-ਮਾਮਲਾ ਮੀਓਵਾਲ ਦੇ ਨੌਜਵਾਨ ਦੀ ਟਿੱਪਰ ਨਾਲ ਹੋਈ ਮੌਤ ਦਾ- ਹਲਕਾ ਫਿਲੌਰ ਤੇ ਨਕੋਦਰ ’ਚ ਰੇਤ ਦੇ ਓਵਰਲੋਡ ਟਿੱਪਰ ਮੌਤ ਦਾ ਬਣ ਰਹੇ ਹਨ ਖੌਅ
ਅਜੀਤ ਡੈਸਕ
16-06-2026
ਨੌਜਵਾਨ ਗੱਭਰੂ ਦੀ ਮੌਤ ਨੇ ਇਲਾਕੇ ਦੇ ਲੋਕਾਂ ਵਿੱਚ ਪੈਦਾ ਕੀਤਾ ਰੋਸ
ਜ਼ਿਕਰਯੋਗ ਹੈ ਕਿ ਪਿੰਡ ਮੀਓਵਾਲ ਦੇ ਗੱਭਰੂ ਕਮਲਜੀਤ ਸਿੰਘ ਪੁੱਤਰ ਅਮਰੀਕ ਸਿੰਘ ਦੀ ਟਿੱਪਰ ਦੀ ਟੱਕਰ ਨਾਲ ਹੋਈ ਮੌਤ ਮਗਰੋਂ ਇਲਾਕੇ ਦੇ ਲੋਕਾਂ ਵਿੱਚ ਰੋਸ ਦੀ ਲਹਿਰ ਉੱਠ ਖੜ੍ਹੀ ਹੋਈ। ਲੋਕਾਂ ਨੇ ਗੁੱਸੇ ਵਿੱਚ ਆਣ ਸੰਸਕਾਰ ਨਾ ਕਾਰਨ ਦੀ ਸੂਰਤ ਵਿੱਚ ਫਿਲੌਰ ਤੋਂ ਤਲਵਣ ਵੱਲ ਜਾਣ ਵਾਲੀ ਸੜਕ ਤੇ ਧਰਨਾ ਲਾ ਦਿੱਤਾ ਅਤੇ ਰੇਤ ਦੀਆਂ ਖੱਡਾ ਵਿੱਚੋ ਮੌਤ ਬਣ ਸੜਕਾ ਤੇ ਦੌੜਦੇ ਓਵਰਲੋਡ ਟਿੱਪਰਾ ਖਿਲਾਫ ਜੰਗ ਛੇੜ ਦਿੱਤੀ। ਪਰਿਵਾਰ ਦੀ ਹਮਦਰਦੀ ਵਿੱਚ ਸਾਰਾ ਇਲਾਕੇ ਸਮੇਤ ਮੋਹਤਬਰ ਅਤੇ ਕਈ ਜਥੇਬਦੀਆਂ ਦੇ ਆਗੂ ਵੀ ਧਰਨੇ ‘ਚ ਪੁੱਜੇ, ਜਿਹਨਾਂ ਦਸਿਆ ਕੀ ਮ੍ਰਿਤਕ ਕਮਲਜੀਤ ਸਿੰਘ ਆਪਣੇ ਪਿੱਛੇ ਮਾਤਾ ਪਿਤਾ ਭਰਾਂ ਅਤੇ ਆਪਣੀ ਨਵ ਵਿਆਹੁਤਾ ਪਤਨੀ ਨੂੰ ਕੁਰਲਾਉਂਦਾ ਛੱਡ ਗਿਆ ਹੈ ਜਿਹਨਾਂ ਦੀ ਹਾਲਤ ਦੇਖੀ ਨਹੀ ਜਾਂਦੀ ਤੇ ਪਤਨੀ ਦੀ ਸਿਹਤ ਜਿਆਦਾ ਵਿਗੜਨ ਕਾਰਨ ਉਸ ਨੂੰ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ।ਆਗਅੂਾਂ ਨੇ ਦਸਿਆ ਕੀ ਉਹ ਪਰਿਵਾਰ ਨੂੰ ਇਨਸਾਫ ਦਿਵਾਉਣ ਤੱਕ ਇਹ ਜੰਗ ਜਾਰੀ ਰੱਖਣਗੇ।
ਡੀ.ਐੱਸ.ਪੀ. ਫਿਲੌਰ ਦਾ ਕੀ ਕਹਿਣਾ
ਉਕਤ ਮਾਮਲੇ ‘ਚ ਡੀਐੱਸਪੀ ਫਿਲੌਰ ਭਰਤ ਮਸੀਹ ਨੇ ਦਸਿਆ ਕੀ ਹਾਦਸੇ ਸਬੰਧੀ ਮੁਕੱਦਮਾ ਦਰਜ ਕਰਕੇ ਟਿੱਪਰ ਅਤੇ ਡਰਾਈਵਰ ਨੂੰ ਕਾਬੂ ਕਰ ਲਿਆ ਗਿਆ ਹੈ ਅਤੇ ਪਰਿਵਾਰ ਨੂੰ ਭਰੌਸਾ ਦਿੱਤਾ ਕੀ ਉਨਾਂ ਨੂੰ ਇਨਸਾਫ ਦੁਵਾਇਆ ਜਾਵੇਗਾ।ਜਦ ਕੀ ਮੰਗਾ ਸਬੰਧੀ ਪੰਜ ਦਿਨ ਦਾ ਸਮਾਂ ਲਿਆ ਹੈ ਅਤੇ ਜਲਦ ਹੀ ਐਸ ਡੀ ਐਮ ਫਿਲੌਰ ਅਤੇ ਹੋਰ ਉੱਚ ਅਧਿਕਾਰੀਆਂ ਨਾਲ ਮੀਟਿੰਗ ਕਰਕੇ ਪਰਿਵਾਰ ਦੀ ਮਦਦ ਲਈ ਯਤਨ ਕੀਤੇ ਜਾਣਗੇ।ਡੀਐਸਪੀ ਨੇ ਦਸਿਆ ਕੀ ਉਨਾਂ ਦੀ ਪੀੜਤ ਪਰਿਵਾਰ ਨਾਲ ਪੂਰੀ ਹਮਦਰਦੀ ਹੈ ਕਿਸੇ ਕਿਸਮ ਦੀ ਅਣਗਹਿਲੀ ਨਹੀ ਵਰਤੀ ਜਾਵੇਗੀ ਅਤੇ ਡੀਐਸਪੀ ਦੇ ਭਰੌਸੇ ਮਗਰੋਂ ਧਰਨਾ ਸਮਾਪਤ ਕਰ ਦਿੱਤਾ ਗਿਆ।
ਕੀ ਫੈਲ ਹੋ ਚੁੱਕਾ ਸਰਕਾਰ ਦਾ ਖੂਫੀਆ ਤੰਤਰ ?
ਲੰਬੇ ਸਮੇਂ ਤੋਂ ਸੜਕਾਂ ਉੱਤੇ ਦੌੜ ਰਹੇ ਓਵਰਲੋਡ ਟਿੱਪਰਾਂ ਅਤੇ ਰੇਤ ਦੇ ਕਥਿਤ ਗੈਰ-ਕਾਨੂੰਨੀ ਧੰਦੇ ਬਾਰੇ ਜੇਕਰ ਸਰਕਾਰ ਨੂੰ ਕੋਈ ਜਾਣਕਾਰੀ ਨਹੀਂ ਹੈ ਤਾਂ ਇਹ ਆਪਣੇ ਆਪ ਵਿੱਚ ਗੰਭੀਰ ਸਵਾਲ ਖੜ੍ਹਾ ਕਰਦਾ ਹੈ। ਕੀ ਸਰਕਾਰ ਦਾ ਖੁਫੀਆ ਤੰਤਰ ਪੂਰੀ ਤਰ੍ਹਾਂ ਫੇਲ ਹੋ ਚੁੱਕਾ ਹੈ, ਜੋ ਜ਼ਮੀਨੀ ਹਾਲਾਤਾਂ ਦੀ ਸਹੀ ਰਿਪੋਰਟ ਸਰਕਾਰ ਤੱਕ ਨਹੀਂ ਪਹੁੰਚਾ ਰਿਹਾ।ਕੀ ਕਿਹੜੀਆਂ ਸੜਕਾਂ ਉੱਤੇ ਹਾਦਸਿਆਂ ਦਾ ਖਤਰਾ ਬਣਿਆ ਰਹਿੰਦਾ ਹੈ, ਤੇ ਸੰਬੰਧਿਤ ਵਿਭਾਗਾਂ ਅਤੇ ਖੁਫੀਆ ਏਜੰਸੀਆਂ ਨੂੰ ਇਸ ਬਾਰੇ ਜਾਣਕਾਰੀ ਨਾ ਹੋਣਾ ਹੈਰਾਨੀ ਵਾਲੀ ਗੱਲ ਹੈ।ਤੇ ਸਵਾਲ ਖੜੇ ਹੋ ਰਹੇ ਹਨ ਕਿ ਜੇਕਰ ਸਰਕਾਰ ਜਾਣੂ ਹੈ ਤਾ ਕਾਰਵਾਈ ਅਮਲ ‘ਚ ਕਿਓ ਨਹੀ ਲਿਆਂਦੀ ਜਾ ਰਹੀ।ਧਰਨਾਕਾਰਰੀਆਂ ਨੇ ਮੰਗ ਕੀਤੀ ਕਿ ਸਰਕਾਰ ਲੋਕਾਂ ਦੀ ਜਾਨ-ਮਾਲ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾ ਕਿ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰੇ।
