ਮਾਨਸਾ, 5 ਜਨਵਰੀ (ਧਾਲੀਵਾਲ)- ਪੱਛੜੀਆਂ ਸ਼ੇ੍ਰਣੀਆਂ ਪੰਜਾਬ ਦੇ ਚੇਅਰਮੈਨ ਡਾ. ਮਲਕੀਤ ਸਿੰਘ ਥਿੰਦ 7 ਜਨਵਰੀ ਨੂੰ ਮਾਨਸਾ ਵਿਖੇ ਪੱਛੜੇ ਵਰਗ ਨਾਲ ਸੰਬੰਧਿਤ ਸੰਸਥਾਵਾਂ ਦੀਆਂ ਮੰਗਾਂ ਅਤੇ ਮੁਸ਼ਕਿਲਾਂ ਸਬੰਧੀ ਚਰਚਾ ਕਰਨਗੇ | ਇਹ ਜਾਣਕਾਰੀ ਓ.ਬੀ.ਸੀ. ਫ਼ਰੰਟ ਦੇ ਆਗੂ ਕੇਵਲ ਸਿੰਘ, ਹਰਜੀਤ ਸਿੰਘ ਰਾਮਗੜ੍ਹੀਆ ਅਤੇ ਲਾਲ ਚੰਦ ਯਾਦਵ ਨੇ ਇੱਥੇ ਫ਼ਰੰਟ ਦੀ ਇਕੱਤਰਤਾ ਨੂੰ ਸੰਬੋਧਨ ਕਰਦਿਆਂ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਜਾਤੀ ਆਧਾਰਿਤ ਜਨਗਣਨਾ, ਪੰਜਾਬ 'ਚ ਨੌਕਰੀਆਂ ਅਤੇ ਦਾਖ਼ਲਿਆਂ 'ਚ 27 ਫ਼ੀਸਦੀ ਰਾਖਵਾਂਕਰਨ ਲਾਗੂ ਕਰਵਾਉਣਾ ਪੱਛੜੇ ਵਰਗ ਦੀਆਂ ਮੁੱਖ ਮੰਗਾਂ ਹਨ | ਜ਼ਿਲ੍ਹਾ ਆਗੂ ਸ਼ਰਨਜੀਤ ਕੌਰ ਰਾਮਗੜ੍ਹੀਆ ਅਤੇ ਪਰਮਜੀਤ ਕੌਰ ਨੇ ਕਿਹਾ ਕਿ ਸੰਵਿਧਾਨ ਭਾਵੇਂ ਪੱਛੜੇ ਵਰਗ ਦੇ ਹੱਕ 'ਚ ਹੈ ਪ੍ਰੰਤੂ ਫਿਰ ਵੀ ਇਸ ਵਰਗ ਨਾਲ ਹਰ ਥਾਂ 'ਤੇ ਬੇਇਨਸਾਫ਼ੀ ਹੋ ਰਹੀ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਬੀ.ਸੀ. ਕਮਿਸ਼ਨ ਨੂੰ ਐਸ.ਸੀ. ਕਮਿਸ਼ਨ ਵਾਂਗ ਪੂਰੀਆਂ ਸ਼ਕਤੀਆਂ ਦਿੱਤੀਆਂ ਜਾਣ | ਇਸ ਮੌਕੇ ਪਿ੍ਤਪਾਲ ਸਿੰਘ, ਬਿੱਕਰ ਮੰਘਾਣੀਆ, ਕੁਲਵੰਤ ਸਿੰਘ, ਪ੍ਰੇਮ ਸਿੰਘ ਹੀਰੇਵਾਲਾ, ਜਸਵਿੰਦਰ ਸਿੰਘ ਕਾਕੂ, ਲਾਲ ਚੰਦ ਲੁਹਾਣੀਵਾਲ, ਮਹਿੰਦਰ ਪਾਲ ਫਿਰੋਜਪੁਰੀਆ, ਮਾ. ਗੁਰਜੰਟ ਸਿੰਘ, ਪਰਸ ਰਾਮ, ਸਤਨਾਮ ਸਿੰਘ ਕੰਬੋਜ, ਕੁਲਵੰਤ ਸਿੰਘ ਰਿਟਾਇਰ ਸੁਪਰਡੈਂਟ, ਗੁਰਦੀਪ ਸਿੰਘ ਸਿੱਧੂ, ਪਰਮਜੀਤ ਸਿੰਘ, ਜਗਤਪਾਲ ਮੌਰੀਆ, ਵਰਿੰਦਰ ਪ੍ਰਤਾਪ ਯਾਦਵ, ਅਮਰੀਕ ਸਿੰਘ ਆਦਿ ਹਾਜ਼ਰ ਸਨ |
ਪਛੜੀਆਂ ਸ਼ੇ੍ਰਣੀਆਂ ਪੰਜਾਬ ਦੇ ਚੇਅਰਮੈਨ ਡਾ. ਮਲਕੀਤ ਸਿੰਘ ਥਿੰਦ ਭਲਕੇ ਮਾਨਸਾ 'ਚ
ਅਜੀਤ ਡੈਸਕ
06-01-2026