ਚੁਗਿੱਟੀ/ ਜੰਡੂ ਸਿੰਘਾ, 8 ਜੁਲਾਈ ( ਨਰਿੰਦਰ ਲਾਗੂ)-ਸਥਾਨਕ ਸੁੱਚੀ ਪਿੰਡ ਵਿਖੇ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਅਲਮਸਤ ਬਾਪੂ ਗੁਰਚਰਨ ਸ਼ਾਹ ਦੀ ਯਾਦ ਵਿਚ ਸਾਲਾਨਾ ਜੋੜ ਮੇਲਾ 12 ਜੁਲਾਈ ਨੂੰ ਕਰਵਾਇਆ ਜਾਵੇਗਾ। ਜਾਣਕਾਰੀ ਦਿੰਦੇ ਹੋਏ ਗੱਦੀਨਸ਼ੀਨ ਸਾਂਈ ਬਿੱਟੂ ਸ਼ਾਹ ਅਤੇ ਸੇਵਾਦਾਰ ਲੱਕੀ ਬੱਧਣ ਨੇ ਸਾਂਝੇ ਤੌਰ ‘ਤੇ ਦੱਸਿਆ ਕਿ ਇਸ ਸਬੰਧੀ 11 ਜੁਲਾਈ ਨੂੰ ਸ਼ਾਮ 4 ਵਜ਼ੇ ਚਿਰਾਗ ਰੌਸ਼ਨ ਕੀਤੇ ਜਾਣਗੇ ਤੇ ਮਹਿੰਦੀ ਦੀ ਰਸਮ 8 ਵਜ਼ੇ ਹੋਵੇਗੀ। ਦੂਜੇ ਦਿਨ 12 ਜੁਲਾਈ ਨੂੰ ਝੰਡਾ ਚੜਾਉਣ ਦੀ ਰਸ਼ਮ ਸਵੇਰੇ 10 ਵਜ਼ੇ ਪੁਰੀ ਕੀਤੀ ਜਾਵੇਗੀ।ਉਸ ਤੋਂ ਬਾਅਦ ਮਹਿਫ਼ਲ ਏ ਕੱਵਾਲੀ ਪ੍ਰੋਗਰਾਮ ਹੋਵੇਗਾ। ਦੁਪਹਿਰ ਬਾਅਦ ਨਕਲਾਂ ਦਾ ਪ੍ਰੋਗਰਾਮ ਸ਼ਾਮ 4 ਵਜ਼ੇ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਦੌਰਾਨ ਵੱਖ -ਵੱਖ ਗਾਇਕ ਕਲਾਕਾਰਾਂ ਵੱਲੋਂ ਵੀ ਹਾਜ਼ਰੀ ਲਗਵਾਈ ਜਾਵੇਗੀ। ਇਸ ਮੌਕੇ ਪਹੁੰਚਣ ਵਾਲੀਆਂ ਸੰਗਤਾਂ ਨੂੰ ਸੇਵਾਦਾਰਾਂ ਵੱਲੋਂ ਲੰਗਰ ਵਰਤਾਏ ਜਾਣਗੇ।
