ਭਾਰਤ ਵਿਕਾਸ ਪ੍ਰੀਸ਼ਦ ਜੈਤੋ ਵਲੋਂ ਮਹਿੰਦੀ ਅਤੇ ਰੰਗੋਲੀ ਮੁਕਾਬਲੇ ਕਰਵਾਏ
ਜੈਤੋ, 13 ਅਕਤੂਬਰ (ਗੁਰਚਰਨ ਸਿੰਘ ਗਾਬੜੀਆ)-ਭਾਰਤ ਵਿਕਾਸ ਪ੍ਰੀਸ਼ਦ ਜੈਤੋ ਵਲੋਂ ਮਹਿੰਦੀ ਅਤੇ ਰੰਗੋਲੀ ਮੁਕਾਬਲਾ ਸੰਸਥਾ ਦੇ ਪ੍ਰਧਾਨ ਰੁਲੀਆ ਰਾਮ ਸਿੰਗਲਾ ਅਤੇ ਪ੍ਰੋਜੈਕਟ ਚੇਅਰ ਪਰਸਨ ਲਕਸ਼ਮੀ ਬਾਂਸਲ ਦੀ ਰਹਿਨੁਮਾਈ ਹੇਠ ਸਰਵ ਹਿੱਤਕਾਰੀ ਵਿਦਿਆ ਮੰਦਰ ਜੈਤੋ ਵਿਖੇ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿਚ ਵੱਖ-ਵੱਖ ਸਕੂਲਾਂ ਦੇ 101 ਬੱਚਿਆਂ ਨੇ ਭਾਗ ਲਿਆ।
ਜੈਤੋ, 13 ਅਕਤੂਬਰ (ਗੁਰਚਰਨ ਸਿੰਘ ਗਾਬੜੀਆ)-ਭਾਰਤ ਵਿਕਾਸ ਪ੍ਰੀਸ਼ਦ ਜੈਤੋ ਵਲੋਂ ਮਹਿੰਦੀ ਅਤੇ ਰੰਗੋਲੀ ਮੁਕਾਬਲਾ ਸੰਸਥਾ ਦੇ ਪ੍ਰਧਾਨ ਰੁਲੀਆ ਰਾਮ ਸਿੰਗਲਾ ਅਤੇ ਪ੍ਰੋਜੈਕਟ ਚੇਅਰ ਪਰਸਨ ਲਕਸ਼ਮੀ ਬਾਂਸਲ ਦੀ ਰਹਿਨੁਮਾਈ ਹੇਠ ਸਰਵ ਹਿੱਤਕਾਰੀ ਵਿਦਿਆ ਮੰਦਰ ਜੈਤੋ ਵਿਖੇ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿਚ ਵੱਖ-ਵੱਖ ਸਕੂਲਾਂ ਦੇ 101 ਬੱਚਿਆਂ ਨੇ ਭਾਗ ਲਿਆ। ਜਿਸ ਵਿਚ ਰੰਗੋਲੀ ਦੇ ਸੀਨੀਅਰ ਵਰਗ ’ਚ ਤਿਲਕ ਕੰਨਿਆ ਪਾਠ ਸ਼ਾਲਾ ਦੀ ਪਰੀ ਨੇ ਪਹਿਲਾ, ਅਮਰ ਮੂਰਤੀ ਟੈਗੋਰ ਸਕੂਲ ਜੈਤੋ ਦੀ ਅਰਸ਼ਦੀਪ ਕੌਰ ਨੇ ਦੂਜਾ ਅਤੇ ਜੂਨੀਅਰ ਵਰਗ ’ਚ ਜਸਪ੍ਰੀਤ ਕੌਰ ਡੀ.ਏ.ਵੀ ਸਕੂਲ ਨੇ ਪਹਿਲਾ ਅਤੇ ਨਵਨੀਤ ਕੌਰ ਅਮਰ ਮੂਰਤੀ ਟੈਗੋਰ ਸਕੂਲ ਜੈਤੋ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਮਹਿੰਦੀ ਮੁਕਾਬਲੇ ਵਿਚ ਜੂਨੀਅਰ ਵਰਗ ਵਿਚ ਕੁਮਕੁਮ ਡੀਏਵੀ ਸਕੂਲ ਨੇ ਪਹਿਲਾ ਤੇ ਅਨਪਿਤਾ ਪਬਲਿਕ ਮਿਡਲ ਸਕੂਲ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਸੀਨੀਅਰ ਵਰਗ ਵਿਚ ਲਕਸ਼ਮੀ ਤਿਲਕ ਕੰਨਿਆ ਸਕੂਲ ਨੇ ਪਹਿਲਾ ਤੇ ਅੰਕਿਤਾ ਸਰਵ ਹਿੱਤਕਾਰੀ ਵਿਦਿਆ ਮੰਦਰ ਤੀਜੇ ਸਥਾਨ ’ਤੇ ਰਹੀ। ਇਸ ਮੌਕੇ ਮੁੱਖ ਮਹਿਮਾਨ ਨੀਰਜ ਮਿੱਤਲ ਦੀ ਧਰਮ ਪਤਨੀ ਕੁਲਦੀਪ ਮਿੱਤਲ ਐਡਵੋਕੇਟ ਨੇ ਬੱਚਿਆਂ ਦਾ ਹੌਂਸਲਾ ਵਧਾਇਆ ਅਤੇ ਪ੍ਰੀਸ਼ਦ ਦੇ ਉਪਰਾਲੇ ਦੀ ਪ੍ਰਸੰਸਾ ਕੀਤੀ। ਇਸ ਮੌਕੇ ਸੰਸਥਾ ਦੇ ਵਾਈਸ ਪ੍ਰਧਾਨ ਸਤੀਸ਼ ਕੁਮਾਰ ਗੋਇਲ ਲੰਬਵਾਲੀ ਵਾਲੀ, ਸਿਲਾਈ ਸੈਂਟਰ ਦੇ ਇੰਚਾਰਜ ਮਮਤਾ ਜਿੰਦਲ, ਮਨੀਸ਼ਾ ਬਿੰਦਲ, ਨੀਰੂ ਗਰਗ, ਅੰਜੂ ਕਾਸਲ ਅਤੇ ਰੇਨੂ ਗਰਗ ਆਦਿ ਮੌਜੂਦ ਸਨ।
