ਵਾਪਸ ਆਈ ਸ਼ਹਿਰ ਦੀ 'ਧੜਕਣ'-16 ਤੋਂ ਮੁੜ ਸੁਣਾਈ ਦੇਵੇਗੀ 'ਕਲਾਕ ਟਾਵਰ' ਦੀ ਟਿਕ-ਟਿਕ
ਅਜੀਤ ਡੈਸਕ
14-06-2026
ਜਲੰਧਰ, 13 ਜੂਨ (ਜਸਪਾਲ ਸਿੰਘ)-ਪੰਜਾਬ ਪ੍ਰੈੱਸ ਕਲੱਬ ਵਿਖੇ ਸਥਿਤ ਸ਼ਹਿਰ ਦੀ ਧੜਕਣ ਤੇ ਵਿਲੱਖਣ ਪਛਾਣ 'ਕਲਾਕ ਟਾਵਰ' 34 ਸਾਲ ਬਾਅਦ ਫਿਰ ਸ਼ਹਿਰ ਵਾਸੀਆਂ ਨੂੰ ਸਹੀ ਸਮਾਂ ਦੱਸਣ ਜਾ ਰਿਹਾ ਹੈ ਤੇ 16 ਜੂਨ ਦਿਨ ਮੰਗਲਵਾਰ ਤੋਂ ਇਸ ਦੀ ਟਿਕ-ਟਿਕ ਫਿਰ ਸੁਣਾਈ ਦੇਣ ਲੱਗੇਗੀ | ਸੀਟੀ ਗਰੁੱਪ ਅਤੇ ਪੰਜਾਬ ਪ੍ਰੈੱਸ ਕਲੱਬ ਦੇ ਸਾਂਝੇ ਯਤਨਾਂ ਨਾਲ ਇਸ ਕਲਾਕ ਟਾਵਰ (ਘੜੀ ਮਿਨਾਰ) ਦੀ ਮੁਰੰਮਤ ਕਰਕੇ 16 ਜੂਨ ਨੂੰ ਇਸ ਦਾ ਰਸਮੀ ਉਦਘਾਟਨ ਕੀਤਾ ਜਾ ਰਿਹਾ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਪੰਜਾਬ ਪ੍ਰੈੱਸ ਕਲੱਬ ਜਲੰਧਰ ਦੇ ਪ੍ਰਧਾਨ ਸ. ਜਸਪ੍ਰੀਤ ਸਿੰਘ ਸੈਣੀ ਨੇ ਦੱਸਿਆ ਕਿ ਕੰਪਨੀ ਬਾਗ ਦੀ ਇਹ ਘੜੀ ਮਿਨਾਰ (ਕਲਾਕ ਟਾਵਰ) ਕਦੇ ਜਲੰਧਰ ਦੀ ਸੱਭਿਆਚਾਰਕ ਪਛਾਣ ਦਾ ਅਹਿਮ ਹਿੱਸਾ ਰਹੀ ਹੈ ਤੇ ਡਿਜ਼ੀਟਲ ਯੁੱਗ ਤੋਂ ਪਹਿਲਾਂ ਲੋਕ ਸਮਾਂ ਜਾਣਨ ਲਈ ਇਸ ਮਿਨਾਰ 'ਤੇ ਨਿਰਭਰ ਰਹਿੰਦੇ ਸਨ ¢ ਇਹ ਸਿਰਫ ਸਮੇਂ ਦੀ ਜਾਣਕਾਰੀ ਨਹੀਂ ਦਿੰਦੀ ਸੀ, ਸਗੋਂ ਸ਼ਹਿਰ ਦੀ ਪਛਾਣ ਦਾ ਪ੍ਰਤੀਕ ਵੀ ਸੀ ¢ ਇਸ ਮਿਨਾਰ ਦੀ ਨੀਂਹ 10 ਫ਼ਰਵਰੀ 1982 ਨੂੰ ਨਗਰ ਨਿਗਮ ਦੇ ਤਤਕਾਲੀ ਕਮਿਸ਼ਨਰ ਚÏਧਰੀ ਵੱਲੋਂ ਰੱਖੀ ਗਈ ਸੀ ਪਰ 1992 ਵਿੱਚ ਇਸ ਦੇ ਬੰਦ ਹੋਣ ਤੋਂ ਬਾਅਦ ਇਹ ਢਾਂਚਾ ਕਈ ਸਾਲਾਂ ਤੱਕ ਖਾਮੋਸ਼ ਖੜ੍ਹਾ ਰਿਹਾ ਅਤੇ ਸ਼ਹਿਰ ਦੇ ਇਤਿਹਾਸ ਦੀ ਯਾਦ ਦਿਵਾਉਂਦਾ ਰਿਹਾ ¢ ਸਾਲ 2005 ਵਿੱਚ ਇਸ ਦੇ ਨੇੜੇ ਪੰਜਾਬ ਪ੍ਰੈੱਸ ਕਲੱਬ ਦੀ ਸਥਾਪਨਾ ਹੋਈ, ਜਿਸ ਨਾਲ ਇਹ ਥਾਂ ਪੱਤਰਕਾਰਾਂ ਲਈ ਇੱਕ ਮਹੱਤਵਪੂਰਨ ਕੇਂਦਰ ਬਣ ਗਈ ¢ ਪ੍ਰੈੱਸ ਕਲੱਬ ਦੇ ਮੈਂਬਰਾਂ ਨੇ ਹਮੇਸ਼ਾਂ ਇਸ ਵਿਰਾਸਤੀ ਨਿਸ਼ਾਨੀ ਨੂੰ ਮੁੜ ਚਲਾਉਣ ਦੀ ਇੱਛਾ ਜਤਾਈ ਤੇ ਪੰਜਾਬ ਪ੍ਰੈੱਸ ਕਲੱਬ ਨੇ ਸੀਟੀ ਗਰੁੱਪ ਦੇ ਸਹਿਯੋਗ ਨਾਲ ਘੜੀ ਮਿਨਾਰ ਅਤੇ ਇਸ ਦੀ ਘੜੀ ਪ੍ਰਣਾਲੀ ਦੀ ਮੁਰੰਮਤ ਦੀ ਸ਼ੁਰੂਆਤ ਕੀਤੀ ¢ ਇਹ ਪਹਿਲ ਸੀਟੀ ਯੂਨੀਵਰਸਿਟੀ ਦੇ ਚਾਂਸਲਰ ਚਰਨਜੀਤ ਸਿੰਘ ਚੰਨੀ ਦੀ ਸੋਚ ਦਾ ਨਤੀਜਾ ਹੈ, ਜੋ ਮੰਨਦੇ ਹਨ ਕਿ ਵਿਰਾਸਤ ਦੀ ਸੰਭਾਲ ਸ਼ਹਿਰ ਦੀ ਪਛਾਣ ਨੂੰ ਬਣਾਈ ਰੱਖਣ ਲਈ ਬਹੁਤ ਜ਼ਰੂਰੀ ਹੈ ¢ ਇਸ ਸੰਬੰਧੀ ਸੀ. ਟੀ. ਗਰੁੱਪ ਦੇ ਬੁਲਾਰੇ ਨੇ ਕਿਹਾ ਕਿ ਇਸ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਵਿੱਚ ਪੰਜਾਬ ਪ੍ਰੈੱਸ ਕਲੱਬ ਦੇ ਪ੍ਰਧਾਨ ਜਸਪ੍ਰੀਤ ਸਿੰਘ ਸੈਣੀ ਅਤੇ ਜਨਰਲ ਮੈਨੇਜਰ ਜਤਿੰਦਰ ਸਿੰਘ ਦਾ ਵੀ ਵਿਸ਼ੇਸ਼ ਯੋਗਦਾਨ ਰਿਹਾ¢ ਇਹ ਪਹਿਲ ਸਿਰਫ ਇੱਕ ਇਮਾਰਤ ਦੀ ਮੁਰੰਮਤ ਨਹੀਂ, ਸਗੋਂ ਵਿਰਾਸਤ, ਸੱਭਿਆਚਾਰ ਅਤੇ ਸਾਂਝੀਆਂ ਯਾਦਾਂ ਨੂੰ ਸੰਭਾਲਣ ਦਾ ਪ੍ਰਤੀਕ ਹੈ¢ 16 ਜੂਨ ਨੂੰ ਹੋਣ ਵਾਲਾ ਉਦਘਾਟਨ ਇਸ ਇਤਿਹਾਸਕ ਨਿਸ਼ਾਨੀ ਲਈ ਨਵੇਂ ਅਧਿਆਇ ਦੀ ਸ਼ੁਰੂਆਤ ਕਰੇਗਾ ¢
