | ਦੂਸਰੇ ਦਿਨ ਸਟੇਜ ਪ੍ਰੋਗਰਾਮ ਦੌਰਾਨ ਰਿਆਜ਼ ਅਲੀ, ਲਵਿਸ਼ ਚੌਹਾਨ, ਕਨਵਰ ਗਰੇਵਾਲ ਤੇ ਮਾਸਟਰ ਸਲੀਮ ਨੇ ਹਾਜ਼ਰੀ ਲਵਾਈ | ਇਸ ਉਪਰੰਤ ਟਰੱਸਟ ਦੇ ਚੇਅਰਮੈਨ ਅਤੇ ਵਿਸ਼ਵ ਪ੍ਰਸਿੱਧ ਗਾਇਕ ਗੁਰਦਾਸ ਮਾਨ ਨੇ ਸਟੇਜ ਦੀ ਸ਼ੁਰੂਆਤ ਗਣੇਸ਼ ਬੰਦਨਾ ਦੇ ਨਾਲ ਕੀਤੀ | ਉਪਰੰਤ ਲੱਗੀਆਂ ਨੇ ਮੌਜਾਂ ਲਗਾਈ ਰੱਖੀ ਸੋਹਣਿਆਂ, ਜੁਗ-ਜੁਗ ਜੀਣ ਸਰੋਤੇ ਮਾਂ ਬੋਲੀ ਪੰਜਾਬੀ ਦੇ, ਕਮਾਲ ਹੋ ਗਿਆ ਸਾੲੀਂ ਜੀ ਬੈਠੇ ਨਾਲ ਤੋਂ ਇਲਾਵਾ ਛੱਲਾ ਸਮੇਤ ਆਪਣੇ ਗੀਤਾਂ ਨਾਲ ਹਜ਼ਾਰਾਂ ਸਰੋਤਿਆਂ ਨੂੰ ਝੂੰਮਣ ਲਾ ਦਿੱਤਾ | ਮੇਲੇ ਦੌਰਾਨ ਸੰਗਤਾਂ ਲਈ ਟਰੱਸਟ ਅਤੇ ਲੋਕਾਂ ਵਲੋਂ ਥਾਂ-ਥਾਂ 'ਤੇ ਲੰਗਰ ਤੇ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ | ਟ੍ਰੈਫਿਕ ਨੂੰ ਕੰਟਰੋਲ ਅਤੇ ਪਾਰਕਿੰਗ ਲਈ ਜਲੰਧਰ ਦਿਹਾਤੀ ਪੁਲਿਸ ਨੇ ਪੁਖਤਾ ਪ੍ਰਬੰਧ ਕੀਤੇ ਸਨ | ਦੋ ਦਿਨ ਹਜ਼ਾਰਾਂ ਸੰਗਤਾਂ ਨੇ ਡੇਰਾ ਬਾਬਾ ਮੁਰਾਦ ਸ਼ਾਹ ਵਿਖੇ ਮੰਨਤਾਂ ਮੰਗੀਆਂ |

ਪਿਛਲੀ ਖ਼ਬਰ ਪੰਚਾਇਤ ਅਫ਼ਸਰ ਭੁਪਿੰਦਰ ਸਿੰਘ ਨੂੰ ਸੇਵਾ ਮੁਕਤੀ 'ਤੇ ਦਿੱਤੀ ਨਿੱਘੀ ਵਿਦਾਇਗੀ ਅਗਲੀ ਖ਼ਬਰ ਗੁਰੂ ਨਾਨਕ ਮੋਦੀਖਾਨਾ ਟਰੱਸਟ ਵਲੋਂ 'ਲੋਹੀਆਂ 'ਚ 'ਲੈਬੋਰਟਰੀ ਤੇ ਲਾਇਬ੍ਰੇਰੀ' ਦਾ ਉਦਘਾਟਨ

ਡੇਰਾ ਬਾਬਾ ਮੁਰਾਦ ਸ਼ਾਹ ਵਿਖੇ ਸਾੲੀਂ ਗੁਲਾਮ ਸ਼ਾਹ ਦਾ 18ਵਾਂ ਉਰਸ ਮੇਲਾ ਸ਼ਰਧਾਪੂਰਵਕ ਸੰਪੰਨ <br/>

ਸੰਬੰਧਿਤ ਖ਼ਬਰਾਂ