ਫੋਟੋਗ੍ਰਾਫ਼ਰਾਂ ਨੂੰ ਸੋਨੀ ਕੰਪਨੀ ਵਲੋਂ ਨਵੇਂ ਕੈਮਰਿਆਂ ਅਤੇ ਫੀਚਰਜ਼ ਦੀ ਜਾਣਕਾਰੀ ਲਈ ਲਾਇਆ ਕੈਂਪ
ਮਹਿਤਪੁਰ, 22 ਸਤੰਬਰ (ਲਖਵਿੰਦਰ ਸਿੰਘ)- ਮਹਿਤਪੁਰ ਫੋਟੋਗ੍ਰਾਫੀ ਕਲੱਬ ਵਲੋਂ ਕੀਤੇ ਉਪਰਾਲੇ ਤਹਿਤ ਸੋਨੀ ਕੰਪਨੀ ਵਲੋਂ ਨਵੇਂ ਕੈਮਰਿਆਂ ਅਤੇ ਉਨ੍ਹਾਂ ਦੇ ਨਵੇਂ ਅਪਡੇਟ ਹੋਏ ਫੀਚਰਜ਼ ਬਾਰੇ ਜਾਣਕਾਰੀ ਲਈ ਜੇ. ਕੇ ਰੈਸਟੋਰੈਂਟ ਮਹਿਤਪੁਰ ਵਿਖੇ ਇੱਕ ਵਿਸ਼ੇਸ਼ ਕੈਂਪ ਲਗਾਇਆ ਗਿਆ।
ਮਹਿਤਪੁਰ, 22 ਸਤੰਬਰ (ਲਖਵਿੰਦਰ ਸਿੰਘ)- ਮਹਿਤਪੁਰ ਫੋਟੋਗ੍ਰਾਫੀ ਕਲੱਬ ਵਲੋਂ ਕੀਤੇ ਉਪਰਾਲੇ ਤਹਿਤ ਸੋਨੀ ਕੰਪਨੀ ਵਲੋਂ ਨਵੇਂ ਕੈਮਰਿਆਂ ਅਤੇ ਉਨ੍ਹਾਂ ਦੇ ਨਵੇਂ ਅਪਡੇਟ ਹੋਏ ਫੀਚਰਜ਼ ਬਾਰੇ ਜਾਣਕਾਰੀ ਲਈ ਜੇ.ਕੇ ਰੈਸਟੋਰੈਂਟ ਮਹਿਤਪੁਰ ਵਿਖੇ ਇੱਕ ਵਿਸ਼ੇਸ਼ ਕੈਂਪ ਲਗਾਇਆ ਗਿਆ। ਇਹ ਕੈਂਪ ਮਹਿਤਪੁਰ ਫੋਟੋਗ੍ਰਾਫੀ ਕਲੱਬ ਦੇ ਪ੍ਰਧਾਨ ਰਮਨਪ੍ਰੀਤ ਸਿੰਘ ਪ੍ਰੀਤ ਸਟੂਡੀਓ ਦੀ ਅਗਵਾਈ ਹੇਠ ਲਗਾਇਆ ਗਿਆ। ਜਿਸ ਵਿੱਚ ਮਹਿਤਪੁਰ ਇਲਾਕੇ ਦੇ ਸਾਰੇ ਫੋਟੋਗ੍ਰਾਫ਼ਰ ਅਤੇ ਵੀਡੀਓ ਐਡੀਟਰ ਆਦਿ ਸ਼ਾਮਿਲ ਹੋਏ। ਇਸ ਦੌਰਾਨ ਕੰਪਨੀ ਵਲੋਂ ਆਏ ਹੋਏ ਇੰਜੀਨੀਅਰਾਂ ਵਲੋਂ ਫੋਟੋਗ੍ਰਾਫ਼ਰ ਨੂੰ ਵਿਸਥਾਰ ਸਹਿਤ ਜਾਣਕਾਰੀ ਦਿੱਤੀ ਗਈ। ਪ੍ਰਧਾਨ ਰਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਆਉਣ ਵਾਲੇ ਵਿਆਹਾਂ ਦੇ ਸੀਜਨ ਦੌਰਾਨ, ਜਿਨ੍ਹਾਂ ਤਸਵੀਰਾਂ ਨੂੰ ਤੁਸੀਂ ਆਪਣੇ ਸਟੇਟਸ, ਬਾਇਓ ਜਾਂ ਸੋਸ਼ਲ ਮੀਡੀਆ ਪੋਸਟਾਂ ਲਈ ਵਰਤਦੇ ਹੋ ਉਨ੍ਹਾਂ ਨੂੰ ਕੈਦ ਕਰਨ ਵਿੱਚ ਫੋਟੋਗ੍ਰਾਫ਼ਰ ਅਹਿਮ ਭੂਮੀਕਾਂ ਨਿਭਾਉਦੇ ਹਨ। ਤੇਜ਼ੀ ਨਾਲ ਚੱਲ ਰਹੇ ਇਸ ਯੁਗ ਦੌਰਾਨ ਫੋਟੋਗ੍ਰਾਫ਼ਰ ਨੂੰ ਸਮੇਂ ਦੇ ਹਾਣੀ ਬਣਾਉਣ ਲਈ ਨਵੀਆਂ ਤਕਨੀਕਾਂ ਦਾ ਗਿਆਨ ਲੈਣਾ ਜ਼ਰੂਰੀ ਹੈ। ਸਮੂਹ ਫੋਟੋਗ੍ਰਾਫਰਾਂ ਵਲੋਂ ਕੰਪਨੀ ਵੱਲੋਂ ਆਏ ਇੰਜੀਨੀਅਰਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਰਮਨਪ੍ਰੀਤ ਸਿੰਘ ਪ੍ਰੀਤ ਸਟੂਡੀਓ, ਕੁਲਵਿੰਦਰ ਸਿੰਘ ਮਠਾੜੂ, ਬੋਬੀ,ਵਿਜੇ ਕੁਮਾਰ, ਮਹਿਕ, ਮਨਜਿੰਦਰ ਸਿੰਘ, ਵਿਪਨ,ਚਰਨਜੀਤ ਸਿੰਘ ਚੰਨੀ,ਪ੍ਰਦੀਪ ਕੁਮਾਰ, ਨਿੱਕੂ, ਜਿੰਦਰ ਆਦਿ ਹਾਜ਼ਰ ਸਨ।
