ਲੋਹੀਆਂ ਖਾਸ, 28 ਮਈ (ਬਲਵਿੰਦਰ ਸਿੰਘ ਵਿੱਕੀ)-ਕਰੀਬ ਸਾਢੇ ਛੇ ਸੌ ਪੁਰਾਣੀ ਨੂਰਾਨੀ ਮਸਜਿਦ ਲੋਹੀਆਂ ਖਾਸ ਵਿਖੇ ਮੁਸਲਿਮ ਭਾਈਚਾਰੇ ਵਲੋਂ ਈਦ ਓਲ ਜੂਹਾ ਦੀ ਨਮਾਜ਼ ਅਦਾ ਕੀਤੀ ਗਈ | ਉਪਰੰਤ ਇਕ ਦੂਸਰੇ ਨੂੰ ਈਦ ਦੀਆਂ ਮੁਬਾਰਕਾਂ ਦਿੱਤੀਆਂ ਗਈਆਂ ਅਤੇ ਮਿਠਾਈਆਂ ਨਾਲ ਮੂੰਹ ਮਿੱਠਾ ਕਰਵਾਇਆ ਗਿਆ | ਇਸ ਮੌਕੇ ਨੂਰਾਨੀ ਮਸਜ਼ਿਦ ਦੇ ਪ੍ਰਧਾਨ ਹਾਜੀ ਅਲੀ ਹਸਨ ਨੇ ਸਮੂਦਾਏ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਭਾਈਚਾਰਕ ਸਾਂਝ ਲਈ ਬੇਹਤਰ ਭੂਮਿਕਾ ਅਤੇ ਬਣਦੀ ਜਿੰਮੇਵਾਰੀ ਨਿਭਾਉਣ | ਉਹਨਾ ਵਕਫ਼ ਬੋਰਡ ਨੂੰ ਅਪੀਲ ਕੀਤੀ ਕਿ ਭਾਈਚਾਰੇ ਦੀਆਂ ਧਾਰਮਿਕ ਥਾਵਾਂ ਦੀ ਰਾਖੀ ਅਤੇ ਬੁਨਆਦੀ ਸਾਂਭ ਸੰਭਾਲ ਅਤੇ ਸਹੂਲਤਾਂ ਲਈ ਢੱਕਵੇਂ ਫੰਡ ਜਾਰੀ ਕਰਨ ਤਾਂ ਜੋ ਬੇਹਤਰ ਪ੍ਰਬੰਧ ਕੀਤੇ ਜਾ ਸਕਣ | ਇਸ ਮੌਕੇ ਮੌਲਵੀ ਮੁੰਹਮਦ ਅਸ਼ਰਫ, ਅਲੀ ਅਹਿਮਦ, ਫੌਜੀਆ ਖਾਨਮ, ਕਿਸ਼ਵਰ ਖਾਨਮ, ਅਲੀ ਹਸਨ, ਕਦੀਮ ਅੰਨਸਾਰੀ, ਫਰੀਦਾ ਖਾਨਮ, ਰਾਕੇਸ਼ ਕੁਮਾਰ, ਪਵਨ ਕੁਮਾਰ, ਰਜਿੰਦਰ ਸਿੰਘ, ਰਵੀ ਕਾਂਤ, ਅਮਨਦੀਪ, ਸੁਰਜੀਤ ਸਿੰਘ ਜੰਮੂ ਆਦਿ ਹਾਜ਼ਰ ਸਨ |
