ਕਰਤਾਰਪੁਰ, 5 ਜੂਨ (ਜਨਕ ਰਾਜ ਗਿੱਲ)-ਸੂਬੇ ਅੰਦਰ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਵਰਕਰ ਜ਼ੋਬਨਪ੍ਰੀਤ ਸਿੰਘ ਮਾਮਲੇ 'ਚ ਮਾਣਯੋਗ ਅਦਾਲਤ ਦਾ ਇਤਿਹਾਸਕ ਫੈਸਲਾ ਜਿੱਥੇ ਲੋਕਤੰਤਰ ਦੀ ਵੱਡੀ ਜਿੱਤ ਹੈ ਉਥੇ ਆਮ ਆਦਮੀ ਪਾਰਟੀ ਦੀ ਸੂਬੇ ਪ੍ਰਤੀ ਬਦਲਾਖੋਰੀ ਨੀਤੀ ਅਤੇ ਲੋਕਾਂ ਪ੍ਰਤੀ ਮਾਨਸਿਕਤਾ ਦੀ ਤਸਵੀਰ ਵੀ ਸਾਫ ਕਰ ਦਿੱਤਾ ਹੈ | ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਹਲਕਾ ਕਰਤਾਰਪੁਰ ਤੋਂ ਸਰਗਰਮ ਅਕਾਲੀ ਦਲ ਬਾਦਲ ਦੇ ਆਗੂ ਜਥੇ:ਭਜਨ ਸਿੰਘ ਬੁੱਟਰ ਅਤੇ ਸਤਨਾਮ ਸਿੰਘ ਸੱਤੀ ਵਲੋਂ ਕੀਤਾ ਗਿਆ | ਇਸ ਮੌਕੇ 'ਤੇ ਅਕਾਲੀ ਆਗੂਆਂ ਇਹ ਵੀ ਆਖਿਆ ਕਿ 'ਜ਼ਿਲ੍ਹਾ ਅੰਮਿ੍ਤਸਰ ਵਿਖੇ ਮਜੀਠਾ 'ਚ ਬੀਤੀਆਂ ਨਗਰ ਕੌਂਸਲ ਅਤੇ ਨਗਰ ਪੰਚਾਇਤਾਂ 'ਚ ਪਾਰਟੀ ਦੇ ਸ਼ਾਨਦਾਰ ਚੁਣਾਵੀ ਪ੍ਰਦਰਸ਼ਨ ਤੋਂ ਬੌਖਲਾਈ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਸੂਬੇ ਅੰਦਰ ਸਾਮ ਦਾਮ ਦੰਡ ਵਾਲੀ ਨੀਤੀ 'ਤੇ ਕੰਮ ਕੀਤਾ, ਜਿਸ ਨੂੰ ਜਨਤਾ ਨੇ ਨਾਕਾਰਿਆ ਹੈ | ਅਕਾਲੀ ਦਲ ਦੇ ਨਿਧੜਕ ਆਗੂ ਬਿਕਰਮ ਮਜੀਠੀਆ ਵਲੋਂ ਦੇਸ਼ ਦੇ ਕਾਨੂੰਨ ਤੇ ਪੱਕਾ ਵਿਸ਼ਵਾਸ ਹੋਣ ਕਾਰਨ ਆਪ ਸਰਕਾਰ ਅਥੇ ਪੁਲਿਸ ਪ੍ਰਸ਼ਾਸਨ ਖਿਲ਼ਾਫ ਕਾਨੰਨੀ ਲੜਾਈ ਲੜੀ ਤੇ ਸੱਚਾਈ ਦੀ ਹੀ ਜਿੱਤ ਹੋਈ ਹੈ | ਅਕਾਲੀ ਦਲ ਬਾਦਲ ਦੇ ਵਰਕਰਾਂ ਸਮਾਜ ਦੇ ਹਰੇਕ ਮੁੱਦੇ ਨੂੰ ਪੂਰੇ ਤਥਾਂ ਦੇ ਨਾਲ ਹਮੇਸ਼ਾ ਉਜਾਗਰ ਕਰਦੇ ਰਹਿਣਗੇ ਅਤੇ ਸਮੁੱਚਾ ਅਕਾਲੀ ਦਲ ਲੀਡਰਸ਼ਿਪ ਬਿਕਰਮ ਮਜੀਠੀਏ ਦੇ ਨਾਲ ਚੱਟਾਨ ਵਾਂਗ ਖੜ੍ਹਾ ਹੈ |
