ਭਗਵਾਨ ਵਾਲਮੀਕਿ ਮੰਦਰ ’ਚ ਲਾਸ਼ ਦੱਬਣ ’ਤੇ ਵਿਵਾਦ ਭਖਿਆ

ਤਲਵੰਡੀ ਚੌਧਰੀਆਂ, 4 ਅਕਤੂਬਰ (ਪਰਸਨ ਲਾਲ ਭੋਲਾ)-ਪਿੰਡ ਹੁਸੈਨਪੁਰ ਦੂਲੋਵਾਲ ਬਸਤੀ ਦੇ ਲੋਕਾਂ ਵਿਚ ਉਸ ਸਮੇਂ ਹਾਹਾਕਾਰ ਮੱਚ ਗਈ, ਜਦੋਂ ਭਗਵਾਨ ਵਾਲਮੀਕਿ ਮੰਦਰ ਸ਼੍ਰੀ ਸ਼੍ਰੀ 108 ਬਾਬਾ ਗਿਆਨ ਨਾਥ ਦੇ ਤਪ ਅਸਥਾਨ ’ਤੇ ਲੋਹੀਆਂ ਵਿਖੇ ਸੇਵਾ ਕਰ ਰਹੇ ਸੇਵਾਦਾਰ ਦੀ ਲਾਸ਼ ਇੱਥੇ ਦੱਬ ਦਿੱਤੀ | ਤਪ ਅਸਥਾਨ ’ਤੇ ਸੇਵਾ ਕਰ ਰਹੇ ਬਾਬਾ ਮਹਾਂਨਾਥ ਵਲੋਂ ਨਾ ਤਾਂ ਸਰਪੰਚ ਨੂੰ ਤੇ ਨਾ ਨੰਬਰਦਾਰ ਅਤੇ ਨਾ ਹੀ ਕਿਸੇ ਪਿੰਡ ਦੇ ਪਤਵੰਤੇ ਸੱਜਣ ਨੂੰ ਪੁੱਛਿਆ ਅਤੇ ਲਾਸ਼ ਆਪਣੇ ਤੌਰ ’ਤੇ ਮੰਦਰ ਦੇ ਅੰਦਰ ਦੱਬ ਦਿੱਤੀ | ਜਿਸ ਦਾ ਸਮੁੱਚੇ ਪਿੰਡ ਵਲੋਂ ਵਿਰੋਧ ਕੀਤਾ ਗਿਆ | ਬੀਤੀ ਰਾਤ ਪੁਲਿਸ ਪ੍ਰਸ਼ਾਸਨ ਵਲੋਂ ਪਿੰਡ ਦੇ ਲੋਕਾਂ ਤੇ ਬਾਬਾ ਮਹਾਂਨਾਥ ਦਾ ਸਮਝੌਤਾ ਕਰਨ ਦੀ ਕੋਸ਼ਿਸ਼ ਕੀਤੀ, ਜੋ ਸਿਰੇ ਨਾ ਚੜ੍ਹ ਸਕੀ | ਰੋਹ ਵਿਚ ਆਏ ਲੋਕਾਂ ਨੇ ਸਵੇਰੇ ਭਗਵਾਨ ਵਾਲਮੀਕਿ ਮੰਦਰ ਸ੍ਰੀ ਸ੍ਰੀ 108 ਗੁਰੂ ਗਿਆਨ ਨਾਥ ਜੀ ਦੇ ਤਪ ਅਸਥਾਨ ਗੇਟ ਅੱਗੇ ਰੋਸ ਧਰਨਾ ਲਗਾ ਦਿੱਤਾ ਤੇ ਬਾਬਾ ਮਹਾਂਨਾਥ ਜੀ ਦੇ ਵਿਰੁੱਧ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ | ਹਾਲਾਤ ਨੂੰ ਵਿਗੜਦਿਆਂ ਦੇਖ ਕੇ ਕਪੂਰਥਲਾ ਦੇ ਥਾਣਿਆਂ ’ਚੋਂ ਵੱਡੀ ਗਿਣਤੀ ਵਿਚ ਪੁਲਿਸ ਮੌਕੇ ’ਤੇ ਪੁੱਜ ਗਈ | ਐਸ. ਡੀ.