ਸਰਦੂਲਗੜ੍ਹ ਤੇ ਬਠਿੰਡਾ ਸੇਵਾ ਕਮੇਟੀ ਵਲੋਂ ਸਾਲਾਨਾ ਲੰਗਰ ਦਾ ਪੋਸਟਰ ਜਾਰੀ

ਸਰਦੂਲਗੜ੍ਹ, 30 ਜੂਨ (ਜੀ.ਐਮ. ਅਰੋੜਾ)- ਸਥਾਨਕ ਸ਼ਹਿਰ, ਬਠਿੰਡਾ ਦੇ ਸੇਵਾਦਾਰਾਂ ਅਤੇ ਮਾਂ ਚਿੰਤਪੂਰਨੀ ਲੰਗਰ ਕਮੇਟੀ ਵਲੋਂ ਸਾਵਣ ਮਹੀਨੇ ਦੌਰਾਨ ਮਾਤਾ ਸ੍ਰੀ ਚਿੰਤਪੂਰਨੀ ਧਾਮ ਹਿਮਾਚਲ ਪ੍ਰਦੇਸ਼ ਵਿਖੇ ਲਗਾਏ ਜਾਣ ਵਾਲੇ 27ਵੇਂ ਸਾਲਾਨਾ 9 ਰੋਜ਼ਾ ਲੰਗਰ ਸੰਬੰਧੀ ਮੀਟਿੰਗ ਸਥਾਨਕ ਰਿਜ਼ੋਰਟ ਵਿਖੇ ਕੀਤੀ ਗਈ। ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਪ੍ਰਧਾਨ ਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਮੀਟਿੰਗ ’ਚ ਲੰਗਰ ਦੀਆਂ ਤਿਆਰੀਆਂ ਅਤੇ ਪ੍ਰਬੰਧਾਂ ਸੰਬੰਧੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਸੰਸਥਾ ਦੇ ਚੇਅਰਮੈਨ ਅਜੈ ਪਾਲ ਗਰਗ ਅਤੇ ਗੌਰਵ ਮਿੱਤਲ ਵਿਸ਼ੇਸ਼ ਤੌਰ ’ਤੇ ਸ਼ਾਮਲ ਹੋਏ। ਇਸ ਦੌਰਾਨ 27ਵੇਂ ਸਾਲਾਨਾ ਲੰਗਰ ਦਾ ਅਧਿਕਾਰਤ ਪੋਸਟਰ ਵੀ ਜਾਰੀ ਕੀਤਾ ਗਿਆ। ਲੰਗਰ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਵਾਰ 13 ਤੋਂ 21 ਅਗਸਤ ਤੱਕ ਲਗਾਇਆ ਜਾਵੇਗਾ । ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਰਾਸ਼ਨ ਸਮੱਗਰੀ ਜਾਂ ਦਾਨ ਰਾਸ਼ੀ 12 ਅਗਸਤ ਤੱਕ ਜਮਾ ਕਰਵਾ ਕੇ ਸੇਵਾ ’ਚ ਆਪਣਾ ਯੋਗਦਾਨ ਪਾਉਣ । ਇਸ ਮੌਕੇ ਭੂਸ਼ਨ ਗਰਗ, ਓਮ ਪ੍ਰਕਾਸ਼ ਹਾਂਡਾ, ਪ੍ਰਮੋਦ ਕੁਮਾਰ ਗਰਗ, ਧਰਮ ਚੰਦ ਸਿੰਗਲਾ, ਦਵਿੰਦਰ ਕੁਮਾਰ ਮੁਨਸ਼ੀ, ਸੁਭਾਸ਼ ਗਰਗ, ਮਾ. ਮਥਰਾਂਦਾਸ, ਅਜੇ ਕੁਮਾਰ, ਗੋਰਾ ਲਾਲ, ਸੰਜੀਵ ਸਿੰਗਲਾ, ਰਾਕੇਸ਼ ਕੁਮਾਰ ਸੋਨੀ, ਬੀਰੂ ਸ਼ਰਮਾ, ਪੰਕਜ ਗਰਗ, ਗੁਲਸ਼ਨ ਸੋਨੀ ਆਦਿ ਹਾਜ਼ਰ ਸਨ।